John
RUI HYMEI GAYCHAMV
KALAM DINHMEI
John rui Hymei Gaychamv khou hei, “Maansei guanhna aniu pang khou lungcloumeipu" Jisu hei Nganvmei nai dat makmei Ravguangc Lat e twna lyanlou e. Mi buk khou hyloumei kumcna, mi Gaychamv hei pahmei guay, Jisu hei nrianhloumei Guloumeipu, Ravguangc Nac Mpouh kiu the twmei thay lana, kakhou lwmmei paan rui ringhmei laa kan khang e (20:37).
Jisu hei Ravguangc Lat e twmei dincloumei tangv, mi Gaychamv tuang reymei langv khou, kamei hei nrianhloumei Guloumeipu, Ravguangc Nac Mpouh kiu the twmei katuang charynmei taanv guay khou rui lyanlou e. Akumhna meic gaanvsaekc rui lwm lana kathei lay kan tu cho khatni meic gaanvsaekc rui lwm makna kata nuh mak kan tu cho twmei mi langv khou hei hylou e.
Kadwm 13-17 lungc khou hei, kata nym nipui nungc zingbangc, Jisu kamei kaziap nunc lev bam nchamc lana, kaziap nunc khou kadylou kanmei, katiulou kanmei khatni kaniw khang huayneylou kanmei, mi guay hei hylou e. Nkhamhmei dwm nunc khou rui, Jisu ta nymna latzan swmei, kata theihchouc khou thaengc luaimei khatni ringcthau datpui tangv kata kaziap nunc khou lyanlou dat kanmei, mi guay hei hylou e.
Lungcmaanv bampui dyng khou nym guangmei pui pary (8:1-11) hei Baibal guangc mpeyna khou maekpui zaeng rui, khatni mi hei baihmei asaekc rui kabamv baihmei khou hyloupui zaeng rui, mi langv hei bracket lungc khou lou tuang e.
Jisu Khrista paan rui, twmei thu kata chaeng, nchumhmei khatni ringhmei swna laaloumei nunc khang tiiloumei ringcsuangmei kaipat lam khou nkunna dinclou e. Thay howmei puat, twmei thu—dui, ntyan, gaanhmei, lauziu lev lauziu gaenghmeipu, luairyn luai khatni kathai, mi kumhmei guay khou rui bumaengh tuang lam khou kabah thay khang dinclou e.
Kalam Khaklangcloumei
Ravguangc Lat maansei guanhmei 1.1-18
Duiluploumei John khatni Jisu Ziap Reymei nunc 1.19-51
Jisu rui Meic nunc khang Taanv Taancloumei 2.1—12.50
Jisu rui kakhang Nkhamhmei Neidak khou Taancloumei 13.1—19.42
Jisu Ringcthau datmei khatni Kamei Kaziap nunc khou Lyanlou datmei 20.1-31
Latriaw: Galili khou Kata Lyanloumei 21.1-25