Kada
Bulawanna
Raja Sulaiman
Kada Dipajolo
Ia tee kada bulawanna Raja Sulaiman diuki' llan mesa' sura' to nanii sirempun sininna pangpangngajah sola pangpakainga' umbo nakua to tau tuo mpugauk kameloan. Ia to pangpangngajah dipau llan mangrupa-rupa pangpasusian na karume. Ia to la'bih buda dipau to pangpangngajah to siumpu'na passalan ollong llan katuoanna tau keallo-keallo. Ia tee to pangpakainga', dipake mpamulai tee sura' to kumua, “Ia ke madoangki' nnampui kapaissenan, ia to kaminang parallu iamo to ngkalaja' ngkasiri' Puang Allataala.” Te'da na ia manda to umbo nakua mpugauk kameloan dipangpangngajaran llan tee sura', apa nnajahhi too tau mpake tangngah melona, sola ntaratte' ba'tu nnangga' tolaen.
Buda pangpasusian dipau llan tee sura' to mpapajanni kumua matumba mandalanna kapaissenanna to gurunna to-Israel tonna anu' to dikita jio sipa'na, sola to biasa napugauk tomacca.
Ia to pangpakainga', siumpu' mangrupa-rupa passalan, susinna kasiumputan llan kasirapuan, umbo susi carana mangdangkang, messipa' melo llan kasiamatan sola padanta' rupa tau na parallu nta'tan kale. Te'da na ia manda joo, apa ia tee sura' buda too sipa' melo napangpekitan susinna: danggi' matampo, sabbara'ki', ba'tu danggi' ngkita majiong tokaasi-asi, mpakamoja'ki' ba'tu mamaseki' lako padanta' rupa tau.
Issinna
Kamaccan dipamala'bih 1:1–9:18
Ba'tu pira-pira pangpakainga'na Raja Sulaiman 10:1–29:27
Kadanna Agur 30:1-33
Kadanna Lemuel 31:1-9
Pangpuji lako indo' to messipa' melo 31:10-31