Tɛhɛnɛ Baa Kilɛ wo masɔŋɔ yogo
12
Kee caŋa ke mu na ba jo na: «Nɛ na baraga taha ma na,Tɛhɛnɛ Baa Kilɛ, bani ma luu lʼa bi yìri nɛ tàan.
Ga ma loyire lʼa xɔ, mʼa na luu ɲiŋɛ.
2 Uun Kilɛ wu ɲɛ nɛ shɔvɔɔ.
Wee wu ɲɛ nɛ tadaŋa, nɛ da ga fya yaaga ka shishiin na wɛ.
Bani Kafɔɔ Kilɛ, Tɛhɛnɛ Baa Kilɛ wu ɲɛ
nɛ wo baraga ni nɛ wo masɔŋɔ ki kaɲuŋɔ.
Wʼa pye nɛ wo Shɔvɔɔ.
3 Yi fundanga wuu na ba lɔhɔ luu
ɲuwuuro ti wo lobulowegee ki na.»
4 Kee caŋa yi na ba jo na:
«Yʼa Tɛhɛnɛ Baa Kilɛ sɔni, yi da wu mɛgɛ yiri,
yi da wu kakanhaŋaa ki kaa yu fiiye yattii shɛɛn pu niŋɛ ni.
Yʼi da pu funyɔ tun li na, na wu mɛgɛ kʼa pɛlɛ.
5 Yi yogo cɛɛ Tɛhɛnɛ Baa Kilɛ mu,
bani wʼa kagbɔhɔɔ pye. Ɲiŋɛ ki sipyiire ti bɛɛri ti lee cɛ!
6 Siyɔn kulo li shɛɛn,
yʼa fundanga pyi, yi da fundagbɔhɔ mujoŋɔɔ waa,
bani Izirayɛli wo Fɛfɛɛrɛ Kilɛ wemu wu ɲɛ yi niŋɛ ni ge,
wee ya pɛlɛ.»