Korinthmei
KHOU Paul RUI HYMEI KANEIMEI TATDYN
KALAM DINHMEI
Korinthmei nunc Khou Paul rui Hymei Kaneimei Tatdyn hei kamei lev Korinthmei phwamling kak khou maniat makmei asaekc naimei ganv khou hymei tatdyn e. Mi phwamling tuang mei gaanvsaekc rui Paul ta nuh makmei tuang tancna nai the, tiki kamei rui mi nunc tei lev guang kariu dat khang kahaw e, kumna mi tei guang tangc dat e thei adih neihla puni cho twmei ndauh e.
Tabui swna kamei phwamling ta tizak bammei khatni akhangv bammei nunc ta luh kasicna luh tu cho twmei dinc nthanlouna, mi kumcna ranvna kamei rui swloumei paan rui lunghlaic datna guang kariu dat kanmei khang kamei neihlamei ndauhna, kamei lev Korinthmei phwamling khou nai bammei riang luaic tei thaureymei langv khou kamei rui ndauh e. Mi tangv tei Judia khou bammei Khristianmei guay khang baanh daicna tipatlou o twna sa kan e. Nkhamh khou Korinth khou bammei meic gaanvsaekc rui kaniw hei latdiutatmei e, Paul hei thu latdiutatmei ling hamh e twna sa bammei nunc khou, kamei hei latdiutatmei ling e twmei dinc nthanlou e.
Kalam Khaklangcloumei
Kalam dinhmei 1.1-11
Paul lev Korinthmei Phwamling 1.12-7.16
Judia khou bammei Khristian nunc khang kaipat 8.1—9.15
Paul rui kamei hei Latdiutatmei twmei dinhmei 10.1—13.10
Latriaw riauloumei 13.11-13