Passambajang metaꞌda tulung nnewa ewa
108
Kelongna Raja Daud.2 a Oo Puang Allataala,
sadianaꞌ la makkelong mpuji-Kiꞌ.
3 La miꞌcoknaꞌ mpannoni gambus sola cuꞌbekan.
La makkelongnaꞌ ntundan mariwang.
4 Oo Puang Allataala, la mangsukkuruꞌnaꞌ lako Kitaꞌ
nasaꞌdingngi sininna bangsa.
La kupakkelongan-Kiꞌ kelong pangpujian,
nasaꞌdingngi sininna tolino.
5 Nasabaꞌ tangdideteꞌ nnukkuruꞌi to pangpakamojaꞌ-Taꞌ njaoanni langiꞌ,
na tattaꞌ-Kiꞌ mpugauk janjin-Taꞌ.
6 Oo Puang Allataala, pangpekitanni to kamakuasan-Taꞌ njaoanni langiꞌ,
Tapapajanni to kamalaꞌbiran-Taꞌ llan lino.
7 b Pasalamaꞌmokan mpake kuasan-Taꞌ, pebalii to passambajangkiꞌ,
kisalamaꞌ tee kamiꞌ to Tapakamojaꞌ.
8 Mangkada-I Puang Allataala jao mai ngenan malaꞌbih-Na Nakua,
“Patalo-Moꞌ, na mario-Naꞌ la ntawa-tawa tana Sikhem,
Kusukaꞌi to Lombok Sukot, la Kutawa-tawa.
9 Tana-Kuꞌ to tana Gilead sola tana suku Manasye,
butung Kupusongkoꞌ bassi to tana suku Efraim,
na tekken karajaan-Kuꞌ to tana suku Yehuda.
10 Apa ia to tana Moab, iamo ngenan pembasean aje-Kuꞌ.
Kupellekkoranni to sapatung-Kuꞌ nataꞌpa jio tana Edom,
menjaji tanda kumua tana-Kuꞌ too.
Kupumario to kataloanna to-Filistin.”
11 Indara la njoloannaꞌ lako kota to naguririkki temboꞌ mawatang?
Indara la ssolannaꞌ lako tana Edom?
12 Oo Puang Allataala, butung to Tacaꞌbeanmokan,
na teꞌda Tamale parari sola tentarakiꞌ.
13 Tatulungmokan kisalamaꞌ jio mai ewakiꞌ,
sabaꞌ teꞌda buaꞌna to pangtulung tolino.
14 Ia ke Nasolankiꞌ Puang Allataala, mawatangkiꞌ tabarani,
sabaꞌ Ia-ia la ntaloi to ewataꞌ.