Luk
RUI HYMEI GAYCHAMV
KALAM DINHMEI
Luk rui Hymei Gaychamv khou hei, Jisu hei Isaraelmei khang nrianhloumei Guloumeipu khatni zaatc guayna khang Guloumeipu e twmei lyanlou e. Jisu ta hei “Lungcsimei nunc khou Gaychamv dinh khang," Poubauhmei tuang Bumaengc rui kaw patloumei tuang e twna Luk rui hylou e. Mi Gaychamv khou hei maansei khang kage naimei guay khang tei kadanloumei tei padikna nai e. Luk khou hei neihlamei khwan mpeyna nai e. Nkunna thau rey khou Jisu Khrista puanhmei chamv dinhmei khou khatni nkhamh khou Jisu tingkauh ku dat kan khou mi hei how e. Jisu tingkauh ku kanmei tangv, Khristian tuang lwmmei tei zin lik pat kanmei pary Luk rui Latdiutatmei nunc Taanv khou hylou e.
Tingkauh baanchara nunc lu, Jisu puanhmei ta lauziu gaenghmei nunc rui guang zauhmei, Jisu angana swna Ravkai khou nchamloumei, Gaymei Samariameipu khatni Pak Maan kanmei Nac Mpouh latgiam, mi guay hei Luk khou na how e. Huayneymei, Bumaengh Nthanmei, Jisu taanv khou ntumei nunc taanv, khatni Ravguangc rui paapc kuakloumei, mi guay hei kamei rui nkunna hylou e.
Kalam Khaklangcloumei
Kalam Dinhmei 1.1-4
Jisu khatni Duiluploumei John puanhmei khatni alauc douc 1.5—2.52
Duiluploumei John Taanv 3.1-20
Jisu duilupmei khatni Nthiammei 3.21—4.13
Jisu Galili khou taanv taanhmei 4.14—9.50
Galili khou rui Jerusalem khou keymei 9.51—19.27
Nkhamhmei Neidak 19.28—23.56
Jisu ringcthau datmei, Kata lyanloumei, khatni tingkauh ku kanmei 24.1-53