Bildad okinankijli Job
25
Kemaj Bildad, on Suhita, ijkin okijlij Job: 2 "Dios temojtij ken nochi ueli kichiua, niman kipiya ueyi tetlakaitalistli. Yejua ipan iluikak sanoyej kuajli tlamandaroua. 3 Isoldados xakaj ueli kimpoua; itlauil petlani nochiuiyan ipan nochi tlakatl. 4 Ixpan Dios nion se tlakatl xuelis kijtos ika nemi yolchipauak; nochi tlakatl tlakati itech se siuatl tlajtlakolej. 5 Ixpan Dios, nion metstli xkipiya petlanalistli, nion on sitlalimej xchipajkej. 6 Tla ijkon, tejuamej tlaltikpaktlakamej más xtichipajkej; tejuamej ken san tiokuilimej yejuan sanoyej tetlajyelojkej."