Bilidadi ya jomɔ pu lɔ wu tɔɔɲii taanri wuu ni
25
Ayiwa, a Shuwa shɛɛn Bilidadi di jo:2 «Sefɛɛrɛ nigbɔɔrɔ ni fyaara kagbɔhɔɔ ki wa Kilɛ mu.
Wʼa ɲaɲiŋɛ pyi fugba liilii we ni.
3 Jɔgɔ wu da já wu kashɛn keye yi tɔrɔ wɛ?
Sipya wekɛ wu ɲɛ Kilɛ wo caŋa ke ya kpɛɛngɛ yeege
wufɔɔ mu-i wɛ?
4 Sipya na bye dii tiimɛ fɔɔ Kilɛ ɲaha tàan wɛ?
Cee ya yawyii lemu se ge, lee ma já pye dii fɛɛfɛɛ wɛ?
5 Ali yeŋɛ keyɛ pyaa bɛ ya fiinŋɛ Kilɛ ɲaha tàan wɛ.
Wɔrɔɔ kii bɛ di ɲɛ fɛɛfɛɛ wu ɲaha tàan wɛ,
6 pu da jo sipya, wee wemu wu ɲɛ fyɛngɛ ge,
sipyiyawyii lemu li ɲɛ ba yawyetiire ɲɛ-ɛ ge.»