Zhɔbu wo ɲɔshɔɔrɔ te
26
Ayiwa a Zhɔbu di Bilidadi pye:2 «Payi, ma na já baraga baa fɔɔ tɛgɛ kunni.
Keŋɛ kemu ki ɲɛ fanha baa ge, ma kunni na já kee tɛgɛ.
3 Ma kunni ya jani kaa cɛbaama yɛrigana na xuuni!
Mʼa ma wo lajɛ wu shɛɛ keree niɲɛhɛŋɛɛ ni!
4 Ga mu wo jomɔ pe, jɔgɔ na pu dʼa ɲaha tii wɛ?
Jɔgɔ wu dʼa pu le ma ɲɔ ki ni wɛ?
5 Xuu pu munahaa wa jɛlɛ
suumɔ lɔhɔ ke ni ki ɲìi yaŋmuyɔ yi nɔhɔdaan.
6 Yaŋa kanha ɲaha wa ŋmɔhɔ Kilɛ na wɛ.
Yaaga ya pari kakara wecogoŋɔ ki na Kilɛ ɲaha tàan wɛ.
7 Wʼa suumɔ kulo kacɛ ki pii, ki ya pii yaaga na wɛ.
Na ɲiŋɛ ki yereŋɛ, ki nɔhɔ ya teŋɛ yaaga na wɛ.
8 Wʼa lɔhɔyɔ yi kemɛɛ na binnɛɛ wu ɲahaya yi ni,
ga yee lɔhɔyɔ yi fanha da ga ɲahaya yi shɛɛngi wɛ.
9 Wʼa fanfanga pari wu saanra koroa li na.
Ɲahaya yi wʼa kile taga li tɔ.
10 Wʼa kogogo ka kuuri suumɔ lɔhɔ ki na,
na kee pye kpɛɛngɛ ni nibiige wo tɛhɛnɛ.
11 Kilɛ bu vuguri pye,
lee ma fugba wu ɲaha wɔ, wu benɛɛ pu ma shɔ na jɛlɛ.
12 Wu sefɛɛrɛ tʼa suumɔ lɔhɔ ki pye ki na joloo.
Suumɔ lɔhɔ yakanhaŋab kemu ki ɲɛ na Araxavu ge,
wʼa kee gbo ni wu fungɔngɔ fɛɛrɛ ti ni.
13 Wu ɲɔ kafɛɛgɛ ki ma fugba wu pɔ, na wu pye fɛɛfɛɛ.
Wu ma wɔlɛgɛc ki yaha tafɛrɛ na, na ki wá shuuri
ni wu sefɛɛrɛ keŋɛ ki ni.
14 Ayiwa, kii bi ɲɛ Kilɛ wo kapyegee ki wo nifɛnhɛfɛnhɛŋɛɛ,
lee ya li shɛɛ kanna tunmɔ pemu wèe ya nuri ge,
pee ɲɛ tuun na wɛ.
Wu bu sɛlɛ ni wu sefɛɛrɛ ti bɛɛri ni,
jɔgɔ wu da já kee sɛlɛŋɛɛ kii ɲaha cɛ wɛ?»