3
Kalingmei Ravchaptatmei
1 Nkhamh khou, achana thiu, Poubauhmei khou neihlana bam o. Ai hy kanmei tei hy kaluaih dat datmei akhang kunghmei hamh e; nangniw suai mak khang e. 2 Simei taanv taanc bammei si nunc, gihruamc khang na rui sw bammei nunc khou tei rui ramhthayna bam o. 3 Kalingmei gihruamhmei nunc kiu thu kaniw tei hamh e; Ravguangc ta Bumaengh paan rui kalummei nunc, Khrista Jisu khou neihlana bammei nunc, meic pumc tuang khou ngangvlou makmei nunc, aniu hei e. 4 Meic pumc tuang khou ngangvlou kho tw e thei, akhang ni nai de. Thowkumhmei rui meic pumc tuang khou kamei ngangvlou khang nai e twna ning e thei, kakhang suangc ai na mbu de. 5 Zaeng tachat nungc ai gihruamc e, ai hei Israelmei e, Benjamin kaikhwangmei e, Ibrimei ling e, Riakdanv ngaekmei khou Pharisi e, 6 lunghsuhmei lam khou phwamling ta swmaan khang swmeipu e, Riakdanv ngaekna ravchaptatmei lam khou ai khuay maekmei e. 7 Akhang gaengmei e twna ai chaklou bam khwanmei guay tei Khrista khang nsa tuang di the twna ganc the. 8 Mi guay hei na hamh e; aPoubauhmei Khrista Jisu ta thaymei hei ramh ta kida dat khang maek khe; ramh guayna nsa di the twna ai chak the. Ai kakhang rui mi guay hei ganc the; mi guay hei nsa tuang di the twna ai ganc the. Mi hei ai Khrista ta laatowna, 9 ai kamei lev akhat na sw bam khang e. Riakdanv piumei paan rui ai rui ntaanvloumei ravchaptatmei zaat tei akhou nai dat mak khe. Khrista khou lwmmei paan rui tiiloumei, lwmmei paan rui Ravguangc rui tiiloumei ravchaptatmei tei akhou nai the. 10 Ai rui kahawmei thu Khrista ta thay khang, kumna ringcthau datmei Khrista tuang pumtan tei akhou nai khang, kamei ryanra khaengvmei khou lay theih khang, 11 kumna ata theihmei khou rui tiringc thau dat khang twmei hei e.
Tangclou Nipui Bamv Nzwanna Pakmei
12 Mi guay hei ai laatow ngam the, ai nthuih the twna ai sa mak e. Mi tei akhang laatow khang ai karamc e. Kalam thu Khrista rui ata kakhang nymlou the. 13 Chana thiu, ai mi tei laatow tangv the twna ning mak e; a tiki ai rui sw bammei kiu thu, thei thangc nai duc kanmei ta tei amuclouna, hu thangc naimei tangclou nipui bamv khou tei guang tangc khang ngammei kasang karamcna pak bam e. 14 Mi zaeng rui, swan tei laatow khang tangclou nipui bamv tei nzwan chupna ai pak bam e. Mi swan kiu thu tingkauh thangc lungh khang Ravguangc rui Khrista khou kawloumei hei e.
15 Bumaengh panty khou alauc hamhmei aniu thu mi kumhmei lungning hei nai nina the. Thowkumhmei khang mi lungning hei tamzuan makpui tuang nai e thei, Ravguangc rui mi hei tithay nthanlou puni. 16 Kum bam khwan sini, aniu ntaw nganv tat guangmei riak khou, hu thangc tat gut di kho. 17 Chana thiu, nangniw ni athei layluaih o. Aniw rui nangniw khou lungc lyanlou kanmei ta tei nzeicna lungc bammei nunc ta tei zauc o. 18 Mi hei ai kahunungc ni mpeyna sa kan the, kumna ntaw ni mikdui keyna sa datpui tuang e: Khrista tuang theihchouc ta zauczihmei swna lungc bammei meic mpeyna nai e. 19 Kaniw khang nganvlou nimei kiu maanmei e; kaniw tuang rav kiu kaniw bung tei e; khatni kaniw tuang hymdaihmei kiu zakmei e; mbaanv tuang khou kaniw lunghlou the. 20 Tiki, aniu thu tingkauh mei nunc de; mi khou tei rui aniu ta guloumeipu, Poubauhmei Jisu Khrista guangmei ta nkhwan bam e. 21 Ramh katana ta kabangc khou lou khang kakhou naimei pumtan tei rui aniu tuang suanmei pumc ta hei katuang hymdaihmei pumc kumhmei khou tiguanlihlou puni.