Matthiu
RUI HYMEI GAYCHAMV
1
Jisu Khrista Kairiang Chakh
1 Abraham nac mpouh khatni David nac mpouh Jisu Khrista lungc keymei kairiang chakh: 2 Abraham rui Isaak puanc e; Isaak rui Jakob puanc e; Jakob rui Juda khatni kachana nunc puanc e; 3 Juda rui Tamar khou rui Perez lev Zera puanc e; Perez rui Hezron puanc e; Hezron rui Aram puanc e; 4 Aram rui Aminadab puanc e; Amminadab rui Nashon puanc e; Nashon rui Salmon puanc e; 5 Salmon rui Rahab khou rui Boaz puanc e; Boaz rui Ruth khou rui Obed puanc e; Obed rui Jessi puanc e; 6 Jessi rui guangh David puanc e; David rui Uria now swloumeipui khou rui Solomon puanc e; 7 Solomon rui Rehoboam puanc e; Rehoboam rui Abija puanc e; Abija rui Asa puanc e; 8 Asa rui Jehoshaphat puanc e; Jehoshaphat rui Jehoram puanc e; Joram rui Uzzia puanc e; 9 Uzzia rui Jotham puanc e; Jotham rui Ahaz puanc e; Ahaz rui Hezekia puanc e; 10 Hezekia rui Manasse puanc e; Mannase rui Maan puanc e; Maan rui Josia puanc e; 11 Josia rui Jekhonia khatni kachana nunc Babilon thangc nym tatpui ganv khou puanc e; 12 Babilon thangc rui guang datpui tangv Jekhonia rui Shealtiel puanc e; Shealtiel rui Zerubbabel puanc e; 13 Zerubbabel rui Abiud puanc e; Abiud rui Eliakim puanc e; Eliakim rui Azor puanc e; 14 Azor rui Sadok puanc e; Sadok rui Akhim puanc e; Akhim rui Eliud puanc e; 15 Eliud rui Eleazar puanc e; Eleazar rui Matthan puanc e; Matthan rui Jakob puanc e; 16 Jakob rui Khrista twna kawmei Jisu ta puanhmei Meri gaanv Joseph puanc e. 17 Kumna Abraham khou rui David nganvmei meickin ruhna padeih e, David khou rui Babilon thangc tatmei nganv meickin ruhna padeih e, khatni Babilon thangc tatmei khou rui Khrista nganvmei khou meickin ruhna padeih e.
Jisu Khrista Puanhmei
18 Jisu Khrista puanhmei kiu mi kumna pat khwan e. Kapui Meri Joseph khaemv swna, kaney guang lungc kariu makna bam khou, Meri Bumaengh Nthanmei ngamv khou rui kapumc nrit the twmei thay pat the. 19 Kagaanv Joseph ravchaptatmei lapui zaeng rui, Meri ta kandihmei mav khou tichangamclou nii mak lana kalat kalu maekna taanlou ni the twna kalung dinglou bam khwan e. 20 Kamei mi kumcna kakhanh bam khou, zauc lo, Poubauhmei tuang baanchara akhat kamang khou guangna sa khwan e, "David nac mpouh Joseph, nang Meri ta laa khang ping riu, kalam thu kamei kapumc nrit bammei tei Bumaengh Nthanmei ngamv khou rui de. 21 Kamei mpouh puanc puni, kumna nang rui kazanc Jisu twna phuak nina e; kalam thu kamei rui kamei nunc ta kaniw paap guay khou rui gulou puni."
22 Poubauhmei rui muhzwng khou rui salou kanmei tiguang tangh khang mi guay hei patmei tuang khwan e: 23 "Zauc lo, liuchang nahguamna mpouh akhat puanc puni, kumna kazanc Emmanuel kaw puni,"— (mi kabac thu "Ravguangc aniu lev bam e" twna e).