Kilɛ-pɛɛŋɛ pugbɔhɔ ki yaa we
6
Ayiwa, Izirayɛli nagoo pu na foro Misira ni, li yee xhuu shishɛɛrɛ ni kɛlɛɛ gbarataanri (480) na saannaa Solomani ya Kilɛ-pɛɛŋɛ pugbɔhɔ ki yereŋɛ wu ɲɔ kɔn. Lee ya pye wu yee shishɛɛrɛ wuu, wu na teŋɛ xɔ saanra ti na Izirayɛli ɲuŋɔ ni. Zifu yeŋɛ ki ni kapyeŋɛɛ kʼa ɲɔ kɔn, kee ɲɛ yee li yeŋɛ shuun wogo ke. 2 Puga kemu saannaa Solomani ya yereŋɛ Tɛhɛnɛ Baa Kilɛ mu ge, ki ɲidaaa li bye keŋɛ ɲii kɛlɛɛ gbaara (60), ki kadaab lʼi ɲɛ keŋɛ ɲii kɛlɛɛ shuun (20), ki ɲuŋɔkanac lʼi ɲɛ keŋɛ ɲii kɛlɛɛ taanri (30)d. 3 A pʼi kpaan la yereŋɛ Kilɛ-pɛɛŋɛ pugbɔhɔ ki ɲahagbaa li na. Lee kpaan li ɲidaa li bye keŋɛ ɲii kɛlɛɛ shuun (20), kee ya bɛ ni Kilɛ-pɛɛŋɛ pugbɔhɔ ki kadaa li ni. Ki kadaa li ɲɛ keŋɛ ɲii kɛ, Kilɛ-pɛɛŋɛ pugbɔhɔ ki ɲahagbaa li na.4 A wu fɛnɛtirilee pii yaha yaha Kilɛ-pɛɛŋɛ pugbɔhɔ ki kasɔrɔyɔ yi na, na giriyazhii le pu na. 5 A wu zangaso pukuuyo taanri wa yereŋɛ, na yee tiiŋɛ Kilɛ-pɛɛŋɛ pugbɔhɔ ki kpɛɛngɛ ki wo kasɔrɔgɔ ke, ni fɛfɛɛrɛ xuu wu wo kasɔrɔgɔ ki na. 6 Zangaso wu nɔhɔdaan wo pukuugo ki kadaa li bye keŋɛ ɲii kaguro, pukuugo shuun wogo ki wo kadaa li ɲɛ keŋɛ ɲii gbaara, pukuugo taanri wogo ki wo kadaa li ɲɛ keŋɛ ɲii gbarashuun. Kilɛ-pɛɛŋɛ pugbɔhɔ ki kpɛɛngɛ ki wo kasɔrɔgɔ ki bi jɛrɛŋɛ na gaaŋi fugba wu ni, kɔnhɔ zangasoo pu wo mara mara tiin ki ganha ba jé Kilɛ-pɛɛŋɛ pugbɔhɔ ki wo kasɔrɔgɔ ki ni wɛ. 7 Puga ki yereŋɛduun wu ni, faakagereye yemu pu bi tɛ tɛ ge, yee ni puyaalaa pu bi puga ki yereŋɛ. A lʼi bye kaɲuŋɔ wa ya madari tunmɔ, kelee kacerege tunmɔ, kelee tɔɔrɔ yagboŋɔ katii tunmɔ logo puga ki yaaduun wu ni wɛ. 8 Zangaso wu niŋɛ ki wo pukuugo ki wo tajege ki bye Kilɛ-pɛɛŋɛ pugbɔhɔ ki woroo kulo kacɛ ki na. Ba mʼa jé wà wɛ, ma dugi katadinnɛ la na na kari niŋɛ ki wo pukuugo ki ni, na dugi katadinnɛ la bɛ na, na kari fugba wu wo pukuugo ki ni. 9 Ba puga kʼa yereŋɛ xɔ wɛ, a Solomani di sɛdiri tiin ni sɛdiri kɔɔjayae taga ki tɔ. 10 Zangasoo piimu pu bi yereŋɛ na Kilɛ-pɛɛŋɛ pugbɔhɔ ki maha ge, pee wo ɲubile li bye keŋɛ ɲii kaguro, yi mara mara tiin kʼi ɲɛ sɛdiri wogoo, na kee sin sin Kilɛ-pɛɛŋɛ pugbɔhɔ ki na.
11 Wee tuun wu ni, a Tɛhɛnɛ Baa Kilɛ pʼi nɔ Solomani na na: 12 «Ke puga ke mu wa yereŋɛ nɛ mu ge, ma ba nɛ wo saliya wu koo ɲaari, nɛ tuduro temu jo ma mu ge na tee co, na nɛ wo nijoyo yi bɛɛri pyi, wee tuun wu ni nɛ ɲɔmɛɛ lemu lɔ ma to Dawuda mu ge, nɛ na ba lee fa ma mu. 13 Nɛ na ba diin Izirayɛli nagoo pu niŋɛ ni. Nɛ da ga na sipyii pu nɔhɔ yaha nige wɛ, pee piimu pu ɲɛ Izirayɛli nagoo pu ge.»
14 Ayiwa, a Solomani di puga ki yereŋɛ xɔ. 15 A wu sɛdiri tige kɔrɔyɔ ja ja, na yee taha puga ki funŋɔ ki kasɔrɔyɔ ye, ni ɲiŋɛ ki na, fo na shɛ nɔ fugba wu na. A wu puga ki funŋɔ ki tɔ mu lee tɔgana li na, na puga ki ɲiŋɛ ki bɛ tɔ ni sipɛrɛ kɔɔjaya ni. 16 A wu sɛdiri kɔɔjaya ya taga Kilɛ-pɛɛŋɛ pugbɔhɔ ki funŋɔ puga ki bɛ wo kasɔrɔyɔ yi tɔ, na lɔ ɲiŋɛ ke na, fo fugba we. Kee wo ɲidaa li bye keŋɛ ɲii kɛlɛɛ shuun (20). A wu ki funŋɔ ki yaa mu lee yaagana li na na pye fɛfɛɛrɛ ti bɛɛri wo fɛfɛɛrɛ xuu we. 17 Puga ki keŋɛɲii kɛlɛɛ shishɛɛrɛ (40) wemu wu bye fɛfɛɛrɛ ti bɛɛri wo fɛfɛɛrɛ xuu wu ɲahagbaa li na ge, wee ɲɛ fɛfɛɛrɛ xuu we. 18 Tige yasɛyɛ ya, ni tige fyɛɛnrɛ ta, temu ya canhari ge, pu bi yee tɛ na wolo sɛdiri tiye ya ni, na yee tara tara fɛfɛɛrɛ xuu wu wo sɛdiri kɔɔjaya yi na. Puga ki faakagereŋɛ ka nigin bɛ bi ɲaa wɛ.
19 A Solomani di fɛfɛɛrɛ ti bɛɛri wo fɛfɛɛrɛ xuu wu yàa, puga ki funŋɔ ki ni, kɔnhɔ Tɛhɛnɛ Baa Kilɛ wo Kariɲɛɛgɛ Ɲɔmɛɛ li wo Keshi wu ba yaha wà. 20 Fɛfɛɛrɛ ti bɛɛri wo fɛfɛɛrɛ xuu wu ɲidaa li bye keŋɛ ɲii kɛlɛɛ shuun (20), wu kadaa li bɛ di ɲɛ keŋɛ ɲii kɛlɛɛ shuun (20), wu ɲubile li bɛ di ɲɛ keŋɛ ɲii kɛlɛɛ shuun (20), na sanni nidiimɛ taga kasɔrɔyɔ yi tɔ. A wu saraya tawologo ka yàa fɛfɛɛrɛ ti bɛɛri wo fɛfɛɛrɛ xuu wu ɲahagbaa li na, na sanni nidiimɛ wa taga kee bɛ tɔ. 21 A Solomani di fɛfɛɛrɛ puga ki funŋɔ ki bɛɛri tɔ ni sanni nidiimɛ ni, na sanni ɲɔhɔrɔ ta pɔ fɛfɛɛrɛ ti bɛɛri wo fɛfɛɛrɛ xuu wu tajege ki ɲɔ ki na. Sanni nidiimɛ wu bi taga fɛfɛɛrɛ ti bɛɛri wo fɛfɛɛrɛ xuu wu bɛ tɔ. 22 A pʼi sanni taga Kilɛ-pɛɛŋɛ pugbɔhɔ ki bɛɛri tɔ. Saraya tawologo kemu ki bye fɛfɛɛrɛ ti bɛɛri wo fɛfɛɛrɛ xuu wu ɲahagbaa na ge, a pʼi sanni taga kee bɛ tɔ.
23 A pʼi serubɛɛn† shuun wa tɛ na wolo oliviye tiye ya ni, na pee yaha fɛfɛɛrɛ ti bɛɛri wo fɛfɛɛrɛ xuu wu ni, wa bɛɛri wo ɲubile li bye keŋɛ ɲii kɛ. 24 Serubɛn† nizhiimɛ wu wo kapaŋa ka bye keŋɛ ɲii kaguro, kapaŋa ka bɛ di ɲɛ keŋɛ ɲii kaguro. Kapaya shuun wu tɛ wu bye keŋɛ ɲii kɛ, na lɔ kapaŋa ka wo ɲuŋɔ na, na se ka wo ɲuŋɔ mu. 25 Serubɛn† shuun wo wu bɛ wo ɲubile li bye keŋɛ ɲii kɛ. Wu ni nizhiimɛ wu bɛɛri bye ɲuŋɔkanunɔ ni yaaganunɔ na. 26 Serubɛn† nizhiimɛ wu wo ɲubile li bye keŋɛ ɲii kɛ, shuun wo wu bɛ di ɲɛ mu. 27 A pʼi serubɛɛn† pu yaha fɛfɛɛrɛ ti bɛɛri wo fɛfɛɛrɛ xuu wu ni. Serubɛɛn† pu bi kapaya yi pii. Nizhiimɛ wu wo kapaŋa ka bi gbɔɔn puga ki kasɔrɔgɔ ka na, shuun wo wu bɛ wo kapaŋa ka di gbɔɔn puga ki kasɔrɔgɔ ka na, serubɛɛn shuun wu wo kapaya shuun wusama dʼa círi yiyɛ na puga ki niŋɛ ki ni. 28 A pʼi sanni taga serubɛɛn pu bɛ tɔ.
29 Serubɛɛn ni fɛnhɛɲubaya, ni tige fyɛɛnrɛ temu ya canhari ge, a pʼi yee yàa puga ki kasɔrɔyɔ yi bɛɛri na, funŋɔ ki fara kpɛɛngɛ ki na. 30 A wu sanni taha piyɛyɛ shuun wu bɛɛri wo ɲiŋɛ ki na. 31 A pʼi sige wo oliviye tiye tɛ na pye gburaya shuun, na yee le fɛfɛɛrɛ ti bɛɛri wo fɛfɛɛrɛ xuu wu wo tajege ki ɲɔ ki na. Gburaya yi fugba gbeetirige ke, ni kabanugo ki woyo yi wo kadaa li bye puga ki kasɔrɔgɔ ki taaga kaguro wogo. 32 Sige wo oliviye tiye pu bi tɛ na pye gburaya shuun we. Serubɛɛn ni fɛnhɛɲubaya, ni tige fyɛɛnrɛ temu ya canhari ge, a pʼi yee ya yàa gburaya shuun wu bɛ na, na sanni taga yi bɛ tɔ. A pʼi sanni taga serubɛɛn pee ni fɛnhɛɲubaya yi bɛ tɔ. 33 A pʼi gburaya ya tɛ Kilɛ-pɛɛŋɛ puga ki bɛ wo tajege ki kaa na. Yee gbeetiriye yi wo kadaa li bye kasɔrɔgɔ ki taaga shishɛɛrɛ wogo. 34 Yee gburaya shuun wu bi tɛ na wolo sipɛrɛ tiye ni. Gbura ka bɛɛri bye tige kɔɔjaya shuun yee yemu yʼa guruni na sanhana ge. 35 Serubɛɛn ni fɛnhɛɲubaya, ni tige fyɛɛnrɛ temu ya canhari ge, a pʼi yee ya yàa yee gburaya yi bɛ na, na sanni taga yi tɔ.
36 Lee kadugo na, a wu funŋɔ ki wo kaaŋa ki kuuri ni faakagereye ni sɛdiri tii ni: faakagereye tahaŋaa taanri bɛɛri, pʼa sɛdiri tiin tahana nigin taha.
37 Solomani wo saanra ti yee shishɛɛrɛ wuu li wo Zifu yeŋɛ ki ni Tɛhɛnɛ Baa Kilɛ wo puga ki labye wʼa ɲɔ kɔn. 38 Li yee kɛ ni nigin wu na, yee li yeŋɛ gbarataanri wogo ke, kemu ki ɲɛ Buli yeŋɛ ki ge, Kilɛ-pɛɛŋɛ pugbɔhɔ ki bi yaa na yàa yaagana lemu bɛɛri na ge, a ki labye wu bɛɛri di xhɔ na saha ni lee ni. Yee gbarashuun pʼa pye na ki yereŋɛ.