भजनसंग्रह 120

शोभा-यात्राको गीत (१)

मेरो सङ्कष्‍टमा मैले परमप्रभुलाई पुकारें, अनि उहाँले मेरो विन्‍ती सुन्‍नुभयो।

2 हे परमप्रभु, झूट बोल्ने ओठहरू र छल गर्ने जिब्रोबाट मलाई छुटाउनुहोस्!

3 हे छली जिब्रो, तँलाई के दिइने हो? अथवा तँलाई के गरिने हो?

4 झाउ रूखका भुङ्ग्रासित पराक्रमीका तीखा काँड़हरू!

5 मलाई धिक्‍कार छ! किनभने म मेशेकमा परदेशी भई बसेको छु; किनकि म केदारका पालहरूमा बस्दछु।

6 मिलापलाई घृणा गर्नेसँग धेरै समयदेखि मेरो प्राण वास गर्दै आएको हो।

7 म त मिलाप खोज्छु; तर जब म बोल्छु, तब तिनीहरू लड़ाइँ गर्न खोज्छन्।