Tiiri ni Sidɔn kulogoo ki wo kiiri we
23
Kilɛ tuduro ma ɲaha tii Tiiria na.Tarisisi wo lɔhɔ kɔɔgbɔyɔ ye, yʼa sipyaa suu,
Bani Tiiri kulo lʼa ja. Puga nigin bɛ wa nige li ni wɛ.
Tajegeb bɛ wa nige li ni wɛ.
Pʼa yìri xɔ Sipɛrɛ fiige ki nic na nɔ, na pe jomɔ pe logo
2 Yee piimu pu wa suumɔ lɔhɔ ki ɲɔ na ge,
fyaara wo fɛhɛnɛ li yi kpɔn.
Yee Sidɔn kegaaŋa pyevɛɛ pee,
fɛhɛnɛ li yi kpɔn, yee piimu wo tudunmɔɔ pʼa
ɲaagaa pyi suumɔ lɔhɔ ki na, na se na ma ge.
3 Nili gba wu ɲɔ yanuguŋɔɔ kee, ni gba wu ɲɔ ki
yalɔɔrɔ ti bɛɛri bi bye Sidɔn kulo li kuduun tataga.
Wʼa bi pye shi wu bɛɛri wo kegaaŋa tapyege.
4 Shiige ki ɲɛ mu Sidɔn wogo, suumɔ lɔhɔ ki ɲɔ baraga kulo le!
Bani suumɔ lɔhɔ kʼa jo:
«Nɛ ta laa yá wɛ, nɛ ta pya se wɛ,
nɛ ta lɛvɛɛ ɲɔ sha wɛ, nɛ ta pushaa bii wɛd.»
5 Kee keree ki ba nɔ Misira ni,
pu ba Tiiri wo do wu logo, funyaŋa na ba jé pu ni.
6 Yee suumɔ lɔhɔ ɲɔ kulogoo kee,
yi suumɔ lɔhɔ ki kɔn ɲɛri, yʼi da sipyaa suu yʼa se Tarisisi ni!
7 Ebe! Yee wo kutaan lemu li bye wà
fo taashiinɛ li ni ge, lee li wa le ya?
Kulo lemu li bi shɛ fiiye yatii mara
fo taliige ni ge, lee li wa le ya?
8 Tiiri bi bye kulo, lemu ya saanra ɲudɔŋɔɔ loolo ge,
Li yapɛɛlɛɛ pu bye ba saannaa nagoo ɲɛ wɛ.
Li kegaaŋa pyevɛɛ pu bi wii ɲiŋɛ ke sipyigbɔɔ.
A jɔgɔ di te kakara te ɲɔ wolo ma ɲaha tii Tiiri na wɛ?
9 Kashɛn Keye yi Fɔɔ Tɛhɛnɛ Baa Kilɛ wʼa lee pye.
Pʼa gbɔɔrɔ tɛri piimu bɛɛri na ge, kɔnhɔ wu pee wo
tabaara ti xɔ, wu ɲiŋɛ ki wo sipyigbɔɔ pu tirige.
10 Tarisisi shɛɛn, yʼa faa pyi nimɛ yi ɲiŋɛ ki na,
ba pʼa faa pyi Nili gba wu ɲɔ ki wo ɲiŋɛ ki na wɛ,
bani kɔrɔyɔ tayereŋɛ wa nige yi mu wɛ.
11 Tɛhɛnɛ Baa Kilɛ ya wu keŋɛ ki yirige suumɔ lɔhɔ ki fɛni,
na saanra fiiye yi pye yʼa cɛlɛ.
Wʼa tuduro yaha nɔ Kanae fiige ki na,
na pu pu kulogoo baraga wogoo ki ja ja.
12 Wʼa jo: «Sidɔn shɛɛn, yee wo fundanga kʼa xɔ,
Yee ya pye ba doɲiŋɛ fucɛri ná cɛbaa ɲɛ wɛ,
ná ya wemu shan ge.
Yi yìri yʼi suumɔ lɔhɔ ki kɔn yʼa se Sipɛrɛ fiige ki ni.
Ali yʼa da ŋmɔnɔ ta wake bɛ wɛ.»
13 Kalide shɛɛn wo fiige ki wii, sipya bɛ ɲɛ wà nige wɛ.
Asiri shɛɛn bi ki pye naŋa yaaya tashɔnyɔ.
Ga pʼa putuunyɔ ya yereŋɛ ki maha kashɛn kaa na,
na ki pusaaya yi bɛɛri ja ja, na pye katahaya.
14 Tarisisi wo kɔrɔgbɔyɔ ye, yʼa sipyaa suu,
bani yi kulo baraga wuu lʼa ja.
15 Kee caŋa ke, sipyii funŋɔ na ba wɔ Tiiri na fo yee kɛlɛɛ gbarashuun (70). Lee tɛɛ le ya bɛ ni saan wa wo shi caŋa ɲɛhɛɛ ni. Kee yee kɛlɛɛ gbarashuun (70) wu ɲɔ ba fa, Tiiri keree na ba bye ba navarashɔ wu ɲɛ wɛ, wemu wo keree kʼa yu yocɛɛgɛ ki ni ge na:
16 «Navarashɔ we, mu wemu na sipyiire ti funŋɔ ya wɔ ge,
Gbogo lɔ, mʼa kulo li ɲaari. Ma da ki kpuun ni sɛɛ ni.
Ma da ciire niɲɛhɛrɛ cee, kɔnhɔ pu funŋɔ di do ni ma kaa ni.»
17 Kee yee kɛlɛɛ gbarashuun (70) wu ba fa, Tɛhɛnɛ Baa Kilɛ na ba foro Tiiri na. Lee kulo li na ba dɛrɛ li kanahaya yi fɛni sanha. Li na ba dɔdɔɔrɔ pyi ni koŋɔ ke wo saanra ti bɛɛri ni ke ɲiŋɛ ke na. 18 Ga wu kegaaŋa ki wo kuduun we, ni lemu wʼa daa wu nɔhɔmɔ pu ni ge, lee bɛɛri na ba yaha Tɛhɛnɛ Baa Kilɛ yahama ni. Lʼa da ba faari binnɛ wɛ, lʼi wa da ba mara yaha wɛ. Piimu pʼa labye wu pyi Tɛhɛnɛ Baa Kilɛ ɲaha tàan ge, li na ba luu na daga na pee ɲɔ shaa, na pu tinni, na fazaaya kɔɔn pu na.