Noueyikatsajtsilistli para Dios ma kinmanaui ikoneuan
12
ToTEKO, xtechmakixti pampa xok nemij yejuan kuajkualti tlakamej.
Xok nemij tlakamej niman siuamej
yejuan melauak tlaneltokaj ikan nochi inyojlo.
2 Sa nochimej nokajkayauaj.
Ijkuak se kijlia itlaj, kijlia ikan ome ixayak
noso yej san kajkayaua.
3 NoTEKO, xkinkixti on tlakamej omexayakyejkej
niman on yejuan noueyiteneuaj.
4 Nemij yejuan ijkin kijtouaj:
“San ika tokamak titopaleuiyaj;
tonenepil yejua techmanauiya.
¿Akinon kuitia uelis techmandaros?”
5 ToTEKO ijkin yokijtoj:
“On mayankej niman on yejuan xuelij nomanauiyaj,
kintlajyouiltiaj niman inka nauiltiaj.
Yejua ika, aman ninotelketsas
niman nikinmanauis ijkon ken yejuamej kinekij.”
6 On tlen toTEKO kiprometeroua, melauak kitemaka.
¡On ipromesa ken itlaj plata yejuan más chipauak,
kenon plata yejuan okixatekakej chikomepa
ipan sen horno yejuan sanoyej totonki!
7 ToTEKO, tejuamej tikmatij ika tejua titechejeuas.
Nochipa xtechmanaui de intech on kenomej tlakmej
8 maski on xompayejyeuamej nochiuiyan kistinemij,
niman nochi tlakatl kuelita kiueyiteneua on tlen xkuajli.