Sura' Nabi
Daniel
Kada dipajolo
Ia tee sura'na Daniel, nauki' tonna liwa' maparri' to bangsa Israel nasaba' disessai, na napandasai mesa' raja to saleanna tondok. Ia to tonnuki'i tee sura', mpamasumanga' bangsana, mpau mangrupa-rupa curita. Napangpeissenanni lako bangsana to ba'tu pira-pira pengkita, to mangka nakita Daniel. Mpemawatangngi kaparannuanna bangsana to kumua Puang Allataala ia la ntaloi to ewali mpandasai napemeloi pole'i to kaparentan lako umma'-Na.
Ia tee sura' den duang tawan lan to kaminang parallu:
Bungahna: Curitanna Daniel sola ba'tu pira-pira solana to pada dipali'. Wa'dingngi ntaloi ngasan ewalinna, nasaba' matappa' lako mandai Puang Allataala, na tatta' mpugaukki to pakkaeloran-Na. Ia to curita, jaji tonna kaparentanna kadatuan Babel sola Persia.
Mangpenduanna: Ba'tu pira-pira pengkita pole jio mai Puang Allataala, to mangka nakita Daniel. Ia to pengkita to nakita Daniel, iamo to susi gambara' mpamanassai to apa la jaji to wattu la dioloi lako, susinna kaditaloianna to ba'tu pira-pira kadatuan situru'-turu' mangpamula jio Babel, sitarruhna la dipeagi too na ditaloi to tokuasa to te'da naissen Puang Allataala, arannai patalo to umma'-Na Puang Allataala.
Issinna
Daniel sola soba'na 1:1-6:28
Ba'tu pira-pira pengkita, to nakita Daniel 7:1-12:13
a. Appa' olok-olok 7:1-28
b. Bembala' muane na beke muane 8:1-27
c. Passambajangna Daniel na pebalinna malaeka' 9:1-27
d. Pepasanna malaeka' 10:1-11:45
e. La kama'mo lino 12:1-13