Ɲuwuuro ti wo jozaama pe
61
Kafɔɔ, Tɛhɛnɛ Baa Kilɛ wo Munaa li wa nɛ na,bani Tɛhɛnɛ Baa Kilɛ ya nɛ shɔɔnri lɔ,
na nɛ tun na nɛ wu shɛ Jozaama pu jo la baa fɛɛ mu,
piimu wo tadaŋa kʼa kyɛɛgi ge, di loɲinɛ kan pee mu,
di buloo pu wo ɲuwuuro ti yɛrɛ pye,
di kasolemɛɛ pu wo kaso wu xhɔ jo pu mu,ab
2 di Kafɔɔ wo saama pu yee li wo yɛrɛ pye,
Tɛhɛnɛ Baa Kilɛ na ba wu loyire li gɔɔrɔ wolo caŋa kemu ge,
di kee bɛ wo yɛrɛ pye.
Piimu bɛɛri pu ɲɛ ni funyaŋa ni ge, di loɲinɛ kan pee mu.c
3 Siyɔn wo sipyii piimu pu ɲɛ ni funyaŋa ni ge,
wʼa nɛ tun nɛ wu pa saanra ɲudɔnɔ kan pee mu shɔɔnrɔd wege ni,
di fundangbɔhɔ sìnmɛ wo pu ɲuyɔ ni kpɔn fàya wege ni,
di kaleŋɛɛ fadeye le pu na, funyaŋa wege ni.
Pu na da pu yiri na: «Terebɛnti tiye tiimɛ woyo,
Tɛhɛnɛ Baa Kilɛ wo tiire kɛrɛyɛ ye,
yee yemu wʼa nɔri wu wo nɔɔrɔ wu kaa na ge.
4 Pu na ba katahaya yi yereŋɛvonɔ yereŋɛ.
Piyɛyɛ yemu yʼa to lʼa mɔ ge, pu na ba yee yirige sanha.
Kulogoo kiimu ya ja, na ɲɛri katapiye fo lʼa mɔ ge,
pu na ba guri kee fɛni na ki yereŋɛ.
5 Fiiye yatii wo sipyii pu da ba ma na yee yatɔɔyɔ yi naha.
Shi watii shɛɛn pu da ba ma na yee wo faa wu pyi,
na yee ɛrɛzɛn kɛrɛyɛ yi faani.
6 Yee pi ge, pu na ba yee yiri na:
«Tɛhɛnɛ Baa Kilɛ wo saraya ɲaha shɔɔnrivɛɛ».
Pu na ba yi yiri na:
«Wèe wo Kilɛ wu wo kapyebyii pee».
Yi na ba fiiye yatii shɛɛn wo naafuu wu li,
pu nɔɔrɔ wu na bye yi wo.
7 Shiige kemu kʼa yi ta ge,
kee shi tɛhɛɛ shuun wo pɛɛŋɛ yi da ba da.
Ɲuzogoro temu tʼa yi ta ge,
yi na ba fundanga ta yi wo tahaa ki wuu na.
Yi na ba yi wo fiige ki wo cɛn wu tɛhɛɛ shuun shuun ta,
yi wo fundanga ki na bye tɛhɛnɛ baa wogo.
8 «Bani nɛ Tɛhɛnɛ Baa Kilɛ, can wʼa dan nɛ ni.
Ga na to ma sipyiɲii na kelee na wu java,
lee ya pɛn nɛ mu.
Nɛ na ba yi wo saama pu foo tɔ yi mu ni ɲɔmɛɛ fɛɛrɛ ni,
na kariɲɛɛgɛ ɲɔmɛɛ nixhɔbaana lɔ yi mu.»
9 Yi shi nibama wu kaa na ba jɛ fiiye yi bɛɛri ni.
Fiiye yatii shɛɛn pu bɛɛri na ba pu kadugo shi nibama wu kaa cɛ.
Piimu bɛɛri pu da ba pu ɲaa ge, pee na ba li cɛ na
Tɛhɛnɛ Baa Kilɛ ya baraga le shi wemu ni ge, na wee wu wa.»
Baraga daha wo ciire
10 Nɛ fundanga wo wu ɲɛ,
Tɛhɛnɛ Baa Kilɛ wu ɲɛ kee fundanga ki wo kaɲuŋɔ.
Nɛ zɔ wʼa ɲi fundanga na,
Kilɛ wu ɲɛ kee fundanga ki wo kaɲuŋɔ.
Bani wʼa ɲuwuuro fàya yi le nɛ na, na tiimɛ fadegbɔhɔ ki le na na
ba cenabun poo ma wu naɲiige ɲumiginɛ migile wɛ,
ba cenabun ma wu yalere le wuyɛ na wɛ.e
11 Ba yanugunɔ ma fin na foro mɛ ɲiŋɛ ni wɛ,
ba loyɔ yapyiire ma fin na foro loyɔ ni wɛ,
mu na Tɛhɛnɛ Baa Kilɛ wʼa da ba tiimɛ ni masɔŋɔ pye yʼa fin
na foro fiiye yatii shɛɛn pu bɛɛri ɲii na.