Ephisiamei
KHOU Paul RUI HYMEI TATDYN
KALAM DINHMEI
Ephisiamei nunc khou Paul rui hymei Tatdyn khou dincloumei nthukmei latbamv rui Ravguangc rui damcloumei tingpuk kandih khou nai bammei katana hei Khrista bangc khou phungc guanglou nimei Ravguangc tuang raeng lam khou e. Jisu Khrista khou akhat na swmei paan rui maansei katana akhat na sw nimei Ravguangc tuang raeng daihmei kabac tei Ravguangc mei nunc rui lungc ndauh pat khang ni katiu e.
Mi tatdyn tuang reymei langv khou Pu Ravguangc rui kamei nunc ta kadahmei thukh, akumhna kaniw paap kuaklou to khatni Jisu Khrista paan rui akumhna paapc khou rui laa duaklou to khatni akumhna Ravguangc tuang daihmei latryan tei suai mak khe twmei Bumaengh Nthanmei rui dinclou to twmei dincna akhat na swmei tuang latdanv hei dinc key the. Kaneimei langv khou rui lwmloumei guay kariuna lunghmei paan rui kaniw Khrista khou akhat na swmei tei lungc lyan khang katiu e.
Akhat na khou kariumei paan rui, Ravguangc mei nunc akhat na swmei tei latgiam zayna mpeyna lyanlou e: phwamling hei meic pumc kumh tuang e, phwamling hei kai kumh tuang e, Khrista hei tiangdaic e; hamh e thei now kumh tuang e, Khrista hei kagaanv kumh tuang e twna dinclou e.
Kalam Khaklangcloumei
Kalam dinhmei 1.1-2
Khrista lev phwamling 1.3—3.21
Khrista khou panty thanh 4.1—6.20
Kariaw riauloumei 6.21-24.