On ueyitlalpanmej yejuan okinmakakej Efraín niman Manasés on ikoneuan José
16
On uejueyitlalpanmej yejuan okinmakakej ikan suertes iuejkakoneuan José, peuaya kampaka ikisayan tonaltsintli itech iameyaluan Jericó ne nisiu on río Jordán. Kemaj de ompa yaya ipan on xalpatlajkan niman tlejkouaya ipan on tepeyoj yejuan ajsi Betel. 2 Itech Betel, yejuan no itoka Luz, peuaya niman panouaya hasta on ueyikalpan Atarot kampa on arquitas chantiyaj. 3 Kemaj temouaya kampaka ikalakiyan tonaltsintli, hasta on ueyitlalpan kampa on jafletitas chantiyaj. Niman kemaj yaya hasta itlamiyan on Bet-horón yejuan más tlatsintlan, niman kemaj hasta Gezer. De ompa ajsiya itech on Mar Mediterráneo. 4 On omemej tribus, Manasés niman Efraín, iuejkakoneuan José, yejua in tlaltin okiselijkej.On ueyitlalpan yejuan okimakakej itribu* Efraín
5 Itlanamikiyan on ueyitlalpan de on clanes yejuan de itribu* Efraín, pejtoya kampaka ikisayan tonaltsintli de on ueyikalpan Atarot- adar, niman yaya hasta Bet-horón yejuan tlakpak. 6 De ompa ajsiya hasta itech on Mar mediterráneo kampaka ikalakiyan tonaltsintli. Niman kampaka norte ika itlalnamikiyan on ueyitlalpan ajsiya hasta Micmetat. Niman de ompa itlalnamikiyan on tlajli kiyeualouaya para kampaka ikisayan tonaltsintli niman ajsiya hasta Taanat-silo. Kemaj panouaya kampaka Janoa 7 niman temouaya hasta on uejueyikalpanmej Atarot niman Naarat. Kemaj ajsiya itenko Jericó, niman de ompa onkisaya ipan on río Jordán. 8 De Tapúa, itlalnamikiyan on tlajli yaya kampaka ikalakiyan tonaltsintli hasta ajsiya itech on ayajtok Caná, niman kemaj ajsiya hasta itech on Mar Mediterráneo. In yejua on ueyitlalpan yejuan okinmakakej iclanes itribu* Efraín. 9 No onkatkaj keskimej uejueyikalpanmej niman kalpanmej pipitikej ipan on ueyitlalpan de itribu* Manasés, yejuan okiselijkej itribu* Efraín.
10 Pero itribu* Efraín xokinkixtijkej on cananeos yejuan chantiyaj ipan on ueyikalpan Gezer. Yej onkinkauilijkej ma chantikan iminuan, pero on cananeos okinchiualtijkej ma tekitikan ken esclavos.