Matthiu
RUI HYMEI GAYCHAMV
KALAM DINHMEI
Matthiu rui hymei Gaychamv khou hei Jisu hei nrianhloumei Guloumeipu kiu the, Ravguangc rui Latdyng Guangc khou nrianhloumei tei tiguang tangcloumei kiu the twmei Gaychamv hei dinclou e. Mi Gaychamv hei Jihudimei khang na hamh e, kandih kapwm khang e.
Matthiu rui kalwan nzang chuyna hylou e. Mi hei Jisu puanhmei khou rui thauna, kata duilupmei khatni nthiammei, mi tangv tei kataanv taanc thaumei, nchamloumei, khatni Galili khou tigayloumei, mi guay hei hy key the. Mi tangv tei mi Gaychamv khou hei Jisu Galili khou rui Jerusalem khou keymei, kumna nkhamh khou, nkhamhmei neidak khou taanc kanmei guay—kros khou swluai kanmei khatni ringcthau dat kanmei mi guay hei hylou e.
Matthiu khou hei Jisu hei Ravguangc Riakdanv kabac hanc khang ngamv naimei, khatni Ravguangc tuang Guangcdic lam nchamloumei dinhpouc daihmei e twmei lyanlou e. Kamei rui dincloumei guay kalam nchamc chamcmei langv khuam kariulouna kalangv panguh khang swlou e: (1) Chyngbut khou nchamloumei—mi khou hei Tingkauh Guangcdic tuang dilungmei guay tuang lwnlung, taanv, kadam, khatni tangclou nimei nganv (Kadwm 5-7); (2) Kaziap gaanv ruhna kanei khou kaniw taanv dincloumei (Kadwm 10); (3) Tingkauh Guangcdic lam khou latgiam swna dincloumei guay (Kadwm 13); (4) Kaziap swmei thukh dincloumei (Kadwm 18); (5) kandih zuk luai nimei khatni Tingkauh Guangcdic guang nimei lam dincloumei (Kadwm 24-25).
Kalam Khaklangcloumei
Jisu Khrista Kairiang khatni kamei puanhmei 1.1—2.23
Duiluploumei John taanv 3.1-12
Jisu duilupmei khatni nthiammei 3.13—4.11
Jisu Galili khou taanv taanhmei 4.12—18.35
Jisu Galili khou rui Jerusalem khou keymei 19.1—20.34
Nkhamhmei neidak khou taancloumei taanv guay 21.1—27.66
Jisu ringcthau datmei khatni kata lyanlou datmei 28.1-20