Sura' Nabi
Yunus
Kada dipajolo
Ia tee sura'na Nabi Yunus, te'da ia nasusi to sura'na nabi laen lan Sura' Allataala. Nasaba' ia tee sura' te'da nampau pepasanna nabi lan, apa ncuritari ia apa to jaji lako Nabi Yunus tonna cia' mpesa'dingngi parenta-Na Puang Allataala. Nasuai Puang Allataala Nabi Yunus male lako kota Niniwe mpangpeissenan parenta-Na, apa cia'i male. Naissen Nabi Yunus kumua ianna matappa'mo to to-Niniwe, te'da pole'mo nalampugaukki Puang Allataala to akkatta-Na la nnancuru'i joo kota. Na ia tee kota Niniwe kota lompo jio tondok Asyur ewalinna to-Yahudi. Ia tonna ba'tu pira-piramo to kamaparrisan naperasai Nabi Yunus, mane'ri naturu' to parenta-Na Puang Allataala. Apa mabirihhi, sanga te'da pole' naancuru'i Puang Allataala joo kota Niniwe.
Jaji ia tee sura'na Nabi Yunus mpangpekitanni kumua liwa' kamakuasan-Na Puang Allataala lako to apa Napaden. Apa la'bih pole'pa mpangpekitanni kumua la'bih Nakabudai Puang Allataala ndampanganni sola mpasalama'i to mesa' bangsa na ia to ssessai, moi na ia joo bangsa nnewalii to to-Yahudi.
Issinna Sura'
Nabi Yunus cia' mpesa'dingngi parenta-Na Puang Allataala 1:1-17
Pangkurrusumanga'na Nabi Yunus lan ba'tang bale 2:1-10
Pengkatobaranna to-Niniwe 3:1-10
Puang Allataala mpakitanni kamamasean-Na 4:1-11