SURAT
PETROS
TE SEMARU
PENULAU BECAKAP
Surat toꞌ detules Petros, sikoꞌ ari dua belas muret Isa. Surat toꞌ detules ya ke kebala urang Kristen te pamar-piyar de Asia Met, te entoꞌ adai de bansa Turki. Sidaꞌ desebot “kebala urang te depileh Tuhan Allah.” Petros nules surat toꞌ ngau nguat iman kebala urang te maca te tengan ngasa pemedeh nema pecayaꞌ ke Isa Al Maseh. Petros ngingat ke kebala urang te maca upa kati Brita Bayek nema peroꞌ Isa Al Maseh mah te jadi pengarap sidaꞌ. Pengarap nyaꞌ nema Isa Al Maseh udah mati, idop ageꞌ abaꞌ bedanyi kaꞌ datai ageꞌ. Tegal pengarap nyaꞌ, Paulos ngeransak sidaꞌ isaꞌ tan merinsaꞌ, blumaꞌ ingat enteꞌ pemedeh te sidaꞌ asa, nyaꞌ ngau nguji bamat-amat nadai sidaꞌ pecayaꞌ ke Al Maseh. Sidaꞌ alah yaken gaꞌ enteꞌ sidaꞌ kaꞌ debalas uleh Tuhan Allah senta Isa datai ageꞌ. Petros ngajar sidaꞌ gaꞌ kati cara idop jadi muret Isa Al Maseh.