WAHYU
KE YOHANES
PENULAU BECAKAP
Wahyu ke Yohanes toꞌ detules tengan kebala urang Kristen ngasa deprisa nema sidaꞌ pecayaꞌ ke Isa Al Maseh nyaꞌ Tuhan. Kitab toꞌ detules isaꞌ urang Kristen selareh ransak abaꞌ tegoh pecayaꞌ ke Isa Al Maseh.
Alam kitab toꞌ Tuhan Allah nganyaꞌ ke Yohanes kebala utai te kaꞌ tejadi ngau kebala tana isaꞌ urang Kristen de jeman nyaꞌ mudah nyarok apa reti te detules nyaꞌ. Jeman toꞌ kebala urang mayoh nadai nyarok ke reti kebala tana nyaꞌ, nyaꞌ te nyuroh kebala urang napser kitab toꞌ nadai sama. Uleh te jelas, Isa Al Maseh kepanyai kaꞌ ngalah ugaꞌ munsoh Ya, temasok Ibles kepalaꞌ kebala sitan. Udah Isa menang, Ya kaꞌ mereꞌ sruga te baru abaꞌ bumi te baru ngau upah ke urang te setia te deempu Ya.