१ शमूएल
शमूएलको जन्म
1
अनि एप्रैम पहाड़को रामातैम-जोफिमका एल्काना नामका कुनै एकजना मानिस थिए, जो यरोहामका छोरा, एलिहूका नाति, तोहूका पनाति, एफ्रातीक जूफका खनाति थिए। 2 अनि तिनका दुईजना पत्नीहरू थिए; एउटीको नाम हन्ना थियो, र अर्कीको नाम पनिन्ना थियो; अनि पनिन्नाका सन्तान थिए, तर हन्नाका सन्तान थिएनन्। 3 अनि ती मानिस हरेक वर्ष आफ्नो शहरबाट माथि शीलोमा सेनाहरूका परमप्रभुलाई दण्डवत् गर्न र बलिदान चढ़ाउन जान्थे। अनि एलीका दुईजना छोरा होप्नी र पीनहास, परमप्रभुका पूजाहारीहरू त्यहाँ थिए। 4 अनि एल्कानाले बलि चढ़ाएको दिनमा तिनले आफ्नी पत्नी पनिन्नालाई र यिनका सबै छोराहरू र यिनका छोरीहरूलाई भागहरू दिए; 5 तर हन्नालाई तिनले दुई गुणा भाग दिए; किनभने तिनले हन्नालाई प्रेम गर्थे; तर परमप्रभुले उनको गर्भ बन्द गर्नुभएको थियो। 6 अनि उनलाई कुँड़्याउन उनकी विरोधीले उनलाई साह्रै चिढ़ाउँथिन्; किनभने परमप्रभुले उनको गर्भ बन्द गर्नुभएको थियो। 7 अनि वर्षैपिच्छे यस्तै हुन्थ्यो: जब हन्नाख परमप्रभुको भवनमा जान्थिन्, तब पनिन्नालेग उनलाई चिढ़ाउँथिन्; यसैले उनी रुन्थिन्, र खाना खाँदिनथिन्। 8 तब उनका पति एल्कानाले उनलाई भने: “हन्ना, तिमी किन रुन्छ्यौ, र किन खाँदिनौ? तिम्रो हृदय किन शोकित छ? के म तिम्रा निम्ति दसजना छोराहरूभन्दा उत्तम होइनँ र?”9 अनि तिनीहरूले शीलोमा खाइपिइसकेपछि हन्ना उठिन्। अनि पूजाहारी एली परमप्रभुको मन्दिरको ढोकाको खाँबाको छेउमा एउटा आसनमा बसिरहेका थिए। 10 अनि उनी हृदयको पीरमा डुबेकी थिइन्, र परमप्रभुलाई प्रार्थना गरिन् अनि भक्कानिँदैघ रोइन्। 11 अनि उनले एक भाकल गरिन्, र भनिन्: “हे सेनाहरूका परमप्रभु, यदि तपाईंले साँच्ची नै आफ्नी दासीको दुःख हेरेर मलाई सम्झनुहुन्छ र तपाईंकी दासीलाई भुल्नुहुन्न, तर तपाईंकी दासीलाई एउटा छोरा दिनुभयो भने, म उसलाई उसको सारा जीवनभरि नै परमप्रभुलाई दिनेछु, र उसको शिरमा छुरा लाग्नेछैन।” 12 अनि यस्तो भयो: जब उनी परमप्रभुको सामु प्रार्थनामा लागिरहिन्, तब एलीले उनको मुखलाई ध्यान दिएङ। 13 अनि हन्ना आफ्नो हृदयमा बोलिरहेकी थिइन्; उनका ओठहरू मात्र चल्थे, तर उनको सोरचाहिँ सुनिँदैनथियो; यसैकारण एलीले उनलाई मातेकी ठाने। 14 अनि एलीले उनलाई भने: “कहिलेसम्म तिमी मातिरहन्छ्यौ? तिम्रो मद्य आफूबाट हटाइदेऊ!” 15 तब हन्नाले जवाफ दिएर भनिन्: “होइन, मेरा प्रभु, म आत्मामा दुःखित भएकी स्त्री हुँ; मैले न ता दाखमद्य न मदिरा नै पिएकी छु, तर मैले त मेरो मनच नै परमप्रभुको सामु पोखिदिएकी छु। 16 तपाईंकी दासीलाई चण्डालकीछ छोरी नठान्नुहोस्; किनभने मेरो भारी गुनासो र मेरो चित्तदु:खाइबाटज मैले अहिलेसम्म बोलेकी हुँ।” 17 तब एलीले जवाफ दिएर भने: “शान्तिसित जाऊ, र इस्राएलका परमेश्वरले तिमीले उहाँबाट मागेको तिम्रो विन्ती मन्जुर गरून्!” 18 अनि उनले भनिन्: “तपाईंकी दासीले तपाईंको दृष्टिमा कृपा पाओस्!” तब ती स्त्री आफ्नो बाटो लागिन्, अनि खाना खाइन्, र उनको चेहरा अब उसो फेरि उदास रहेन।
19 अनि तिनीहरूले बिहान सबेरै उठेर परमप्रभुको सामु दण्डवत् गरे, र फर्केर रामामा, आफ्नो घरमा आइपुगे; अनि एल्काना आफ्नी पत्नी हन्नाकहाँ गएझ; अनि परमप्रभुले हन्नालाईञ सम्झना गर्नुभयो। 20 अनि समयको अन्तरालमा यस्तो भयो: हन्ना गर्भवती भइन्, र उनले एउटा छोरा जन्माइन्; अनि ‘मैले उसलाई परमप्रभुबाट मागेकी हुँ’ भनेर उनले उसको नाम ‘शमूएल’ट राखिन्। 21 अनि ती मानिस एल्काना र तिनको सारा परिवार परमप्रभुलाई बर्सेनि चढ़ाउने बलि र आफ्नो भाकल चढ़ाउन माथि गए। 22 तर हन्नाचाहिँ माथि गइनन्; किनभने उनले आफ्ना पतिलाई भनिन्: “बालकलाई दूध नछुड़ाउन्जेल म माथि जानेछैनँ; त्यसपछि म उसलाई लैजानेछु, र ऊ परमप्रभुको सामु देखा पर्नेछ, र सधैंभरि त्यहीं बस्नेछ।” 23 तब उनका पति एल्कानाले उनलाई भने: “तिमीलाई जे असल लाग्छ, त्यही गर! उसलाई तिमीले दूध छुड़ाउन्जेल बस! यति मात्र होस्: परमप्रभुले आफ्नो वचन स्थापित गरून्!” तब ती स्त्री बसिन्, र उनले उसलाई दूध नछुड़ाउन्जेल आफ्नो छोरालाई दूध चुसाइन्। 24 अनि जब उनले उसलाई दूध छुड़ाइन्, तब उनले उसलाई साथमा माथि शीलोमा, परमप्रभुको भवनमा लगिन्, तीनवटा बहर, एक एपा पीठो र एक मशक दाखमद्यको साथमा; अनि बालक सानै थियो। 25 अनि तिनीहरूले एउटा बहर मारे, र बालकलाई एलीकहाँ ल्याए। 26 अनि उनले भनिन्: “हे मेरा प्रभु, तपाईंको जीवनको शपथ! मेरा प्रभु, परमप्रभुलाई प्रार्थना गर्दै यहाँ तपाईंको छेउमा उभिने स्त्री म नै हुँ। 27 यस बालकका निम्ति मैले प्रार्थना गरेकी थिएँ; अनि मैले उहाँबाट जुन माग मागेकी थिएँ, परमप्रभुले मलाई सोही कुराठ दिनुभएको छ; 28 यसकारण मैले पनि परमप्रभुलाई यो बालकड पैंचो दिएकी छु; ऊ बाँचुन्जेल परमप्रभुलाई पैंचो दिइएको हो।” अनि तिनले त्यहाँ परमप्रभुलाई दण्डवत् गरे।