Kolossiamei
KHOU Paul RUI HYMEI TATDYN
KALAM DINHMEI
Kolosiamei nunc khou Paul rui Hymei Tatdyn hei Asia Mainor khou Ephesia tuang neihpat khou naimei Kolossia tuang phwamling khang hymei tuang e. Mi phwamling hei Paul rui lingcthauloumei tuang hamh khwan sini, Paul kamei rui lunghsuclouna kathouc swna taanc bammei ramv lungc khou kazauh khwan e. Ravguangc rui laalou khang khatni ringhbamv nthuihna laa khang Bumaengh tuang ngamv asaekc ta kalum nina e twna dinc mbianghmei mei nunc Kolossia khou nai e twmei Paul chu khwan e. Mi ruc khou rui gihruamhmei khatni taektw thianghmei khatni baih baihmei riak ni ngaek nina de twna dinc khwan e.
Khristian tuang Gaychamv ling tei nchamlouna, mi kumhmei nunc ta hei akhangv khang Paul rui mi tatdyn hei hymei tuang e. Jisu Khrista rui nthuihmei ringcbamv tii ngam e, kumna mi baihmei ramlum khatni baihmei taanv guay hei rui Khrista khou rui zay mbiangh pat e twmei dinclou e. Ravguangc rui Khrista paan rui mbaanv damclou e, kumna kapaan rui mbaanv ta Ravguangc kakhou laalou dat puni. Khrista khou kariumei paan na rui kandih kapwm khang guloumei tuang machunc nai e.
Mi tatdyn hei Tukika lev Philemon bangcpu Onesima rui Kolossia thangc phungc tat khwan e.
Kalam Khaklangcloumei
Kalam dinhmei 1.1-8
Khrista tuang lwnlung khatni kataanv 1.9—2.19
Khrista khou panty thanh 2.20—4.6
Kariaw riauloumei 4.7-18