Thesalonikamei
KHOU Paul RUI HYMEI REYMEI TATDYN
KALAM DINHMEI
Thesalonika khou Paul rui Hymei Reymei Tatdyn hei Rommei tuang Makedonia ramvlangv tuang kaidai e. Paul rui kamei Philippi mpatloumei tangv mi khou tei phwamling lingc thaulou the. Paul rui Gaychamv dinhmei khou tei Jihudi hamhmei, Jihudi riak ta kahawna bammei nunc meic mpeyna laalou kan pwkhou, Jihudimei nunc rui mamavna Paul ta nuh mak khe. Paul ta nthau pat tina kamei Beria thangc tat dat the. Mi tangv tei kamei Korinth khou guang tangcna bam khou, kathei lay tatmei Timothi rui Thessalonika phwamling lwnlung lam tei Paul khou guang raclou the.
Kum tina mi khou tei bammei Khristian guay ta tei katiu thaulou khang khatni sw ntiplou khang mi tatdyn hei hypui tuang e. Kaniw ramlum khatni nzianmei khang tei kamei thuancku e. Kamei rui kaniw pang khou lungc bam khou tei kamei akumhna lungc kan tu cho twmei kaniw ta tiningtow dat e. Mi tangv tei Khrista guang datmei lam khou mi phwamling khou Khrista guang dat makmei hu khou theic kanmei nunc tei ni kamei rui phungc guang nimei ringcsuangmei tei laa muai puni dai cho, khatni Khrista kiu tabui ganv khou guang dat puni cho twna thanv bammei tei dawlou e. Reih reina Khrista guang dat nimei ta nkhwanna taanc bam o twna Paul rui kaniw khou dinclou e.
Kalam Khaklangcloumei
Kalam dinhmei 1.1
Thuanckumei 1.2—3.13
Khristian kheiliak khang katiuloumei 4.1-12
Khrista guang dat nimei lam dincloumei 4.13—5.11
Nkhamhmei katiuloumei 5.12-22
Latriaw riauloumei 5.23-28