2 Timote i

Pɔli é sɛ́wɛ fyáaɲɔn mín nátaa

Timote

mán

Sɛ́wɛ o kɔ́ɔnnɔnlaa o ɲánfɔ o

Timote tɛ́ɛ Pɔli yɛ kaamɔɔndhye ni Pɔli bháalakɛɲɔɔn le lé, Timote é Pɔli dhyɛman kɛ sɛ́wɛ wɔ́ɔlɔ lé sɛ́wɛ Laheli Kwáa ó kɔ́ɔnnɔn. Aa sé kɛ́ sɛ́wɛ jónan mín ŋé cé Timote mán kɛ o kɔ́ɔnnɔnlaa ɲánfɔ o mánfɛɛ i kwɔ́.

Pɔli é sɛ́wɛ fyáaɲɔn mín nátaa a dhyénjɛ Timote, mín ŋán dí a yɛ o mán, Pɔli yɛ ládhyeli kán nábha ŋólu lée o kɔ́ɔnnɔn (1.2). Pɔli é kaso la (2.9), mɔɔn shɛ́ɛman ŋwɛ́ɛn i kwɔ́ lo Pɔli la (1.15; 4.10-16), óni Pɔli a a lɔ ŋóo a sayakɛ wáati o wɛɛ súnɲan (4.6). O lé kósɔn Pɔli é fɔ́la Timote yɛ, ko Timote a nán a sáala jónan (4.9).

Sɛ́wɛ míin ŋé fɔla Timote yɛ lé, kó aa to bháala bhɛ́ɛ o kɛ́la, háani gbɛ́ya olu lɔ, óyoo Pɔli é a kɛ́ ɲán mín mán (1.8; 3.11-12; 4.5). Pɔli é Kílisi yɛ́ bháala o lala swáasi olu ta o lé mán, bwéetabhaa o mán, wáman sɛɛnkɛbhaa o mán (2.3-7). Timote kákan né kɛ Ní Sɛ́nnɛnyanin ŋóni a wɛɛ sánmankan mín myɛn kɛ o lamala cɛ́ɛne (1.6-14), kɛ sanmankanmɛɛ o láse cɛ́ɛne (2.14-26), kɛ kéeɲan ni sɛ́wɛ sɛ́nnɛnyanin ŋólu lé (3.10-17).