Rommei
KHOU Paul RUI HYMEI TATDYN
KALAM DINHMEI
Rommei nunc Khou Paul rui Hymei Tatdyn hei, kamei Rom phwamling khou guang khang kachaeng kasiamhmei tuang e. Paul tuang raeng rui mi khou tei bammei Khristian pang khou tei kaganv ganv saekc taanv taanclou lana kaniw rui nkhavlouna kamei Spain kandih thangc taanv taanc tat khang twna ning khwan e. Kamei rui Khristian tuang lwmmei lam khou dinc nthanlou khang khatni Khristian akhat swna akumhna lungc nina cho twmei dinclou khang mi tatdyn hei hymei tuang e. Mi buk khou hei Paul kamei rui nchamlou bammei lat guay tei ntanghna hylou e.
Rom phwamling khou bammei guay ta dwangay kadymei lat khatni kaniw khang huayneyna bam e twmei satowlou lana, mi tatdyn tuang latdwn tei, “Ravguangc rui meic nunc ta lwmmei paan rui kakhou laalou datmei tuang gaychamv" twna hy the.
Paul rui mi latbamv hei dinc key the. Maansei kaguayna, Jihudimei ta ni, Zentelmei ta ni, Ravguangc rui laalou datmei taanv taanclou khang kage nai e, kalam thu meic katana paapc ngamv bangc khou bam ngam the. Jisu Khrista khou lwmloumei paan na rui laalou datmei tuang e. Mi tangv, Ravguangc rui laalou datmei paan rui Khrista khou bammei tuang panty kathanc lam khou kamei rui dinclou e twmei dinclou e. Jisu khou lwmloumei guay ta Ravguangc rui laalou dat the, kumna kaniw ta Ravguangc tuang Bumaengc rui paapc khatni theihmei ngamv khou rui laa duaklou the. Kadwm 5-8 khou Ravguangc tuang latdanv hei tabui khang cho khatni lwmloumei nunc panty khou Ravguangc tuang Bumaengc ngamv akumhna nai cho twmei dinclou e. Ravguangc rui maansei khang swloumei raeng khou, Jihudimei lev Zentelmei ta laaloumei lwnlung tei dinclou e. Jihudimei rui Jisu ta laalou makmei hei Zentelmei ta laalou khang kabamv tiilou tuang e twmei dinclou e, kumna Jihudimei rui Jisu ta laalou mak nzut ni tu hamh e twmei kamei lwm e. Nkhamh khou Khristian rui akumhna lungc nina cho twmei dinclou e. Ravguangc khang taanv taancloumei, Khristian rui kandih kaipouc nunc khou khatni khat khat khou akumhna taanclou nina cho twmei ni dinclou e. Kamei rui mi tatdyn hei charay lat khatni Ravguangc ta thuanhmei lat rui luailou e.
Kalam Khaklangcloumei
Kalam Dinhmei khatni Latkui Dinhmei 1.1-17
Meic katana khang Ringhbamv kage naimei 1.18—3.20
Ringhbamv laa khang Ravguangc rui tiiloumei chaeng 3.21—4.25
Khrista khou panty kathanc 5.1—8.39
Ravguangc tuang raeng khou Isaraelmei 9.1—11.36
Khristian kheiliak 12.1—15.13
Latriaw riauloumei lat 15.14—16.27