Ɲuŋɔfɛɛ pʼa wotoriyo kan kɔnhɔ pu da fàya puga ki yagboyo yi luu
7
Ayiwa, caŋa kemu Musa ya fàya puga ki yàa xɔ ge, a wu sìnmɛ taga ki tìre, na ki pye fɛɛfɛɛ ki ni ki yagbegeye yi bɛɛri. A wu saraya yi tawologo ki bɛ tìre, na ki bɛ pye fɛɛfɛɛ ki bɛ ni ki wo yagbegeye yi bɛɛri ni. Ba wʼa sìnmɛ pu taga yi tìre, na yi pye fɛɛfɛɛ wɛ, 2 ayiwa, kpɔnhɔɔ fɛɛ piimu pʼa pye Izirayɛli gbaweye yi ɲahagbaa fɛɛ pu ge, a pee di ba ni yakanya ni. Pee pʼa Izirayɛli nagoo pu tɔrɔ. 3 Yakanya yemu pʼa kan Tɛhɛnɛ Baa Kilɛ mu ge, yee yi wa mɛ: Wotoriyo gbaara yemu ɲuɲɔ wʼa tɔ ge, ni nupɛhɛɛ kɛ ni shuun. Ɲuŋɔfɛɛ pu bɛɛri nigin nigin wu bi nupɛhɛɛ nigin nigin wolo, na wá wotoriyo yi na shuun shuun. A pʼi ba ni yi ni Fàya Puga ki ɲahagbaa na. 4 A Tɛhɛnɛ Baa Kilɛ di Musa pye: 5 «Sɔɔ ye yaŋmuyɔ ye na, mʼa yi shɔ pu mu. Yi na ba yaha Ɲuŋɔ Tacirige Fàya Puga ki wo labye wu kaa na. Ma na ba yi kan Levi wo tirige shɛɛn pu mu na saha ni pu bɛɛri nigin nigin wu wo labye wu ni.» 6 A Musa di wotoriyo ye ni niiyɛ yi shɔ, na yi kan Levi wo tirige shɛɛn pu mu. 7 A wu wotoriyo shuun ni niiyɛ shishɛɛrɛ kan Gɛrɛshɔn wo tirige shɛɛn namaa pu mu na saha ni pu wo labye wu ni. 8 A wu wotoriyo shishɛɛrɛ ni niiyɛ gbarataanri kan Itamari mu wʼa kan Marari wo tirige shɛɛn namaa pu mu, na saha ni pu wo labye wu ni. 9 Wu ya ta yaaga kan Kexhati wo gbawege ki wo namaa pu mu wɛ, bani pee pu bi fɛfɛɛrɛ yaŋmuyɔ yi wo keree shɔɔnri, yee di bi yaa na yi luu kapaya na.Yaŋmuyɔ yemu yʼa ta saraya tawologo ki gan wuu na Kilɛ mu ge
10 Ayiwa, caŋa kemu pʼa saraya tawologo ki tìre ni sìnmɛ ni na ki yaha Kilɛ yahama ni ge, a Izirayɛli gbaweye yi ɲuŋɔfɛɛ pʼi ba ni yakanya ni saraya tawologo ki ɲaha tàan. 11 A Tɛhɛnɛ Baa Kilɛ di Musa pye: «Yakanya yemu ɲuŋɔfɛɛ pʼa da gan saraya tawologo ki gan wu wuu na Kilɛ mu ge, pʼa yaa na ma ni yi ni kacɛ na. Caŋa bɛɛri shɛn nigin na ba ni wu woyo ni.»
12 Ayiwa, Aminadabu ja Nasɔn, na foro Zhuda wo gbawege ki ni, a wee di wu wo yaŋmuyɔ yi kan cazhiige ki na. 13 Ye yʼa pye wu wo yakanya ye: warifyɛn golɛgɛ nigin, ki tidugumɔ pu bi kilo nigin ni giramaa xhuu taanri (1.300) xɔ, ni warifyɛn boonɔ nigin, lee wo tidugumɔ pu bi giramaa xhuu gbarashuun (700) xɔ, na saha ni fɛfɛɛrɛ xuu wu wo jate wu wologana ni. Yee yɛrɛyɛ shuun wu bɛɛri bi ɲi myɛ na, na sìnmɛ taga pu tɔnhɔ, myɛ wo saraga ki wuu na. 14 Sanni pee nigin lemu tidugumɔ ya giramaa xhuu nigin (100) xɔ ge. Lee bi ɲi nudanga yawurire na. 15 Nupepinŋɛ nigin, ni dubyapoo nigin, ni yee nigin dubyapepinŋɛ. Yee di bye saraya nizogoyo. 16 Sikapoo nigin, wee di bye jurumu yafa saraga. 17 Ɲaɲiŋɛ saraga ke, a kee di bye nupɛhɛɛ shuun, ni dubyapee kaguro, ni sikapee kaguro, ni yee nigin dubyapepinyɛ kaguro. Ye ya pye Aminadabu ja Nasɔn wo yakanya ye.
18 Ayiwa, Netaɲɛli ja Shuwari, na foro Isakari wo gbawege ki ni, a wee di wu wo yaŋmuyɔ yi kan caŋa shuun wogo ki na. 19 Ye yʼa pye wu wo yakanya ye: warifyɛn golɛgɛ nigin, ki tidugumɔ pu bi kilo nigin ni giramaa xhuu taanri (1.300) xɔ, ni warifyɛn boonɔ nigin, lee wo tidugumɔ pu bi giramaa xhuu gbarashuun (700) xɔ, na saha ni fɛfɛɛrɛ xuu wu wo jate wu wologana ni. Yee yɛrɛyɛ shuun wu bɛɛri bi ɲi myɛ na, na sìnmɛ taga pu tɔnhɔ, myɛ wo saraga ki wuu na. 20 Sanni pee nigin, lemu tidugumɔ ya giramaa xhuu nigin (100) xɔ ge, lee bi ɲi nudanga yawurire na. 21 Nupepinŋɛ nigin, ni dubyapoo nigin, ni yee nigin dubyapepinŋɛ. Yee di bye saraya nizogoyo. 22 Sikapoo nigin, wee di bye jurumu yafa saraga. 23 Ɲaɲiŋɛ saraga ke, a kee di bye nupɛhɛɛ shuun, ni dubyapee kaguro, ni sikapee kaguro, ni yee nigin dubyapepinyɛ kaguro. Ye ya pye Netaɲɛli ja Shuwari wo yakanya ye.
24 Ayiwa, Xhelɔn ja Eliyabu, na foro Zabulɔn wo gbawege ki ni, a wee di wu wo yaŋmuyɔ yi kan caŋa taanri wogo ki na. 25 Ye yʼa pye wu wo yakanya ye: warifyɛn golɛgɛ nigin, ki tidugumɔ pu bi kilo nigin ni giramaa xhuu taanri (1.300) xɔ, ni warifyɛn boonɔ nigin, lee wo tidugumɔ pu bi giramaa xhuu gbarashuun (700) xɔ, na saha ni fɛfɛɛrɛ xuu wu wo jate wu wologana ni. Yee yɛrɛyɛ shuun wu bɛɛri bi ɲi myɛ na, na sìnmɛ taga pu tɔnhɔ, myɛ wo saraga ki wuu na. 26 Sanni pee nigin, lemu tidugumɔ ya giramaa xhuu nigin (100) xɔ ge, lee bi ɲi nudanga yawurire na. 27 Nupepinŋɛ nigin, ni dubyapoo nigin, ni yee nigin dubyapepinŋɛ. Yee di bye saraya nizogoyo. 28 Sikapoo nigin, wee di bye jurumu yafa saraga. 29 Ɲaɲiŋɛ saraga ke, a kee di bye nupɛhɛɛ shuun, ni dubyapee kaguro, ni sikapee kaguro, ni yee nigin dubyapepinyɛ kaguro. Ye ya pye Xhelɔn ja Eliyabu wo yakanya ye.
30 Ayiwa, Sheduri ja Elisuri, na foro Urubɛn wo gbawege ki ni, a wee di wu wo yaŋmuyɔ yi kan caŋa shishɛɛrɛ wogo ki na. 31 Ye yʼa pye wu wo yakanya ye: warifyɛn golɛgɛ nigin, ki tidugumɔ pu bi kilo nigin ni giramaa xhuu taanri (1.300) xɔ, ni warifyɛn boonɔ nigin, lee wo tidugumɔ pu bi giramaa xhuu gbarashuun (700) xɔ, na saha ni fɛfɛɛrɛ xuu wu wo jate wu wologana ni. Yee yɛrɛyɛ shuun wu bɛɛri bi ɲi myɛ na, na sìnmɛ taga pu tɔnhɔ, myɛ wo saraga ki wuu na. 32 Sanni pee nigin, lemu tidugumɔ ya giramaa xhuu nigin (100) xɔ ge, lee bi ɲi nudanga yawurire na. 33 Nupepinŋɛ nigin, ni dubyapoo nigin, ni yee nigin dubyapepinŋɛ. Yee di bye saraya nizogoyo. 34 Sikapoo nigin, wee di bye jurumu yafa saraga. 35 Ɲaɲiŋɛ saraga ke, a kee di bye nupɛhɛɛ shuun, ni dubyapee kaguro, ni sikapee kaguro, ni yee nigin dubyapepinyɛ kaguro. Ye ya pye Sheduri ja Elisuri wo yakanya ye.
36 Ayiwa, Surishadayi ja Shelumyɛli, na foro Simiɲɔ wo gbawege ki ni, a wee di wu wo yaŋmuyɔ yi kan caŋa kaguro wogo ki na. 37 Ye yʼa pye wu wo yakanya ye: warifyɛn golɛgɛ nigin, ki tidugumɔ pu bi kilo nigin ni giramaa xhuu taanri (1.300) xɔ, ni warifyɛn boonɔ nigin, lee wo tidugumɔ pu bi giramaa xhuu gbarashuun (700) xɔ, na saha ni fɛfɛɛrɛ xuu wu wo jate wu wologana ni. Yee yɛrɛyɛ shuun wu bɛɛri bi ɲi myɛ na, na sìnmɛ taga pu tɔnhɔ, myɛ wo saraga ki wuu na. 38 Sanni pee nigin, lemu tidugumɔ ya giramaa xhuu nigin (100) xɔ ge, lee bi ɲi nudanga yawurire na. 39 Nupepinŋɛ nigin, ni dubyapoo nigin, ni yee nigin dubyapepinŋɛ. Yee di bye saraya nizogoyo. 40 Sikapoo nigin, wee di bye jurumu yafa saraga. 41 Ɲaɲiŋɛ saraga ke, a kee di bye nupɛhɛɛ shuun, ni dubyapee kaguro, ni sikapee kaguro, ni yee nigin dubyapepinyɛ kaguro. Ye ya pye Surishadayi ja Shelumyɛli wo yakanya ye.
42 Ayiwa, Duwɛli ja Elizafu, na foro Gadi wo gbawege ki ni, a wee di wu wo yaŋmuyɔ yi kan caŋa gbaara wogo ki na. 43 Ye yʼa pye wu wo yakanya ye: warifyɛn golɛgɛ nigin, ki tidugumɔ pu bi kilo nigin ni giramaa xhuu taanri (1.300) xɔ, ni warifyɛn boonɔ nigin, lee wo tidugumɔ pu bi giramaa xhuu gbarashuun (700) xɔ, na saha ni fɛfɛɛrɛ xuu wu wo jate wu wologana ni. Yee yɛrɛyɛ shuun wu bɛɛri bi ɲi myɛ na, na sìnmɛ taga pu tɔnhɔ, myɛ wo saraga ki wuu na. 44 Sanni pee nigin, lemu tidugumɔ ya giramaa xhuu nigin (100) xɔ ge, lee bi ɲi nudanga yawurire na. 45 Nupepinŋɛ nigin, ni dubyapoo nigin, ni yee nigin dubyapepinŋɛ. Yee di bye saraya nizogoyo. 46 Sikapoo nigin, wee di bye jurumu yafa saraga. 47 Ɲaɲiŋɛ saraga ke, a kee di bye nupɛhɛɛ shuun, ni dubyapee kaguro, ni sikapee kaguro, ni yee nigin dubyapepinyɛ kaguro. Ye ya pye Duwɛli ja Elizafu wo yakanya ye.
48 Ayiwa, Amiyudi ja Elishama, na foro Efirayimu wo gbawege ki ni, a wee di wu wo yaŋmuyɔ yi kan caŋa gbarashuun wogo ki na. 49 Ye yʼa pye wu wo yakanya ye: warifyɛn golɛgɛ nigin, ki tidugumɔ pu bi kilo nigin ni giramaa xhuu taanri (1.300) xɔ, ni warifyɛn boonɔ nigin, lee wo tidugumɔ pu bi giramaa xhuu gbarashuun (700) xɔ, na saha ni fɛfɛɛrɛ xuu wu wo jate wu wologana ni. Yee yɛrɛyɛ shuun wu bɛɛri bi ɲi myɛ na, na sìnmɛ taga pu tɔnhɔ, myɛ wo saraga ki wuu na. 50 Sanni pee nigin, lemu tidugumɔ ya giramaa xhuu nigin (100) xɔ ge, lee bi ɲi nudanga yawurire na. 51 Nupepinŋɛ nigin, ni dubyapoo nigin, ni yee nigin dubyapepinŋɛ. Yee di bye saraya nizogoyo. 52 Sikapoo nigin, wee di bye jurumu yafa saraga. 53 Ɲaɲiŋɛ saraga ke, a kee di bye nupɛhɛɛ shuun, ni dubyapee kaguro, ni sikapee kaguro, ni yee nigin dubyapee kaguro. Ye ya pye Amiyudi ja Elishama wo yakanya ye.
54 Ayiwa, Pedasuri ja Gamaliyɛli, na foro Manase wo gbawege ki ni, a wee di wu wo yaŋmuyɔ yi kan caŋa gbarataanri wogo ki na. 55 Ye yʼa pye wu wo yakanya ye: warifyɛn golɛgɛ nigin, ki tidugumɔ pu bi kilo nigin ni giramaa xhuu taanri (1.300) xɔ, ni warifyɛn boonɔ nigin, lee wo tidugumɔ pu bi giramaa xhuu gbarashuun (700) xɔ, na saha ni fɛfɛɛrɛ xuu wu wo jate wu wologana ni. Yee yɛrɛyɛ shuun wu bɛɛri bi ɲi myɛ na, na sìnmɛ taga pu tɔnhɔ, myɛ wo saraga ki wuu na. 56 Sanni pee nigin, lemu tidugumɔ ya giramaa xhuu nigin (100) xɔ ge, lee bi ɲi nudanga yawurire na. 57 Nupepinŋɛ nigin, ni dubyapoo nigin, ni yee nigin dubyapepinŋɛ. Yee di bye saraya nizogoyo. 58 Sikapoo nigin, wee di bye jurumu yafa saraga. 59 Ɲaɲiŋɛ saraga ke, a kee di bye nupɛhɛɛ shuun, ni dubyapee kaguro, ni sikapee kaguro, ni yee nigin dubyapee kaguro. Ye ya pye Pedasuri ja Gamaliyɛli wo yakanya ye.
60 Ayiwa, Zhidoni ja Abidan, na foro Bɛnzhamɛ wo gbawege ki ni, a wee di wu wo yaŋmuyɔ yi kan caŋa gbarashɛɛrɛ wogo ki na. 61 Ye yʼa pye wu wo yakanya ye: warifyɛn golɛgɛ nigin, ki tidugumɔ pu bi kilo nigin ni giramaa xhuu taanri (1.300) xɔ, ni warifyɛn boonɔ nigin, lee wo tidugumɔ pu bi giramaa xhuu gbarashuun (700) xɔ, na saha ni fɛfɛɛrɛ xuu wu wo jate wu wologana ni. Yee yɛrɛyɛ shuun wu bɛɛri bi ɲi myɛ na, na sìnmɛ taga pu tɔnhɔ, myɛ wo saraga ki wuu na. 62 Sanni pee nigin, lemu tidugumɔ ya giramaa xhuu nigin (100) xɔ ge, lee bi ɲi nudanga yawurire na. 63 Nupepinŋɛ nigin, ni dubyapoo nigin, ni yee nigin dubyapepinŋɛ. Yee di bye saraya nizogoyo. 64 Sikapoo nigin, wee di bye jurumu yafa saraga. 65 Ɲaɲiŋɛ saraga ke, a kee di bye nupɛhɛɛ shuun, ni dubyapee kaguro, ni sikapee kaguro, ni yee nigin dubyapepinyɛ kaguro. Ye ya pye Zhidoni ja Abidan wo yakanya ye.
66 Ayiwa, Amishadayi ja Ayezɛri, na foro Dan wo gbawege ki ni, a wee di wu wo yaŋmuyɔ yi kan caŋa kɛ wogo ki na. 67 Ye yʼa pye wu wo yakanya ye: warifyɛn golɛgɛ nigin, ki tidugumɔ pu bi kilo nigin ni giramaa xhuu taanri (1.300) xɔ, ni warifyɛn boonɔ nigin, lee wo tidugumɔ pu bi giramaa xhuu gbarashuun (700) xɔ, na saha ni fɛfɛɛrɛ xuu wu wo jate wu wologana ni. Yee yɛrɛyɛ shuun wu bɛɛri bi ɲi myɛ na, na sìnmɛ taga pu tɔnhɔ, myɛ wo saraga ki wuu na. 68 Sanni pee nigin, lemu tidugumɔ ya giramaa xhuu nigin (100) xɔ ge, lee bi ɲi nudanga yawurire na. 69 Nupepinŋɛ nigin, ni dubyapoo nigin, ni yee nigin dubyapepinŋɛ. Yee di bye saraya nizogoyo. 70 Sikapoo nigin, wee di bye jurumu yafa saraga. 71 Ɲaɲiŋɛ saraga ke, a kee di bye nupɛhɛɛ shuun, ni dubyapee kaguro, ni sikapee kaguro, ni yee nigin dubyapepinyɛ kaguro. Ye ya pye Amishadayi ja Ayezɛri wo yakanya ye.
72 Ayiwa, Okiran ja Pazhiyɛli, na foro Azɛri wo gbawege ki ni, a wee di wu wo yaŋmuyɔ yi kan caŋa kɛ ni nigin wogo ki na. 73 Ye yʼa pye wu wo yakanya ye: warifyɛn golɛgɛ nigin, ki tidugumɔ pu bi kilo nigin ni giramaa xhuu taanri (1.300) xɔ, ni warifyɛn boonɔ nigin, lee wo tidugumɔ pu bi giramaa xhuu gbarashuun (700) xɔ, na saha ni fɛfɛɛrɛ xuu wu wo jate wu wologana ni. Yee yɛrɛyɛ shuun wu bɛɛri bi ɲi myɛ na, na sìnmɛ taga pu tɔnhɔ, myɛ wo saraga ki wuu na. 74 Sanni pee nigin, lemu tidugumɔ ya giramaa xhuu nigin (100) xɔ ge, lee bi ɲi nudanga yawurire na. 75 Nupepinŋɛ nigin, ni dubyapoo nigin, ni yee nigin dubyapepinŋɛ. Yee di bye saraya nizogoyo. 76 Sikapoo nigin, wee di bye jurumu yafa saraga. 77 Ɲaɲiŋɛ saraga ke, a kee di bye nupɛhɛɛ shuun, ni dubyapee kaguro, ni sikapee kaguro, ni yee nigin dubyapepinyɛ kaguro. Ye ya pye Okiran ja Pazhiyɛli wo yakanya ye.
78 Ayiwa, Ena ja Ayira, na foro Nɛfitali wo gbawege ki ni, a wee di wu wo yaŋmuyɔ yi kan caŋa kɛ ni shuun wogo ki na. 79 Ye yʼa pye wu wo yakanya ye: warifyɛn golɛgɛ nigin, ki tidugumɔ pu bi kilo nigin ni giramaa xhuu taanri (1.300) xɔ, ni warifyɛn boonɔ nigin, lee wo tidugumɔ pu bi giramaa xhuu gbarashuun (700) xɔ, na saha ni fɛfɛɛrɛ xuu wu wo jate wu wologana ni. Yee yɛrɛyɛ shuun wu bɛɛri bi ɲi myɛ na, na sìnmɛ taga pu tɔnhɔ, myɛ wo saraga ki wuu na. 80 Sanni pee nigin, lemu tidugumɔ ya giramaa xhuu nigin (100) xɔ ge, lee bi ɲi nudanga yawurire na. 81 Nupepinŋɛ nigin, ni dubyapoo nigin, ni yee nigin dubyapepinŋɛ. Yee di bye saraya nizogoyo. 82 Sikapoo nigin, wee di bye jurumu yafa saraga. 83 Ɲaɲiŋɛ saraga ke, a kee di bye nupɛhɛɛ shuun, ni dubyapee kaguro, ni sikapee kaguro, ni yee nigin dubyapepinyɛ kaguro. Ye ya pye Ena ja Ayira wo yakanya ye.
84 Ayiwa, caŋa kemu pʼa saraya tawologo ki tìre ni sìnmɛ ni, na ki yaha Tɛhɛnɛ Baa Kilɛ wo yahama ni ge, yaŋmuyɔ yemu bɛɛri Izirayɛli ɲuŋɔfɛɛ pʼa wolo kɔnhɔ pʼi yi kan Kilɛ mu ge, yee bɛɛri ya pye: Warifyɛn golɛyɛ kɛ ni shuun ni warifyɛn booŋɔɔ kɛ ni shuun, ni sanni pɛhɛɛ kɛ ni shuun. 85 Warifyɛn golɛgɛ ka bɛɛri tidugumɔ bi kilo nigin ni giramaa xhuu taanri (1.300) xɔ. Warifyɛn boonɔ la bɛɛri tidugumɔ bi giramaa xhuu gbarashuun (700) xɔ. Wee warifyɛn we bɛɛri tidugumɔ bi kiloo kɛlɛɛ shuun ni shishɛɛrɛ (24) xɔ, na saha ni fɛfɛɛrɛ xuu wu wo jate wu wologana li ni. 86 Sanni pɛhɛɛ kɛ ni shuun wu bɛɛri bi ɲi nudanga yawurire na. Lee sanni pee la bɛɛri tidugumɔ bi giramaa xhuu nigin (100) xhɔ, na saha ni fɛfɛɛrɛ xuu wu wo jate wu wologana ni. Wee sanni we bɛɛri tidugumɔ bi kilo nigin ni giramaa xhuu shuun (1.200) xɔ. 87 Yapɔrɔyɔ yemu bɛɛri yʼa kan di bye saraya nizogoyo yi ge, yee ɲɛ nupepinyɛ kɛ ni shuun, ni dubyapelɛyɛ kɛ ni shuun, ni yee nigin dubyapepinyɛ kɛ ni shuun, ni yee wo myɛ saraga. A sikapee kɛ ni shuun di bye jurumu yafa wo saraga ke. 88 Yapɔrɔyɔ yemu bɛɛri yʼa kan di bye ɲaɲiŋɛ saraga ki ge, yee bɛɛri ya pye: Nupɛhɛɛ kɛlɛɛ shuun ni shishɛɛrɛ (24), ni dubyapee kɛlɛɛ gbaara (60), ni sikapee kɛlɛɛ gbaara (60), ni yee nigin dubyapepinyɛ kɛlɛɛ gbaara (60). Pu na saraya tawologo ki tìre, yakanya yemu yʼa kan ki gan wu wuu na Kilɛ mu ge, yee yʼa pye ye.
89 Musa bye wu bu jé tuun bɛɛri ni Ɲuŋɔ Tacirige Fàya Puga ki ni di zhɛ jo ni Tɛhɛnɛ Baa Kilɛ ni, wʼa ganha na Tɛhɛnɛ Baa Kilɛ mujuu li nuri li na fòro serubɛɛna shuun wu tɛ ni kariɲɛɛgɛ ɲɔmɛɛ li keshi wu ɲɔtɔŋɔ ki fugba ni, kee kemu na pʼa jurumu yafa wu pyi ge. Lee jogana li na wu bi yu ni Musa ni.