Ecopi fiige ki wo kiiri we
18
Bɔɔngɔ ki ɲɛ mu wogo! Fiige, mu wemuwʼa ma kapaya kpɔɔna ge,
mu wemu wu wa Kushib gbalaa pu kadugo yíri ge.
2 Mu wemu wʼa tudunmɔɔ tunni
na se suumɔ lɔhɔ ki na, faɲa kɔrɔyɔ yi ni ge.
Yee tudunmɔɔ tɔvuyo wuu pee,
yi shɛ we shi we wo sipyii pu mu,
pee piimu pʼa tɔnnɔ tɔnnɔ, pu ceesɛɛyɛ yʼi ɲɛ falifali ge.
Piimu pʼa tɛrɛŋɛ ge, ni taliige shɛɛn, pee bɛɛri ya fyagi pu na.
Fanha ki wa pu ni fo xuuni, pʼa yaŋmuyɔ yi bɛɛri tɔnhɔnɔ.
Gbalaa pʼa pu fiige ki ja toro.
3 Yee kodiin bɛɛri, yee piimu bɛɛri pu wa ɲiŋɛ ki na ge,
pu ba jurɔjɔ wu pɔ faaboboyɔ yi na tuun wemu ni,
yi da wee wii.
Pu ba maga ki wi tuun wemu ni,
yi da ki nuri.
4 Bani ye Tɛhɛnɛ Baa Kilɛ ya jo nɛ mu na:
«Nɛ na ba diin na tatɛɛngɛ ni na kasɛɛgɛ pyi,
nɛ na ba diin tanugo ni tunmɔ baa,
ba caŋa kafugo ɲɛ mɛ wɛ,
ba yalɔɔrɔ tuun wo kakunnuŋɔ ki wo mɛŋɛ ki ɲɛ wɛ.»
5 Ga ɛrɛzɛn wu wo fyɛnduun wu ba doro,
wu fyɛɛrɛ ti ba ɲɛri ɛrɛzɛn karaya yemu yʼa lɛgi ge,
pʼa ɛrɛzɛn maalaa pu kɔn,
geye yemu yi ɲɛ yi ya nagoo pye-e ge,
pʼa yee bɛ kɔn ni ɲakɔɔngɔ ni
na ta ɛrɛzɛn wu wo yalɔɔrɔ ti sanha nɔ wɛ.
6 Pu bɛɛri na ba yaha wàc
faaboboyo yi wo xaara-jɔjɔ-shazhɛɛyɛ ye
ni ɲiŋɛ ki wo yacoyo yi mu.
Pu na ba bye Xaara-jɔjɔ-shazhɛɛyɛ yi wo
ɲɔlige kafuyo tuun ni,
na bye ɲiŋɛ ki yacoyo yi wo ɲɔlige wiire tuun wu ni.
7 Shi wemu wo sipyii pʼa tɔnnɔ tɔnnɔ,
pu ceesɛɛyɛ yʼi ɲɛ falifali ge,
taliige shɛɛn pee ni piimu pʼa tɛrɛŋɛ ge,
pee bɛɛri ya fyagi wee shi wemu na ge,
wee shi wemu wu wa ni fanha ni,
na yaŋmuyɔ yi bɛɛri bɛ tɔnhɔnɔ,
gbalaa bɛ dʼa wu fiige ki ja toro ge,
wee tuun wu ni wee shi we da ba ma ni yakanya ni
Kashɛn Keye yi Fɔɔ Tɛhɛnɛ Baa Kilɛ mu.
Pu na ba se ni yi ni Siyɔn wo faaboboŋɔ ki na,
xuu wemu ni Kashɛn Keye yi Fɔɔ
Tɛhɛnɛ Baa Kilɛ wo mɛgɛ ki wa ge.