Korinthmei
KHOU Paul RUI HYMEI REYMEI TATDYN
KALAM DINHMEI
Korinthmei nunc khou Paul rui Hymei Reymei Tatdyn hei, Paul rui Korinth kaidai khou lingcthauloumei phwamling khou bammei Khristian nunc tuang panty khatni lwmmei khou latgeihmei tuang naipui zaeng rui hy tuang e. Mi ganv khou tei Korinth hei zaatc lungc kariu karamei Grikmei kaidai khatni Akhaia ramvlangv tuang Rommei tuang kaidai e. Mi kaidai ta hei lanvguanh lanvdaenghmei khou, lunghriak kauhmei khou, kheiliak mphuammei khou, khatni ravchap geihmei khou kazanc tat bam khwan e.
Mi tatdyn hymei tuang nthukmei lam thu phwamling khou chwnchamh makmei khatni ntu nggaanv khei khou mphuammei naimei, now kaw nahlaamei lam khou lat geihmei, ravmaengc kalummei tuang taektw tumei, ravkai khou tat key bammei lam khou lat geihmei, Bumaengh Nthanmei kaipat khatni ringcthau datmei, mi guay lam hei dinc nthanlou khang e. Gaychamv rui mi latbamv guay khou tabui sa bu cho twmei kamei rui dinclou e.
Kadwm 13 khou hyloumei nzianmei hei Ravguangc tuang gay liangmei kaipat e twmei hei meic kathuicna rui thay bammei bamv e.
Kalam Khaklangcloumei
Kalam Dinhmei 1.1-9
Phwamling khou Chwnchamh Makmei 1.10—4.21
Ntu Nggaanv khei khou mphuammei khatni kaikhunh panty 5.1—7.40
Khristian lev rav baihmei ta kalummei nunc 8.1—11.1
Phwamling kalummei khou tat nimei kheiliak 11.2—14.40
Jisu khatni lwmmei nunc ringcthau datmei 15.1-58
Judia khou bammei Khristianmei guay khang nkhavloumei 16.1-4
Kariaw riauloumei 16.5-24