Galatimei
KHOU Paul RUI HYMEI TATDYN
KALAM DINHMEI
Galatimei khou Paul rui Hymei Tatdyn hei Jisu Khrista tuang gaychamv dinc lik patna, Jihudimei hamhmei guay ni laalouna Zentelmei Khristian nai thau geic pwkhou, kaniw Khristian nchumhmei sw khang, kaniw ni Mousi tuang Latdanv guay tei piu nina ny twmei latthanv hei guang the. Paul rui mi tei kage maek e twna dinc nthanlou the. Kalam thu Khrista khou rui ringhmei laamei hei lwmmei paan rui de, kumna lwmmei guay ta tei Ravguangc rui laalou the. Tiki Galati kandih khou naimei phwamling guay khou Paul ta nuh makmei nunc guangna Ravguangc rui laalou diu khang kaniw ni Mousi tuang Latdanv piu nina de twna dinc the.
Mi kumna dinc mbianghlouna chaeng maanv kanmei nunc ta nchumhmei khou phungc guanglou dat khang Paul rui mi tatdyn hei hymei tuang e. Paul kamei hei Jisu Khrista tuang latdiutatmei e twmei dinc nthanlouna katuang tatdyn kahouh the. Kata latdiutatmei khang kawloumei hei maansei rui hamh e, Ravguangc kamei kahak rui kaw tuang e, kumna kata kawloumei hei nkunna Jihudi hamhmei khang e twna dinclou e. Kumna lwmmei paan na rui meic nunc ta hei Ravguangc rui laalou tuang de twmei dinc nthanlou e. Nkhamh khou Khristian kheiliak hei thu Khrista khou lwmloumei paan rui guangmei nzianmei paan na rui daic thau nina e twna dinclou e.
Kalam Khaklangcloumei
Chaengriw Lat 1.1-10
Paul khou Latdiutatmei ngamv naimei 1.11—2.21
Ravguangc zauzian tuang gaychamv 3.1—4.31
Khristian nyngswmei khatni kathouc 5.1—6.10
Kariaw riauloumei 6.11-18