16
Dwangay Kadymei
1 Aniu tanpui Phoibe hei Kenkhrea phwamling tuang siamruaimei meic gaymeipui e. 2 Nangniw kata Ravguangc mei swna Poubauhmei zanc khou laalou o khatni kakhang kage naimei bamv guay khou nkhavlou tio; kamei hei meic mpeyna ta ni, ata ni nkhavlou bammeipui e.
3 Khrista Jisu tuang siamruai taanv khou taanc nchamcmei Priska lev Akuila khang dwangay kady e. 4 Kaney akhang rui theic duaklou tuang e. Ai kaney ta thuancku e—arana hamh e, Jentailmei nunc phwamling guay rui ni thuancku bam e. 5 Kakai khou kariu bammei phwamling khang tei ni dwangay kady e.
Asia kandih khou Khrista khou lwmlou reymei, ai rui nzianmei Epaenetas khang dwangay kady e. 6 Nangniw khang taanv taanc ranvna taancloumeipui Meri khang dwangay kady e. 7 Ai lev kangkai khou bam nchamcmei Jihudimei Andronikas lev Juniass khang dwangay kady e. Kaney hei Latdiutatmei pang khou meic guayna rui thaymei nei e khatni kaney hei asuangc ni Khristamei sw reymei nei e.
8 Poubauhmei khou ai rui nzianmei Ampliatas khang dwangay kady e. 9 Khrista khang taanv taanc nchamcmei Urbana lev ai rui nzianmei Stakhus khang ni dwangay kady e. 10 Khrista khang pianmei Apelles khang dwangay kady e. Aristobulas kai kaikhuncmei guay khang ni dwangay kady e. 11 Jihudimei Herodion khatni Narkissas kai kaikhuncmei Khristian chana guay khang ni dwangay kady e.
12 Poubauhmei taanv taanc bammei Truphaina lev Truphosa khatni Poubauhmei khang taanv ranvna bammeipui nzianmei Persis khang ni dwangay kady e. 13 Poubauhmei rui kapahloumei Ruphas khatni apui swna ni bammei kapui khang ni dwangay kady e. 14 Asunkritas, Philegon, Hermas, Patrobas, Hermes khatni kaniw lev bammei chana guay khang ni dwangay kady e. 15 Philologas lev Julia khang, Nerias lev katanpui khang, Olimpas khatni kaniw lev bammei nthanmei guay khang dwangay kady e. 16 Nangniw khat khat ta kaputna dwangay kady o. Khrista tuang phwamling guayna rui nangniw khang dwangay kady e.
Kady Kanavmei Lat
17 Chana thiu, kalangv patmei nunc khatni nangniw khou dincloumei riakdyn tei hamhmei rui meicnunc tuang lwmmei ta tiphaysuy bammei nunc khou tei rui ramhthayna bam o, kumna kaniw khou rui ducna bam o. 18 Mi kumhmei nunc hei aniu Poubauhmei Khrista tuang siamruai swmei nunc hamh e; kaniw bung khang taanhmei nunc e. Kaniw mwang nnimei khatni ndeihmei tei rui ramh thay makmei nunc ta guat e. 19 Nangniw thu gaychamv tei sin ntip bam the twmei meic guayna chu bam tuang the, kumna mi khang tei rui ai nangniw ruc khou neihla bam tuang e. Nangniw gaymei khou ningtyngmei nunc khatni simei khou khuay maekmei nunc swmei ta ai kahaw e. 20 Chuzaenghmei tiiloumei Ravguangc rui Seitan ta nangniw phaypav bangc khou niak piaklou zay puni the.
Aniu Poubauhmei Jisu zauzian nangniw khou naimei sw diu.a
21 Ai lev taanc nchamcmei Timothi rui nangniw khang dwangay kady e; ai kumhmei Jihudimei Lukias, Jason khatni Sosipatar rui ni dwangay kady e.
22 Mi tatdyn hei hymei Tartia ai rui ni Poubauhmei khou nangniw khang dwangay kady lev.
23 Akaibangpouc khatni phwamling kaibangpouc Gaias rui nangniw khang dwangay kady e. Kaidai tuang syanrymeipu Erastas khatni aniu chana Kuartas rui ni nangniw khang dwangay kady e.b 25-26 Reydouc rui ndauhlou makna lou bammei, tiki ntaw thu muhzwng nunc rui hyloumei khou rui khatni meic guayna lwmna piu khang zaat guayna khou dinc ndauhlou tho twna tingsaengzaeng Racguangc rui kalatdanv patloumei thei layna ndauhloumei, ai rui dinc ndauh bammei Jisu Khrista tuang gaychamv thei layna nangniw ta sw ntiplou ngammeipu, 27 kanei makmei, thay ngam parimei Racguangc hei Jisu Khrista paan rui tingsaengzaeng hymdaic diu. Amen.c