Mowabu wo kiiri we
15
Kilɛ tuduro temu tʼa jo na ɲaha tii Mowabu na ge.Piige nigin funŋɔ ni fiige kʼa ja! Ari-Mowabu ya ja!
Piige nigin funŋɔ ni fiige kʼa ja! Kiri-Mowabu ya ja fɛɛfɛɛa!
2 Bayiti ni Dibɔn shɛɛn ya dugi kari boboyo yi na
pu gan wu tapyege ni, pʼa kari di zhɛ mɛhɛɛ suu wà.
Mowabu ya mɛɛgɛ waa Nebo ni Mediba keree na.
Ɲuyɔ yi bɛɛri yʼa kuu. Ɲahazhɔlɔɔ pu shiire ti bɛɛri tʼa kɔn.
3 bɔrɔyɔ fàya† pʼa le le puyɛ na pu kakutoroyo yi ni.
Pu bɛɛri pʼa mɛɛyɛ waa, na ɲɛsinmɛ woni pu kataya ye,
ni pu pinnɛrɛ kpɛɛnyɛ yi na.
4 Ɛshibɔn shɛɛn ni Eleyale shɛɛn wa sipyaa waa.
Pu sipyaa ki bi nɔni fo Yaxasi kulo li ni.
Lee lʼa Mowabu wo kashɛnŋmuu pu pye
pu na sipyaa waa. Pu jaalaa pʼa yìri.
5 Nɛ funjɔnrɔgɔ wo wu ɲɛ Mowabu keree na.
Wu kanfɛmɛɛ pu wa fe na se fo Zowari kulo li ni,
fo na se na nɔni Egilati-Selisaya kulo li ni.
Bani pu mɛsuwuu pʼa duri kulo li wo boboŋɔ ki na.
Na pu yaha Oronayimu kulo li koo li na,
pu ɲudugo sipyaa wa fòro.
6 Nimirimu dugo kʼa waha. Ɲà kʼa waha, ɲapurege kʼa xɔ.
Wɛburiye fara ɲapurege na, kee ka shishiin bɛ ɲɛ nige wɛ.
7 Lee wuu na, lemu lʼa kori pu keŋɛ yara li ni ge,
ni pʼa bi lemu mara yaha ge,
a pʼi yee lɔ na Sɔli tiye yi wo dugo ki kɔn ɲɛri.
8 Bani Mowabu fiige ki bɛɛri kʼa fòro sipyaa.
Wu mɛkaaga ki wa se na nɔni fo Egilayimu kulo li ni.
Wu mɛkaaga ki wa se na nɔni
fo Bɛɛri-Elimuni kulo li ni.
9 Dimɔ kulo li dugo lɔhɔ ki bɛɛri kʼa ɲaaŋa shishan na.
Ga nɛ di wa da ba la le Dimɔ kulo li wo kanhama keree ki ɲɔ ni.
Mowabu shi shɛɛn piimu pʼa shɔ ge,
piimusamaa pʼa kori fiige ki ni ge, cɛnri wu da ba pee bɛɛri gbo.