SURAT
PETROS
TE SEMARU
PENULAU BECAKAP
Surat toꞌ datules Petros, salah sikoꞌ ari dua belas muret Isa. Surat toꞌ datules ya ke kebala urang Kristen te pamar piyar de Asia Met, te entoꞌ adai de bansa Turki. Sidaꞌ dasebot “kebala urang te dapileh Tuhan Allah.” Petros nules surat toꞌ ngau nguat iman kebala te maca te tengan ngasa pemedeh nema pecayaꞌ ke Al Maseh. Petros ngingat ke kebala te maca tentang Brita Bayek nema proꞌ Isa Al Maseh mah te jadi pengarap sidaꞌ. Pengarap nyaꞌ nema Isa Al Maseh udah mati, idop ageꞌ abaꞌ bedanyi kaꞌ datai ageꞌ. Tegal pengarap nyaꞌ, Paulos ngeransak sidaꞌ isaꞌ tan merinsaꞌ, blumaꞌ sadar enteꞌ pemedeh sidaꞌ ngau nguji apa sidaꞌ bamat-amat pecayaꞌ ke Al Maseh. Sidaꞌ alah yaken gaꞌ enteꞌ sidaꞌ kaꞌ de balas uleh Tuhan Allah senta Isa datai ageꞌ. Petros gaꞌ ngajar sidaꞌ kati cara idop jadi muret Isa Al Maseh.