Mark
RUI HYMEI GAYCHAMV
KALAM DINHMEI
Mark rui Hymei Gaychamv hei “Ravguangc Nac Mpouh Jisu Khrista lam khou Gaychamv e" twna mi gaychamv tuang rey liangmei lat swna hylou e. Mi khou hei Jisu hei Ravguangc Nac Mpouh tuang ngamv naimeipu e, kumna mi tuang ngamv khou tei rui kataanv taanhmeipu e twmei lyanlou e. Mi hei kamei rui nchamloumei khatni kamei rui taancloumei—ravsic nthau ganhmei khatni meic nunc paap kuakloumei taanv khou tei rui lyanlou e. Jisu kamei hei Meic Nac Mpouh e, kumna kamei hei meic nunc ta paapc khou rui gu duaklou khang theiclou khang guang tuang e twmei Jisu kamei rui salou e.
Mark rui hymei hei Jisu rui nchamloumei khatni kamei rui dincloumei lat ta suangc, kamei rui taancloumei taanv ta nthukmei swna hylou e. Duiluploumei John khatni Jisu ta duilupmei lev nthiammei pary tei pary laanc patmei latbamv swna hylou lana, kamei rui tigayloumei khatni nchamloumei taanv tei hylou e. Kumna tat key pwkhou kathei laymei nunc rui kata thay mbu thau the, tiki laalou makmei nunc rui zauczih mbu thau the. Nkhamhmei kadwm guay khou, Jisu kamei theiclou nimei neidak khou pat kanmei, nkunna kata theihchouc khou swluaimei khatni ringcthau datmei lam khou hylou e.
Kalam Khaklangcloumei
Jisu tuang Gaychamv kahouhmei 1.1-13
Jisu Galili khou charuangc khou taanv taanhmei 1.14—9.50
Galili khou rui Jerusalem khou keymei 10.1-52
Nkhamhmei Neidak khou pat kanmei 11.1—15.47
Jisu Ringcthau datmei 16.1-8
Ringcthau datmei Jisu ta lyanloumei khatni kamei tingkauh ku kanmei 16.9-20