Passambajang metaꞌda pangtulung
57
a Dipatuju lako tomangpalunna tomakkelong. Nturuꞌ kelong “Danggiꞌ manglanynyaꞌi”. Kelongna Daud, tonna male palai tama loꞌkoꞌ mpembunian Raja Saul.2 Oo Puang Allataala, kamaseinaꞌ,
sabaꞌ Kitaꞌ mandara kunii mentilendung.
Membuninaꞌ llan kamakuasan-Taꞌ
susi anak manuk jiong paniꞌna indona,
arannai paja to kamasussan.
3 Puang Allataala to njaoanni sininna dewata,
kunii metaꞌda tulung Napangkadannaꞌ.
4 Napebalinaꞌ Puang Allataala jao mai suruga, Napasalamaꞌnaꞌ.
Nataloi to tompaꞌdikkinaꞌ.
Dennaa upaꞌ Napangpekitanni Puang Allataala kumua tattaꞌnaꞌ Napakamojaꞌ
natattaꞌ mpugaukki to janjin-Na.
5 Natalimbungnaꞌ ewakuꞌ la najokko
susi singa la ssammang tau.
Ia to isinna susi doke iarika pana,
na ia to lilana mataran susi paꞌdang.
6 Oo Puang Allataala, pangpekitanni to kamakuasan-Taꞌ jao langiꞌ,
Tapapajanni to kamalaꞌbiran-Taꞌ llan lino.
7 Natanananmoꞌ poja ewakuꞌ
nampamoroꞌ sumangaꞌkuꞌ.
Nakabuatanmoꞌ garuang jio lalan to la kuola,
apa ia bang una melolin doꞌ.
8 Oo Puang Allataala,
sadianaꞌ la makkelong mpuji-Kiꞌ.
9 La miꞌcoknaꞌ mpannoni gambus sola cuꞌbekan.
La makkelongnaꞌ ntundan mariwang.
10 Oo Puang Allataala, la mangsukkuruꞌnaꞌ lako Kitaꞌ,
nasaꞌdingngi sininna bangsa.
La kupakkelongan-Kiꞌ kelong pangpujian
nasaꞌdingngi sininna tolino.
11 Tangdideteꞌ nnukkuruꞌi to pangpakamojaꞌ-Taꞌ njaoanni langiꞌ,
na tattaꞌ-Kiꞌ mpugauk janjin-Taꞌ.
12 Oo Puang Allataala, pangpekitanni to kamakuasan-Taꞌ jao langiꞌ,
Tapapajanni to kamalaꞌbiran-Taꞌ llan lino.