On yejuan tlatsotsonaj niman on yejuan nokuikatiaj
25
Kemaj David niman on soldadojtlayekankej ipan on yektiopantekitl okijtojkej tlinon tekitl kichiuaskej on ikoneuan Asaf, Hemán niman Jedutún, yejuan kitemachistiayaj itiotlajtol Dios ikan on tlatsotsonaltin arpas, salterios niman platillos. Nikan tlajkuilolnestikaj imintoka on yejuan kipiyayaj in tekitl. yejuan kitemachistiayaj itiotlajtol Dios. 2 De on yejuan ikoneuan Asaf katkaj: Jacur, José, Netanías niman Asarela. On yejuan kinyekanaya katka Asaf, intataj yejuan kitemachistiaya itiotlajtol Dios ika itlanauatil on rey.
3 On chikuasemej ikoneuan Jedutún katkaj: Gedalías, Zeir, Jesaías, Simei, Hasabías niman Matatías. On yejuan kinyekanaya katka Jedutún intataj yejuan kitemachistiaya itiotlajtol Dios ikan on tlatsotsonajli arpa para kimakas tlaxtlauijli niman kimauistilis Dios.
4 On ikoneuan Hemán katkaj: Buquías, Matanías, Uziel, Sebuel, Jeremot, Hananías, Hanani, Eliata, Gidalti, Ramanti-ezer, Josbecasa, Maloti, Hotir niman Mahaziot. 5 Dios okimakak Hemán, yejuan itiotlajtojkau on rey, yejuamej in majtlaktli uan naui itelpoch niman yeyi ichpoch ijkon ken okiprometerouilijka para sanoyej kipiyas poder. 6 Nochimej yejuamej kinyekanaya intataj ijkuak nokuikatiayaj, ijkuak kimauistiliayaj toTEKO ipan iyektiopan ika on tlatsotsonaltin, platillos, salterios niman arpas.
Asaf, Jedutún niman Hemán nemiyaj ika itlanauatil on rey. 7 Nochimej on yejuan kuajli ueliyaj tlatsotsonayaj katkaj, iminuan on oksekimej incompañeros yejuan okintlayejyekoltijkej para ma kuikatlalikan toTEKO, katkaj 288.
8 Kemaj okinxexelojkej ipan inturnos ikan suerte kenijki kintokaros tekitiskej nochimej. Xokintakej tla más ueuentsitsimej noso más kokonej, tla temachtijkej noso nomachtijkej*.
9 Ijkuak okixtijkej on suerte, ijkin onokajkej on ken notokatiayaj, de on yejuan yakatstiuij hasta on yejuan ika 24 grupos. Ijkin okintlalijkej ken kitocarouaya tekitiskej:
On achtoj suerte okitokaroj José yejuan kisa itech iclan Asaf,
niman majtlaktli uan ome ikoneuan niman ikenteitauan.
On ika ome suerte okitokaroj Guedalías,
niman majtlaktli uan ome ikoneuan niman ikenteitauan.
10 On ika yeyi suerte okitokaroj Zacur,
niman majtlaktli uan ome ikoneuan niman ikenteitauan.
11 On ika naui suerte okitokaroj Izra,
niman majtlaktli uan ome ikoneuan niman ikenteitauan.
12 On ika makuijli suerte okitokaroj Netenías,
niman majtlaktli uan ome ikoneuan niman ikenteitauan.
13 On ika chikuasen suerte okitokaroj Buquías,
niman majtlaktli uan ome ikoneuan niman ikenteitauan.
14 On ika chikome suerte okitokaroj Jesarela,
niman majtlaktli uan ome ikoneuan niman ikenteitauan.
15 On ika chikueyi suerte okitokaroj Jesahías,
niman majtlaktli uan ome ikoneuan niman ikenteitauan.
16 On ika chiknaui suerte okitokaroj Matanías,
niman majtlaktli uan ome ikoneuan niman ikenteitauan.
17 On ika majtlaktli suerte okitokaroj Semei,
niman matlaktli uan ome ikoneuan niman ikenteitauan.
18 On ika majtlaktli uan se suerte okitokaroj Azareel,
niman majtlaktli uan ome ikoneuan niman ikenteitauan.
19 On ika majtlaktli uan ome suerte okitokaroj Hasabías,
niman majtlaktli uan ome ikoneuan niman ikenteitauan.
20 On ika majtlaktli uan yeyi suerte okitokaroj Subael,
niman majtlaktli uan ome ikoneuan niman ikenteitauan.
21 On ika majtlaktli uan naui suerte okitokaroj Matatías,
niman majtlaktli uan ome ikoneuan niman ikenteitauan.
22 On ika majtlaktli uan makuijli suerte okitokaroj Jeremot,
niman majtlaktli uan ome ikoneuan niman ikenteitauan.
23 On ika majtlaktli uan chikuasen suerte okitokaroj Hananías,
niman majtlaktli uan ome ikoneuan niman ikenteitauan.
24 On ika majtlaktli uan chikomej suerte okitokaroj Josbecasa,
niman majtlaktli uan ome ikoneuan niman ikenteitauan.
25 On ika majtlaktli uan chikueyi suerte okitokaroj Hanani,
niman majtlaktli uan ome ikoneuan niman ikenteitauan.
26 On ika majtlaktli uan chiknaui suerte okitokaroj Maloti,
niman majtlaktli uan ome ikoneuan niman ikenteitauan.
27 On ika sempuajli suerte okitokaroj Eliata,
niman majtlaktli uan ome ikoneuan niman ikenteitauan.
28 On ika sempuajli uan se suerte okitokaroj Hotir,
niman majtlaktli uan ome ikoneuan niman ikenteitauan.
29 On ika sempuajli uan ome suerte okitokaroj Gidalti,
niman majtlaktli uan ome ikoneuan niman ikenteitauan.
30 On ika sempuajli uan yeyi suerte okitokaroj Mahaziot,
niman majtlaktli uan ome ikoneuan niman ikenteitauan.
31 On ika sempuajli uan naui suerte okitokaroj Romanti-ezer,
niman majtlaktli uan ome ikoneuan niman ikenteitauan.
Cada se de yejuamej inuan ikniuan niman ikenteitauan katkaj majtlaktli uan omemej.