Philipimei
KHOU Paul RUI HYMEI TATDYN
KALAM DINHMEI
Philipimei nunc khou Paul rui Hymei Tatdyn hei Paul rui Europ kandic khou lingclou rey liangmei phwamling khou hymei tatdyn e. Mi hei latdiutatmei kamei kangkai khou bam khou, Khristian taanv sw nchamcmei meic gaanvsaekc rui kata akhangvna sw katuakc bammei ganv khou, khatni Philippi phwamling khou dinc mbianghmei mei nunc rui sw katuakc bammei ganv khou hymei tuang e. Tiki mi tatdyn khou hei neihlamei lyanlou e khatni Paul rui Jisu Khrista khou lwm ntipmei paan rui lwmgaymei tuang nai e.
Mi tatdyn hei hy khang katumhmei lam akhat rui Philipimei Khristian guay rui kakhang kage naimei ganv khou kakhang tii guangmei kaipat khang rui thuanckumei lat salou khang e. Kamei rui mi kadouchamei hei laa lana mi kumhmei katuakcmei azuh hei guang bam sini kaniw baucna khatni lwm ntipna bam khang sw ntiplou the. Karav rana khang ning makna Khrista tuang niamhmei lung tei phungh khang kaniw ta katiu the. Kaniw rui Khrista khou kariumei tei lwmmei paan rui Ravguangc zauzian paan rui kaipat swna laatowmei tuang de, Jihudimei tuang riak tei tatmei paan rui hamh e twmei kaniw ta tiningtowlou dat e. Khrista lev akhat na swna bammei nunc khang Ravguangc rui tiimei neihla khatni chuzaenghmei lam tei kamei rui hy e.
Mi tatdyn khou hei Khristian tuang lwmmei khatni panty khou neihlamei, lwmgaymei, kariumei, khatni khaengvsaenghmei lam khou nkunna hy e. Mi khou hei Paul rui Philippi phwamling ta nthukna nzianmei tei lyanlou e.
Kalam Khaklangcloumei
Kalam dinhmei 1.1-11
Paul kakhou patlou bammei 1.12-26
Khrista khou bammei panty 1.27—2.18
Timothi lev Epaphroditas khang swloumei raeng 2.19-30
Zauczihmei khatni phaysuy nuhmei khou rui ramhthay khang dincloumei 3.1—4.9
Paul khatni Philipimei kapam nunc 4.10-20
Kariaw riauloumei 4.21-23