Kilɛ ya Ezayi tun saanna Akazi mu
7
Oziyasi ja Yotamu wo ja Akazi wo saanra ti caɲa ɲii li ni Zhuda fiige ki ni, Siiri fiige ki saan Eresini ya pa binnɛ ni Izirayɛli fiige ki wo saan wu ni, wee wemu wu ɲɛ Eremaliyawu ja Peka ge, kɔnhɔ pʼi kashɛn kɔn Zheruzalɛmu na, ga pu ya já wɛ.2 A pʼi ba pee jomɔ pee jo saannaa Dawuda wo puga ki mu na: «Siiri shɛɛn wa kashɛn keŋɛ sin na xɔ Efirayimua ni.» A Akazi ni wu sipyii pu bɛɛri zɔlɔɔ di wá na guuni ba kafɛɛgɛ ma tiye ɲahara mɛ sipoŋɔ ni wɛ.
3 Ayiwa, a Tɛhɛnɛ Baa Kilɛ di Ezayi pye: «Nʼa ma ɲɛɛri, yìri mʼa shɛ Akazi ɲuŋɔ círi, ma ni ma ja Sheyari-Yashubub ni. Loguugo kemu kʼa shɛ jé fugba wu wo lɔhɔ tamaraga ki ni ge, kee wo tɛhɛnɛ li na wu wa, fajii pu wo tɛgɛ ki koo li na. 4 Mʼa shɛ wu pye:
‹Ma xakili wu teŋɛ, ma ganha bu fya wɛ.
Siiri saan Eresini ni Eremaliyawu ja wu wo loyire nigbɔɔ li ganha bu ma jaa wu yirige wɛ.
Pee ɲɛ yɛ ba kajiiɲuŋɔɔ shuun ɲɛ wɛ, kiimu ya wurege yiige ge.
5 Bani Siiri ni Efirayimu ni Eremaliyahu ja wʼa wɔ ma kaa na, na jo:
6 “Wù yìri shɛ Zhuda shɛɛn fɛni, wù shɛ pu fya xuuni.
Wù kapahaya kɔn kulo li maha maha kasɔrɔyɔ yi na,
fo pu bu shɛ puyɛ kan wù mu. Wù ma Tabeyɛli ja wu teɲɛ pu ɲuŋɔ ni na pye pu saan.”
7 Ayiwa, wù Kafɔɔ Tɛhɛnɛ Baa Kilɛ ya jo:
“Lee wa da bye wɛ, lee wa da voro wɛ.
8 Bani Damasi kulo li li ɲɛ Siiri fiige ki wo kugbɔɔ lee,
Eretisin di ɲɛ Damasi kulo li bɛ wo ɲuŋɔfɔɔ we.
Yee kɛlɛɛ gbaara ni kaguro (65) niɲee kadugo na,
Efirayimu shi wu na ba jaaga, wu da ba bye nige shi wɛ.
9 Samari kulo li li ɲɛ Efirayimu mara wu wo kugbɔɔ le,
Eremaliyawu ja wu di ɲɛ Samari kulo li bɛ wo ɲuŋɔfɔɔ we.
Yee bye yee di ya dà yee na wɛ,
yee da ba fanha ta wɛ.”› »
Pya wa na ba se, pʼa wu mɛgɛ le na Emanuwɛli
10 A Tɛhɛnɛ Baa Kilɛ di nugo Akazi pye sanha na: 11 «Ɲaha shɛshɛɛrɛ kaa la ɲɛɛri Tɛhɛnɛ Baa Kilɛ, ma Kilɛ wu mu, na yìri ɲiŋɛ ke nɔhɔdaan xuu mu, kelee na yìri fugba lii lii wu ni.»
12 A Akazi di jo: «Nɛ da ga yafiin bɛ ɲɛɛri wɛ, nɛ wa li fɛni di Tɛhɛnɛ Baa Kilɛ nɔhɔ wolo wɛ.»
13 Ayiwa a Ezayi di jo:
«Yi logo, Dawuda wo puga ke,
yee ya navunŋɔ taha yaha sipyii pu na, lee wa yee yaa wɛ
fo yee na zhaa da navunŋɔ tɛri nɛ wo Kilɛ wu bɛ ya?
14 Lee wuu na, Kafɔɔ wuyɛ pyaa na ba ɲaha shɛshɛɛrɛ ta kan yee mu,
lii wii, doɲiŋɛ fucɛɛrɛ li na ba yere yacɛrɛ na,
wu na ba ja se, na wu mɛgɛ le na Emanuwɛli.c
15 Wu na ba nulɛɛ ni sɛrɛ li, fo na shɛ wu pye wʼa kaa cɛ,
na zhe kakuuŋɔɔ ni, na kasaaŋaa ɲaha bulo.
16 Ga yani pya wu wu pa kakuunɔ cɛ, wu zhe ki ni,
wu kasaaŋaa cɛ, wu kee ɲaha bulo ge,
fiiye shuun wemu wo saannaa ɲaha na mʼa fyagi ge,
Pee wo fiiye yi na ba gyɛɛgi.
17 Tɛhɛnɛ Baa Kilɛ na ba kanhama nigbɔ shan
ma ni ma sipyii pee ni ma to puga ki ɲuŋɔ ni caya ya na.
Yee caya yi wo kanhama pu na ba golo fo kabini Efirayimu ni Zhuda da waagi ge,
pee kanhama pu tuugo sanha bye ɲa wɛ.
Asiri fiige ki saan wu wʼa da ba lee pye.»
Lemu Asiri shɛɛn pu da ba bye Zhuda fiige ki na ge.
18 Kee caŋa ke, Tɛhɛnɛ Baa Kilɛ na ba siwii taga susomɔɔ yiri,
na yìri fo Nili gba lɔhɔyɔ yi tɛhɛnɛ li na, Misira fiige ki ni,
na Asiri fiige ki sɛɛlɛɛd pu yiri.
19 Pee susomɔɔ pee ni pee sɛɛlɛɛ pu bɛɛri na ba,
na ba do do loguuyo yi ni, ni faaya wegeye ye, ni xhuyo tahaya ye, ni yapɔrɔyɔ tanahaya yi bɛɛri ni.
20 Kee caŋa ke,
Kafɔɔ na ba ɲuxhuu pɔrɔgɔ ka lɔ
na yìri Efirate gba wu kadugo yíri.
Kee ɲuxhuu pɔrɔgɔ ke ɲɛ
Asiri fiige ki saan we.
Kafɔɔ na ba yee ɲuyɔ yi xuu
na yee kasaangaa ki shiire ti xuu
na fara yee ɲahazhɔlɔɔ pu na.e
21 Kee caŋa ke,
wa bɛɛri na ba nupya nigin ni sikashaa shuun pɔri.
22 Nujirimɛ na ba daa xuuni
fo na naari pye sipyiire ti ɲɔyalige.
Bani sipyii piimusamaa pʼa kori fiige ki ni ge,
naari ni sɛrɛ na ba bye pee wo ɲɔlige.
23 Kee caŋa ke,
ɛrɛzɛn tiye kabɔfonɔ nigin (1.000) ɲɛ tɛgɛ kemu bɛɛri ni,
ki pɛrɛmɛ dʼa warifyɛn tuuyo kabɔfonɔ nigin (1.000) xɔ ge,
xhuyo tahaya ni xhuyo tiye na ba kee tɛgɛ ki li.
24 Sipyii na ba jin wà na lozogo pyi ni ŋmaya ni sindaaya ni.
Bani fiige ki bɛɛri na ba bye xhuyo tahaya ni xhuyo tiye.
25 Yaŋa boboyo yemu bɛɛri wo tigitigimɛ pu bi faani ni tuugo ni ge,
sipya puge da jé nige kee ka na xhuyo tahaya ni xhuyo tiye ɲìi fyaara keŋɛ ni wɛ.
Pu na ba niiyɛ muri na waa wà,
dubyaa ni sikaa na ganha na yi tanhana.