Ueyikatsajtsilistli ijkuak onkaj ajmantli
6
NoTEKO, maka xnechajua ijkuak tikualantikaj;maka xnechcastigaro ijkuak sanoyej tikualantikaj.
2 NoTEKO, yej xnechikneli,
pampa nejua machisti xok nikxikos más.
NoTEKO, tejua xchiua ma nipajti,
pampa nikmati ika nochi notlalnakayo xkojtik
niman kuekuetlaka.
3 ¡Nejua nikuekuetlaka ika xsanoyej ninomojtia!
NoTEKO, ¿Kamanon tinechpaleuis?
4 ¡Xuajla noTEKO niman xmakisti nonemilis!
¡Xnechmakixti pampa tinechtlajsojtla!
5 Xakaj yejuan yomik uelis mitselnamikis!
¿Akinon uelis mitsmauistilis tla yoyaj ne mikiloyan?
6 Yonisiau ika nichoka.
Cada yeuajli sanoyej nichoka
hasta nikapaloua nokuejton.
7 Ye nixpajpayatitikaj,
pampa sanoyej niajmankachoka,
impampa on yejuan nechtlauelita.
8 ¡Xnechtlalkauikan nemejuamej xompayejyeuamej,
pampa toTEKO yokak ken nichokistsijtsiknoua!
9 NoTEKO yonechkak ken niknotstikaj.
¡Yejua yokiselij noueyikatsajtsilis!
10 Nochimej notlauelikniuan nopinajtiskej
niman sanoyej mojkamikiskej.
Sano yejuamej itlaj ika nokajkayauaskej.
Sano yejuamej nopijpinajtiskej,
niman amanaman ontlatlaksaskej ikan pinaualistli.