ToTEKO kinotsa Samuel
3
On telpokakonetl Samuel kitekichiuiliaya toTEKO, ken kinauatiaya Elí. Ipan on tonaltin, toTEKO san kamantika kinotsaya yakaj para kimakaya itiotlajtol niman no san kamantika kinotsaya yakaj ipan tlatlachalistli ken itemikpan. 2 Pero se tlayoua, Elí yejuan ye kipolojtiaya itlachalis, kochtikatka ipan on tabernáculo de toTEKO ipan ikalijtik. 3 Samuel uej kochiya ipan itabernáculo toTEKO kampa onkaj iyekcaja Dios. Niman on lámpara yejuan onkatka ipan on tabernáculo sanken* tlikuitikatka. 4 Kemaj toTEKO okinots Samuel:—¡Samuel! ¡Samuel!
Niman Samuel okinankilij:
—Nikan ninemi.
5 Kemaj nimantsin onotlaloj kampa nemi Elí niman okijlij:
—Nikan ninemi. ¿Tline tinechnotsa?
Elí okinankilij:
—Nejua xonimitsnots. Xuiya, oksejpa xmotekati.
—¡Samuel! ¡Samuel!
Niman Samuel onokuiteu niman oyaj itech Elí, niman okijlij:
—Nikan ninemi. ¿Tline tinechnotsa?
Elí okinankilij:
—Nejua xonimitsnots. Xuiya, oksejpa xmotekati.
7 Samuel xe kixmatiya toTEKO pampa xe kaman kinotsaya. 8 Kemaj toTEKO okinots Samuel ika yexpa, niman yejua onokuiteu niman okijlito Elí:
—Nikan ninemi. ¿Tline tinechnotsa?
— Xuiya, xmotekati. Niman tla toTEKO mitsnotsa, ijkin xkijli: “Xnechijli noTEKO, pampa nejua motekitkau nimitskaki”.
Niman Samuel oyaj niman onotekato oksejpa. 10 Kemaj toTEKO oksejpa ouajlaj niman okinots Samuel, ken achtoj yokinotska:
—¡Samuel! ¡Samuel!
Niman Samuel okinankilij:
—NoTEKO, xnechijli pampa nejua motekitkau nimitskaki.
11 Niman toTEKO okijlij:
—Nikchiuas tlen sanoyej temojtij ipan on tlajli Israel, niman on yejuan kakiskej tlinon nikchiuas sanoyej nomojtiskej, niman kimojkakakiskej. 12 Ipan on tonajli ika onkaj nikchiuas nochi on tlen Elí yonikijlij. Yonikijlij ika nicastigaros ifamilia. 13 Yonikmachistij ika nicastigaros ifamilia para nochipa, ipampa on tlajtlakojli yejuan yejua ye kimatstikaj. Ye kimatstikaj ika ikoneuan sanoyej ueyi tlajtlakojli okichijkej nixpan niman yejua xokinteltij. 14 Yejua ika, yoninotlajtolmakak ika notokajtsin, ika xkaman niktlapojpoluis ifamilia Elí. On tlajtlakojli yejuan okichijkej xuelis kipopoloskej ika uentin de yolkej nion ika uentin de harina.
15 Kemaj Samuel oksejpa onotekak hasta otlanes. Niman kualkan ijkuak onokuiteu, okintlapoj itsakuijlouan on itabernáculo toTEKO, pero nomojtiaya kitlajtlajtouilis Elí on tlen toTEKO okijlij ipan on tlatlachalistli ken itemikpan. 16 Pero Elí okonnots niman okijlij:
—¡Samuel nokoneu!
Samuel okinankilij:
—Nikan ninemi.
17 Niman Elí okitlajtoltij:
— ¿Tlinon omitsijlij toTEKO? Nimitstlajtlanilia maka itlaj tinechiyanilis on tlen omitsijlij. Tla itlaj tinechiyanilia, toTEKO ma mitscastigaro.
18 Samuel okijlij Elí nochi on tlen toTEKO okijlij niman xitlaj* okiyanilij. Kemaj Elí okijtoj:
—¡Yejua toTEKO! ¡Ma kichiua tlen yejua kita kuajli kichiuas!
19 Samuel onoskaltij, niman toTEKO okipaleuij. Niman onochiu nochi on tlen Samuel okijtoj. 20 Niman nochi on israelitas desde Dan hasta Beerseba okitakej ika Samuel melauak katka sen itiotlajtojkau toTEKO. 21 Niman toTEKO sanken* okinotitijtinen Samuel ipan on ueyikalpan Silo, kampa kinotitiaya Samuel, niman kimakaya itlajtol. Niman Samuel kinmijliaya nochimej on israelitas.