Sura' Nabi
Amos
Kada dipajolo
Nabi Amos mpangpeissenan kadan-Na Puang Allataala agi-agi taun 750 tonna te'dapa najaji Puang Isa Almaseh. Ia joo wattu ia to kadatuan Yahudi titawa duai, lo'na liu kaparentanna Yehuda, kota lompona Yerusalem, na jajanna liu kaparentanna Israel, kota lompona Samaria. Ia to Nabi Amos tojio mai Tekoa jio kaparentanna Yehuda, apa malei re' kaparentanna Israel mpangpeissenan kadan-Na Puang Allataala.
Ia joo wattu, ia to tosugih jio Israel melo katuoanna, apa den tosugih mpakario-rio tokaasi-asi. Buda too tau jio ssompa mangrupa-rupa dewata, apa den una to tossompa Puang Allataala, apa te'da na lantuk tama penawanna.
Liwa' barani Nabi Amos mpangpeissenan kadan-Na Puang Allataala lako to-Israel kumua, la Nasessa Puang Allataala to to-Israel, Napali'i. Napangngingaranni Nabi Amos to to-Israel kumua namatappa' pole' lako Puang Allataala na mpugauk kamarurusan. Nakua kumua dennaa upa' Nakamaseii Puang Allataala to to-Israel to tuo unapa joo wattu. Napau jolo Nabi Amos kumua ianna kama'mo lino la Napaden pole' Puang Allataala to kaparentanna Daud Nabarakka'ii to umma'-Na.
Issinna Sura'
Pamulanna sura' 1:1-2
Nasessai Puang Allataala to kadatuan Israel na kadatuan mengguririkkina 1:3–2:16
Kareba pangsessa 3-6
Ba'tu pira-pira pengkita 7:1–9:10
Didampanganni to to-Israel na dipaden pole' to kaparentanna 9:11-15