Naamán opajtik de on kokolistli lepra
5
Nemiya sen tlakatl itoka Naamán, yejuan soldadojtlayekanki katka intech isoldados on rey de Siria. On rey kixpakaitaya niman kitlakaitaya, pampa toTEKO kipaleuiyaya para ma tetlani ipampa Siria yejuan yejua ipaís. In soldadojtlayekanki ueyixtika, pero kipiyaya on temojti kokolistli itoka lepra.2 Ipan sen nouijsokilistli yejuan okichijkej on sirios inuan on israelitas, okajsikej sen ichpokakonetl niman okuikakej. Yejua in siuakonetl onokau itech isiuau Naamán para kitekichiuiliaya. 3 Se tonajli in ichpokakonetl okijlij isiuau Naamán:
—Tla noteko kontaskia on tiotlajtojketl yejuan nemi Samaria, pajtiskia de on kokolistli lepra.
4 Ijkuak Naamán ijkon okak, oyaj niman okitlajtlajtouilij irey on tlen okijtoj on ichpokakonetl. 5 Niman on rey de Siria okinankilij:
—Kuajli, xuiya. Nejua niktitlanilis sen amatlajkuilojli on rey de Israel.
Kemaj Naamán oyaj. Okikuik 30 mil plata tomin, 6 mil tomin de oroa niman majtlaktli tlakentli*, 6 niman okiktilij on rey de Israel on amatlajkuilojli, yejuan ijkin kijtouaya: “Ijkuak tikselis in amatlajkuilojli, tikmatis ika nejua niktitlani Naamán, semej de on notlapeliuikauan, para tikpajtis de on kokolistli lepra.”
7 Ijkuak on rey de Israel okinomachtij on amatlajkuilojli, okitsayantiaj itekiuajtlaken para okiteititij ika nomojtia, niman okijtoj:
—¿Tline nejua niDios, yejuan kitemaka nemilistli noso kitekixtilia? ¿Tline nechajtitlanilia sen tlakatl ma nikpajti de on kokolistli lepra? ¡Kuajli xkitakan niman xkixtlalokan ika kitejtemojtikaj tlinon ika nechuijsokis!
8 Ijkuak okimat on tiotlajtojketl Eliseo ika on rey onotlakentetsayan ipampa on amatlajkuilojli, otlatitlan ma kijlitij: “¿Tline otiktsayan motlaken? Ma uajla on tlakatl ma nechitaki, niman kimatis ika nemi sen tiotlajtojketl yejuan melauak itiotlajtokau Dios nikan Israel.”
9 Yejua ika Naamán oyaj ikan icarreta de guerra niman icaballos, niman onotelketstajsik ikiauatempan Eliseo. 10 Kemaj Eliseo okititlan sen tlajtojketl para okijlito: “Xuiya niman xmapolakti chikomepa ipan on río Jordán, niman motlalnakayo nokauas chipauak de on lepra.”
11 Naamán sanoyej okualan, niman oyaj okijtojtiaj:
—Nejua oniknemilij ika uajkisaskia nechajnamikiskia, niman uajnoteketsaskia kinotsaskia iTEKO Dios, niman kemaj kimatlaloskia kampa nikpiya on kokolistli, niman ijki nechkixtiliskia on lepra. 12 ¿Tlen xmás kuajli on ríos Abaná niman Farfar yejuan onkaj Damasco, xken nochimej on ríos de Israel? ¿Xniueliskia niaskia nejua nonapolaktiskia impan niman ninokauaskia chipauak?
—TotEKO, tla on tiotlajtojketl mitsnauatisyo xchiua itlaj yejuan ouijtikaj*, ¿tejua xtikchiuaskia? ¿Man tline xtikchiua ijkuak san mitsijlia: xmapolakti niman motlalnakayo pajtis?
14 Yejua ika Naamán oyaj niman onapolaktij chikomepa ipan on río Jordán, ijkon ken okinauatij on tiotlajtojketl, niman inakayo onokuep ken inakayo sen konetl, niman opajtik. 15 Kemaj yejua niman nochimej yejuan iuan yayaj oyajkej okitatoj Eliseo. Ijkuak oajsikej itech, Naamán okijlij:
—¡Aman nikneltoka ika ipan nochi tlaltikpaktli xnemi Dios, yej san nemi nikan ipan in tlajli de Israel! Yejua ika tej, nimitsyemankatlajtlanilia xseli sen tetlayokolijli* yejuan mitsmaka in motekitkau.
16 Pero Eliseo okinankilij:
—Ninotlajtolmaka ika itokatsin noTEKO, ika xnikselis.
—Tla ijkon, xnechkauili ma niktlamamalti ome yolki ika in tlajli de Israel para ma nikikti, pampa in motekitkau xokaman kitemakas uentli yejuan nochi tlatla nion kinuentlalis yolkej para oksekimej dioses, yej san para toTEKO. 18 San nikiknotlajtlanilia toTEKO ma nechtlapojpolui ika on tlen nikchiuas pampa ijkuak noueyixtikaj rey yas konmauistilis on dios Rimón ipan itiopan, niman ipan noma nokojtilis, nejua ika onkaj ninotlakuantelketsas iuan ipan itiopan, toTEKO ma nechtlapojpolui yejua ika in.
19 Eliseo okinankilij:
—Xuiya moyolika.
Naamán oyaj de ompa. Niman ijkuak ye uejkatsin yaya, 20 Giezi, itlapaleuijkau on tiotlajtojketl Eliseo, okinemilij: “Noteko yokauilij ma uiya Naamán on sirio, niman nion xitlaj* okiselilij de on tlen yejua okuajkik. Noteko kitocaroua kiselis on tetlayokolijli* yejuan kimaka. Ninotlajtolmaka ika itokatsin toTEKO ika ninotlalos nikonajsis, niman nikitas tlinon uelis nechmakas.”
21 Kemaj Giezi oyaj okajsito Naamán. Ijkuak Naamán okitak ika ikuitlapan yaya Giezi, ouajtemok ipan icarreta de guerra para okitlajpaloj, niman okitlajtoltij:
—¿Itlaj xkuajli nochiua?
22 Giezi okinankijlij:
—Ka, xitlaj*. Pero noteko onechajtitlan ma nimitsijliki ika kinaman oyejkokej omemej tiotlajtojkej san telpokamej, yejuan ualeuaj ipan on itepeyouan Efraín. Yejua ika, mitsyemankatlajtlanilia xmaka 3 mil plata tominb niman ome tlakentli*.
23 Naamán okinankilij:
—Por favor, xkui 6 mil plata tominc.
Naamán okiyoleu para ma kiseli. Okitlalij ipan ome xikipijli san sekan iuan on ome tlakentli*, niman okinmaktilij omemej itlakeualuan para ma kiktilikan niman ma uiyan iyakapan Giezi. 24 Ijkuak oajsikej ikuapan on tlamimijli kampa Eliseo chanchiuaya, Giezi okikuik on ome xikipijli yejuan kiktiyaj on tlakeualtin, okejeu ipan on kajli niman okinnauatij. 25 Kemaj oyaj itech iteko, niman Eliseo okitlajtoltij:
—¿Kanon otiualeu Giezi?
Giezi okinankilij:
—Nejua xkanaj niau.
26 Pero Eliseo oksejpa okijlij:
—Ijkuak on tlakatl otemok ipan icarreta de guerra para omitstlajpaloj, nejua ompa ninemiya mouan, ipan notlamachilis. Pero amantsin xejua tiempo para tikselis tomin, tlakentli*, nion tikouas huertas, uvasyoj, borregos, uakaxtin, tlakeualtin, niman siuatlakeualtin. 27 Yejua ika tej, on lepra* yejuan kipiyaya Naamán tejua mitsajsis niman mouejkakoneuan para nochipa.
Niman ijkuak Giezi onoxeloj itech Eliseo, sanoyej kipiyaya on kokolistli lepra* yejuan nesiya istak ken itlaj nieve.