KAMOS
Abraham Abraham idop beratos-ratos taon te dulau. Tuhan Allah nyuroh Abraham angkat ke menua te datunyok Tuhan Allah ke ya. Tuhan Allah bedanyi ke Abraham enteꞌ ya kaꞌ buleh keturon te mayoh, amat tengan nyaꞌ ya niseꞌ anak. Nyau klamaꞌ, pas Abraham umor seratos taon, Sara bini ya branak ke miyak laki. Anak ya nyaꞌ dabereꞌ nama Isak. Isak toꞌ apai Yakob puyang jagang dua blas suku te adai de bansa Israel. Abraham ma mah pecayaꞌ ke Tuhan Allah kebaꞌ nyaꞌ Abraham depadah urang apai urang te pecayaꞌ.
Al Maseh Mesias, Kristus Tuhan Allah udah bedanyi ke Raja Daod enteꞌ sikoꞌ ari pureh ya kaꞌ jong mrintah jadi Raja (2 Sam. 7:16). Al Maseh toꞌ Raja te dedanyi kaꞌ ngelepas abaꞌ kaꞌ nyelamat urang ari ukom dusa. Alam baasa Ibrani Al Maseh dasebot Mesias, alam baasa Yunani dasebot Kristus.
Anak Tuhan Allah Tuhan Allah ngutos Anak Ya ngau nyelamat ensia (Yoh. 3:16). Gelar Anak Tuhan Allah nyaꞌ, gelar te dengau ngumai Isa. Isa toꞌ jadi ensia bukai ari belaki bini, uleh Ya dekanong Maria ari kuasa Roh Kudos. Mlikat udah madah Ya Anak Tuhan Allah (Luk. 1:32-35). Urang te pecayaꞌ ke Isa dasebot gaꞌ anak Tuhan Allah.
Antu de jaman Isa mayoh urang miker enteꞌ urang mati jadi antu. Ugaꞌ urang te mati enteꞌ ya pecayaꞌ ke Isa semengat ya lansong ke sruga diyau abaꞌ Tuhan Allah, uleh enteꞌ ya nadai pecayaꞌ ke Isa semengat ya ke neraka jaoh ari Tuhan Allah (Luk. 16:19-31; 23:43).
Ari Paskah sidaꞌ Yahudi toꞌ deraya sidaꞌ ngau ngingat Tuhan Allah udah ngelepas puyang jagang sidaꞌ ari bansa Meser. Sebedau sidaꞌ angkat ari tanah Meser, sidaꞌ alah nyemeleh dumba, darah dumba nyaꞌ desamak de tiang pintu rumah sidaꞌ. Ngenap pintu te desamak darah nyaꞌ, ngau tana isaꞌ anak tuai sidaꞌ nadai dabunoh Tuhan Allah. Tuhan Allah nyuroh urang Israel ngeraya ari besai Paskah. Kebaꞌ nyaꞌ ngenap taon urang Israel nyemeleh dumba abaꞌ makai kurban pesemah nyaꞌ.
Ari Sabat enteꞌ nunaꞌ prator agama Yahudi ari Sabat blaboh malam ari (tikop petang) jumat datai ke malam ari (tikop petang) sabtu. Alam kitab Kejadian, Tuhan Allah mulah dunia abaꞌ kebala ugaꞌ utai, baroꞌ ari ketujoh Ya blepa, kebaꞌ ari nyaꞌ dasebot Sabat. Ari nyaꞌ deangap ari suci, abaꞌ kusos ngau nyemah Tuhan Allah. Alam sepuloh printah, Tuhan Allah ngerot urang bekreja ari Sabat. De jaman Isa adai mayoh prator tentang ari Sabat te tauꞌ abaꞌ te nitauꞌ sidaꞌ pulah.
Brita Bayek ari Tuhan Allah brita tentang Isa abaꞌ kati Tuhan Allah mrintah. Isa datai ke alam dunia toꞌ ngemaiꞌ Pemrintah Tuhan Allah, Ya idop de dunia toꞌ, mati, abaꞌ idop ageꞌ. Ngenap urang te pecayaꞌ ke Isa abaꞌ ngakoꞌ Ya ngau Raja, sidaꞌ daselamat abaꞌ dusa sidaꞌ deampon.
Duet dinar nyaꞌ mata duet bansa Ruma, dapulah ari pirak, adai nama abaꞌ gamar Kaisar. Sedinar toꞌ sama abaꞌ pemayoh upah urang kreja sari. Nilai sedinar sama abaꞌ sedirham.
Dumba toꞌ jelu te upa kameng. jelu toꞌ penteng de alam budaya Yahudi, tauꞌ depakai abaꞌ gah debaiꞌ ngau kurban pesemah ke Tuhan Allah nunaꞌ printah Tuhan Allah.
Dusa toꞌ pemulah abaꞌ pemiker te nyimpang ari kedekaꞌ Tuhan Allah. Urang te dusa toꞌ, urang te nadai patoh abaꞌ ngelaban kedekaꞌ Tuhan Allah.
Elia toꞌ nabi te idop mliyaꞌ, Elia nadai mati, uleh ya deangkat Tuhan Allah idop-idop ke sruga. Nabi Elia deklala nema ya mayoh mulah utai te nyaroh ari Tuhan Allah, abaꞌ ngansak ugaꞌ urang isaꞌ setia ke Tuhan Allah. Kebala nabi te adai udah jaman nabi Elia madah enteꞌ Tuhan Allah kaꞌ ngutos nabi Elia ke alam dunia toꞌ ageꞌ (Mal. 3:1-4, 4:5-6). Breta urang Israel medaꞌ Yohanes Pemaneꞌ sidaꞌ miker ya nabi Elia te datai ageꞌ (Mrk. 6:14-15).
Ensia te datai ari Tuhan Allah Isa kedireꞌ gah madah direꞌ Ya Ensia te datai ari Tuhan Allah. Istilah Ensia te datai ari Tuhan Allah adai alam kitab Daniel 7:13-14. Diyaꞌ depadah adai ensia te deangkat Tuhan Allah jadi Raja. Raja te deangkat nyaꞌ mrintah ugaꞌ bansa, abaꞌ Ya kaꞌ jong jadi Raja sidaꞌ Israel.
Galelia
1. Nama daerah de Israel te bong ke Utara.
2. Nama danau de Israel te dasebot danau Genasaret (Luk. 5:1) abaꞌ dasebot gaꞌ danau Tiberias (Yohanes. 6:1; 21:1).
Ganom toꞌ kaꞌ upa padi, ganom mayoh detamak de Israel ngau pemakai urang Israel, adai gaꞌ detamak de menua bukai. Ganom dagileng jadi tepong, tepong nyaꞌ dapulah ngau ruti, nyaꞌ mah pemakai sidaꞌ. Gemala Gembala nyaꞌ urang te mereꞌ dumba makai abaꞌ ngireng dumba ya ke padang rumpot abaꞌ ke aiꞌ. Sidaꞌ nyaga dumba sidaꞌ ari urang te kaꞌ encuri abaꞌ nyaga ari kebala jelu te kaꞌ makai kebala dumba sidaꞌ.
Gerasa toꞌ salah suteꞌ da entara sepuloh kuta (Dekapules) te letak 60 kilomiter ari danau Galelia.
Gubernor toꞌ urang te paleng tingeꞌ mrintah de suteꞌ wilayah, propinsi atau daerah.
Ibles, Kepalaꞌ bala Sitan nyaꞌ pemimpen te paleng tingeꞌ de ugaꞌ sitan. Ya ngelaban Tuhan Allah abaꞌ nesat urang isaꞌ urang mulah dusa abaꞌ ngerusak sidaꞌ. Ya nyaꞌ mah gaꞌ ular te ngumok Hawa makai buah ari pon te ngau ngetauꞌ te bayek abaꞌ te jat (Kej. 3: 1-3).
Idop penoh damai Damai sejahtera toꞌ mayoh reti, adai empat reti idop penoh damai:
1. Idop penoh damai nema Isa ngenamai ensia abaꞌ Tuhan Allah (Luk. 2:14).
2. Idop penoh damai nema niseꞌ ageꞌ pelayaꞌ, nyau bedamai abaꞌ ugaꞌ urang (Luk. 10:6).
3. Idop penoh damai alam reti ati lantang abaꞌ ati gaga (Luk. 7:50).
4. Salam biasa te depadah urang Israel enteꞌ betemu abaꞌ urang bukai.
Imam agama Yahudi de jaman Musa datai ke jaman raja Salomo urang ari pureh Haron te dapileh Tuhan Allah ngelayan de Kemah Suci. De jaman Isa sidaꞌ ngelayan de Rumah Kudos Tuhan Allah te adai de Yerosalem. Imam adai tiga tingkat: Imam Besai agama Yahudi, kebala kepalaꞌ imam, abaꞌ kebala imam. Tugas imam toꞌ ngemaiꞌ kurban pesemah ke Tuhan Allah, ngajar printah Tuhan Allah, abaꞌ bradua ke urang. Ugaꞌ imam agama Yahudi dapileh ari keturon Liwi, uleh nadai ugaꞌ urang Liwi jadi imam. De jaman Isa, Imam Besai agama Yahudi jadi pemimpen pengadel Agama Yahudi.
Imam Besai agama Yahudi toꞌ Imam te paleng tingeꞌ alam agama Yahudi. Sekaleꞌ setaon adai ari kusos ngau Imam Besai agama Yahudi toꞌ tamaꞌ ke Teban te Ma Suci de alam Rumah Kudos Tuhan Allah. Imam Besai agama Yahudi ngemaiꞌ kurban pesemah ke Tuhan Allah ngau ngapos dusa ya kedireꞌ abaꞌ ugaꞌ urang Israel.
Jong idop abaꞌ Tuhan Allah sengabot Hidup yang kekal idop ari Tuhan Allah, idop te niseꞌ pemadoꞌ te kita empu kah secara rohani de sruga abaꞌ de dunia toꞌ. Urang te pecayaꞌ jemah lah idop abaꞌ Tuhan Allah sengabot, urang te nadai pecayaꞌ jemah lah idop de neraka (Dan. 12:1-3). Rasol Paulos madah ke jemat te de Kurintos enteꞌ tuboh kebala urang te pecayaꞌ ke Isa mati, uleh jemah lah Tuhan Allah ngemangket sidaꞌ, tuboh sidaꞌ kaꞌ brubah jadi "tuboh rohani" (1 Kor. 15:35-54).
Kaisar toꞌ raja te mimpen pemrintah Ruma. Ya jadi pemimpen besai de ugaꞌ wilayah te de baroh kuasa Ruma, temasok Yudia abaꞌ Galelia. Jalai Isa adai, urang te mrintah ngau Kaisar toꞌ Agustos (31 SM – 4 M, pedaꞌ Luk. 2:1). Udah ya, baroꞌ Kaisar Tiberius (14-37 SM) mrintah jaman Yohanes Pemaneꞌ abaꞌ Isa.
Kapernaom kuta te mayoh ikan adai de tebeng aiꞌ utara danau Galelia, pengkal prajuret Ruma te ngawas urang te ngumpol pajak de wilayah nyaꞌ.
Kaseh alam kitab Perjanjian Baru kaseh alam baasa Yunani te gah dengau kaseh "agape", kaseh toꞌ nadai nuntot balas. Bayek alam kitab Perjanjian Lamaꞌ bayek alam Perjanjian Baru, kaseh te dakedekaꞌ Tuhan Allah ari kebala urang te daempu Ya, kaseh te pedaꞌ, kaseh te kaꞌ ngaseh ugaꞌ urang abaꞌ munsoh sidaꞌ. Kaseh te upa nyaꞌ te udah de anyaꞌ Tuhan Allah alam Isa Al Maseh (Rm. 5: 8). Urang te pecayaꞌ ke Isa alah nunaꞌ apa te udah Isa pulah.
Kebala Kepalaꞌ imam toꞌ kepalaꞌ imam te paleng penteng de baroh Imam Besai. Sidaꞌ dapileh Imam Besai, sidaꞌ mimpen kebala klumpok imam te betugas de Rumah Kudos Tuhan Allah. Sidaꞌ gaꞌ anggota Pengadel Agama Yahudi.
Keledai toꞌ jelu te upa kuda uleh met geꞌ. Keledai gah dengau sidaꞌ Yahudi ngemaiꞌ barang abaꞌ gah datumpang urang.
Kisah empama Perumpamaan toꞌ kisah te dengau ngajar. Kisah toꞌ tentang pengidop ari-ari abaꞌ kebala utai te gah dapedaꞌ. Uleh maksot ari kisah toꞌ ngau ngajar tentang Tuhan Allah, ensia abaꞌ kebala utai te kebukai. Isa keran ngajar ngau kisah empama ngau Ya nyemaꞌ upa kati Tuhan Allah abaꞌ kati cara idop urang te idop alam Pemrintah Ya.
Kitab Suci Toꞌ Pemadah Tuhan Allah te datules alam kebala Kitab. De jaman Isa, te demaksot ngau Kitab Suci nyaꞌ kebala Kitab te adai de Perjanjian Lamaꞌ. Te temasok alam Kitab nyaꞌ limaꞌ Kitab te datules Musa (ukom Musa), kebala Kitab nabi, abaꞌ te kebukai upa medaꞌ Masmor abaꞌ sejarah bansa Israel. Ugaꞌ nyaꞌ deangap suci abaꞌ penoh kuasa nema ugaꞌ nyaꞌ ari Tuhan Allah.
Legion Legion toꞌ nama salah suteꞌ klumpok prajuret Ruma, pemayoh sidaꞌ sekitar 6,000 prajuret. Legion toꞌ nama te dasebot uleh sitan te nyarong urang de Gerasa, sitan nyaꞌ madah piyaꞌ nema sitan te nyarong urang nyaꞌ uleh ke pemayoh.
Liwi urang ari suku Liwi. Sidaꞌ urang te ngageh kurban pesemah ke Tuhan Allah abaꞌ mreseh Teban te Suci. Suku Liwi toꞌ salah suteꞌ suku ari dua blas suku te adai de Israel. Sidaꞌ dapileh Tuhan Allah ngau ngelayan Ya.
Manna toꞌ ruti te daturon Tuhan Allah ari sruga. Tuhan Allah mereꞌ ke sidaꞌ Israel ruti manna ngau pemakai sidaꞌ slamaꞌ sidaꞌ adai de tanah luah te baengkerangan (Kel. 16:1-36). Ruti manna gah gaꞌ dasebot ‘ganom ari langet’ (Mas.78:24) ‘ruti Mlikat’ (Mas. 78:25) abaꞌ ‘ruti ari langet’ (Mas. 105:40).
Mesbah toꞌ teban te jalai nunu kurban pesemah ke Tuhan Allah. Mesbah tauꞌ dapulah ari kebala batu, besi, abaꞌ tanah liat. De alam Rumah Kudos Tuhan Allah adai mesbah teban jalai nunu kemenyan. De laman Rumah Kudos nyaꞌ adai gaꞌ mesbah te ngau nunu kurban pesemah ke Tuhan Allah.
Mlikat toꞌ alam baasa Ibrani "utosan". Mlikat kreja ya ngelayan Tuhan Allah ngemaiꞌ abaꞌ madah pesau ari Tuhan Allah. Mlikat madah pesau ari Tuhan Allah secara lansong (Bil. 22:22-35, Luk. 1:11-20, 26-38) atau ari mimpi (Mat. 1:20-22). Mlikat mulah apa te dakedekaꞌ Tuhan Allah abaꞌ ngewakel Tuhan Allah. Sidaꞌ ngelinong sidaꞌ Yahudi (Kel. 14:19, 23:23; Mas. 34:7, Dan. 6:22). Mlikat ngukom munsoh urang te pecayaꞌ ke Tuhan Allah (Kel. 12:23, 29-30; Yes. 37:36, Mat. 13:49-50, Why. 14:14-20, 20:1-3).
Muji toꞌ utai te depansot ari mulot ngau madah pemayek, pemanai, pemanci, pemagas, abaꞌ pengawas. Muji toꞌ ngau madah pemayek Tuhan Allah, urang, abaꞌ kebala ugaꞌ utai.
Muret toꞌ urang te nunaꞌ guru abaꞌ belajar ari apa te depadah abaꞌ cara pengidop guru ya. Isa mileh dua blas urang ngau muret Ya, uleh adai gaꞌ urang bukai te nrudi Ya. Ugaꞌ urang pecayaꞌ dasebot gaꞌ muret Isa, abaꞌ sidaꞌ alah ngemaiꞌ ugaꞌ bansa isaꞌ jadi muret Isa.
Musa toꞌ idop beratos taon sebedau Isa. Ya mimpen bansa Israel jalai Tuhan Allah ngelepas sidaꞌ ari bansa Meser te nyajah sidaꞌ. Jalai sidaꞌ bejalai ari Meser datai ke tanah Kanaan te udah dedanyi, Tuhan Allah mereꞌ ke Musa sepuloh printah abaꞌ kebala printah Ya te kebukai. Musa nules kebala printah toꞌ abaꞌ ngajar ke sidaꞌ Israel. Printah Tuhan Allah nyaꞌ te adai de alam Kitab Suci ngator idop sidaꞌ Israel.
Nabi toꞌ urang te dautos Tuhan Allah madah pesau Ya ke ensia. Cuntoh: Musa, Yesaya, Elia abaꞌ Yohanes Pemaneꞌ.
Neraka nyaꞌ teban te dapulah Tuhan Allah ngau ngukom Ibles abaꞌ urang te nunaꞌ ya. Diyaꞌ urang ngasa pemedeh te niseꞌ pemadoꞌ. De neraka adai api te bediong abaꞌ nitauꞌ padam.
Nyemah toꞌ utai te alah dapulah urang ngau tana enteꞌ urang hormat ke te dasemah. Adai bemacam cara urang nyemah, adai nyungkon nyemah, adai nunu kurban ke te dapesemah, adai muji te dasemah.
Paneꞌ Baptis nyaꞌ alam baasa Yunani daselam ke alam aiꞌ, decalop abaꞌ debasok ngau aiꞌ. Nyaꞌ ngau tana urang nudi kebala dusa abaꞌ idop baru de alam Isa. Alam kitab Ruma, Paulos madah paneꞌ toꞌ kebarat urang te udah mati uleh idop ageꞌ secara rohani (Rm. 6:3-5).
Parisi toꞌ klumpok agama Yahudi te dadinga abaꞌ depanang sidaꞌ Yahudi. Sidaꞌ urang te patoh ke ugaꞌ printah Tuhan Allah te datules Musa abaꞌ adat sidaꞌ Yahudi. Sidaꞌ lebeh menteng adat sidaꞌ Yahudi, nyaꞌ nyuroh sidaꞌ ngelaban Isa nema Ya nadai patoh ke adat nyaꞌ. Pecayaꞌ toꞌ bereti yakin bamat-amat ke kebala utai te deagam, pecayaꞌ ke apa te bedau kalaꞌ dapedaꞌ. Enteꞌ beiman ke Tuhan Allah nyaꞌ bereti yakin apa te depadah Tuhan Allah abaꞌ kaꞌ nunaꞌ te depadah Tuhan Allah nyaꞌ.
Pemrintah Tuhan Allah Kerajaan Allah kurang lebeh seribu taon sebedau pengadai Isa, Tuhan Allah udah nanyi ke raja Daod enteꞌ Pemrintah ya niseꞌ pemadoꞌ (2 Sam. 7:16). Uleh kurang lebeh empat ratos taon nyau udah raja Daod, sidaꞌ Yahudi gah dejajah bansa bukai. Pas jaman Isa sidaꞌ Yahudi nganteꞌ Pemrintah Tuhan Allah te niseꞌ pemadoꞌ nyaꞌ. Isa madah direꞌ enteꞌ Ya Raja te dedanyi Tuhan Allah, Ya mah urang te nganyaꞌ Pemrintah nyaꞌ. Pemrintah te jakoꞌ Ya nadai sama abaꞌ pemrintah te dapiker sidaꞌ Yahudi. Pemrintah Tuhan Allah adai alam ati urang te patoh abaꞌ ngakoꞌ Isa ngau Raja. Pemrintah Tuhan Allah nyau adai de tengah kita, uleh jemah lah senta Isa datai ngau Raja, baroꞌ utai nyaꞌ bamat-amat pedaꞌ.
Penageh pajak nyaꞌ sidaꞌ Yahudi te bekreja ngumpol duet pajak ke pemrintah Ruma. Pemrintah Ruma ngajeh urang te de baroh pemrintah ya ngumpol pajak de daerah te dejajah sidaꞌ. Sidaꞌ gah ngumpol lebeh ari te udah deatoh urang. Kebala sidaꞌ Yahudi te semengkauꞌ jadi penageh pajak ma dekareh kebala keluarga abaꞌ sama direꞌ. Sidaꞌ deangap ngelaban prator agama abaꞌ bansa sidaꞌ, sidaꞌ deangap urang te nadai patot nyemah Tuhan Allah.
Pengadel Agama Yahudi Mahkamah Agama nyaꞌ organisasi te paleng tingeꞌ de agama Yahudi te bekuasa mutos ngukom atau ngelepas urang. Rumong sidaꞌ adai 70 urang. Sidaꞌ te temasok organisasi Pengadel Agama Yahudi toꞌ, Imam besai, kebala kepalaꞌ imam agama Yahudi, kebala urang te ahli alam kitab te datules Musa, abaꞌ kebala urang tuai bansa Yahudi.
Pengaseh toꞌ prasa iboh ke pangan bukai te nyuroh urang kaꞌ nalau kebala urang te pedeh abaꞌ tusah. Pengaseh Tuhan Allah ke urang te dusa, nyaꞌ nyuroh Ya nalau abaꞌ ngelepas ari munsoh abaꞌ ari dusa.
Penyaket kulet kusta nyaꞌ penyaket te munoh kulet abaꞌ nyangket ugaꞌ tuboh nyuroh kebala iseꞌ tauꞌ tangal ari tulang. Tegal kenaꞌ penyaket toꞌ urang tauꞌ mati. Enteꞌ nunaꞌ prator agama Yahudi, urang te kenaꞌ penyaket toꞌ deangap kutor abaꞌ ya alah dasemeh ari urang banyau. Nyaꞌ nyuroh ya nadai patot nyemah Tuhan Allah de Rumah Kudos Tuhan Allah abaꞌ de rumah te jalai sidaꞌ Yahudi nyemah Tuhan Allah.
Pesemah toꞌ kebala utai te ma bayek te udah deageh kaꞌ dabereꞌ ke Tuhan Allah. Kebala utai te dapesemah toꞌ, kebala kameng, sapi, dumba, burong, abaꞌ asel pengerja sidaꞌ.
Platos gubernor Ruma te betugas mrintah de wilayah Yudia taon 26-36 M. Dua tiga ikoꞌ urang te nules sejarah bansa Yahudi abad te semaru, sidaꞌ nules enteꞌ Platos toꞌ pemimpen te ganas, pemimpen te nadai iboh ke Rumah Kudos Tuhan Allah, abaꞌ pemimpen te nadai patoh ke agama Yahudi.
Prator Tuhan Allah te datules Musa/Prator Musa Hukum Taurat Toꞌ mah printah abaꞌ prator te dabereꞌ Tuhan Allah ke urang Israel. Prator toꞌ te dabereꞌ ke Musa, te datules alam limaꞌ kitab: Kejadian, Keluaran, Imamat, Bilangan, abaꞌ Ulangan. Prator te paleng deklala toꞌ sepuloh printah te datules Musa (Kel. 20:1-17). Kebala prator Musa toꞌ ngau ngator pengidop sidaꞌ Israel ari-ari, abaꞌ kati sidaꞌ nyemah Tuhan Allah.
Raja Daod toꞌ raja urang Israel beratos taon sebedau Isa. Raja Daod toꞌ puyang jagang Isa. Tuhan Allah udah bedanyi ke ya enteꞌ ari keturon ya kaꞌ jadi raja niseꞌ pemadoꞌ.
Raja Salomo toꞌ anak ari raja Daod te jadi raja Israel, ya deklala urang kaya abaꞌ ma panai alam Tuhan Allah.
Rasol nyaꞌ urang te buleh tugas kusos ari Isa madah brita bayek ari Tuhan Allah. Dua belas muret Isa abaꞌ urang te madah brita bayek nyaꞌ ke kebala bansa gah dasebot rasol.
Roh Kudos toꞌ Roh ari Tuhan Allah, pribadi ketiga ari Tuhan Allah. Roh Kudos dasebot gaꞌ Roh Tuhan Allah (Kis. 16:7). Ya mimpen abaꞌ nulong, abaꞌ mereꞌ kuasa ke kebala urang te pecayaꞌ ke Tuhan Allah. Roh Kudos ngingat abaꞌ ngerara urang te dusa isaꞌ bebalek ke Tuhan Allah.
Rumah Kudos Tuhan Allah Bait Allah nyaꞌ gedong pusat jalai sidaꞌ Yahudi nyemah Tuhan Allah. Rumah nyaꞌ proꞌ adai sebuah abaꞌ proꞌ adai de kuta Yerosalem. De alam Rumah Kudos Tuhan Allah toꞌ adai dua uteꞌ teban:
1. Teban te Ma Suci. Urang te tauꞌ tamaꞌ alam Teban toꞌ proꞌ Imam Besai agama Yahudi. Urang Yahudi pecayaꞌ Tuhan Allah adai de alam Teban toꞌ.
2. Teban Suci. Kebala imam ngewakel sidaꞌ Yahudi tamaꞌ ke Teban toꞌ. De Teban toꞌ kebala imam bradua nunu kemenyan abaꞌ ngreja tugas te kebukai.
De Rumah Kudos Tuhan Allah adai empat laman:
1. Laman te teban jalai kebala imam.
2. Laman te teban jalai kebala sidaꞌ Yahudi te laki.
3. Laman te teban jalai kebala sidaꞌ Yahudi te inoꞌ.
4. Laman te teban jalai kebala urang te ukai bansa Yahudi. Laman numor (1) te paleng semak Rumah Kudos Tuhan Allah. Laman numor (4) laman te paleng jaoh ari Rumah Kudos Tuhan Allah.
Rumah te jalai sidaꞌ Yahudi nyemah Tuhan Allah Rumah ibadat toꞌ rumah te jalai sidaꞌ Yahudi nyemah Tuhan Allah abaꞌ rumah toꞌ mayoh de menua Israel. Rumah toꞌ dengau bradua abaꞌ nyemah Tuhan Allah. Rumah toꞌ gah jalai urang belajar abaꞌ ngajar kitab te datules Musa. Bukai ari nyaꞌ gaꞌ rumah toꞌ gah dengau enteꞌ adai acara sunat, adai urang te kawen, abaꞌ teban jalai urang sidang.
Saduki nyaꞌ klumpok agama Yahudi te bepengaroh abaꞌ kaya. Urang Saduki nadai sepemiker abaꞌ urang Parisi nema urang Saduki proꞌ kaꞌ nunaꞌ kitab te datules Musa abaꞌ sidaꞌ ngai nrimaꞌ kebala prator te kebukai. Urang Saduki nadai pecayaꞌ adai mlikat abaꞌ urang te mati tauꞌ idop.
Samaria/sidaꞌ Samaria Sidaꞌ Samaria diyau da entara wilayah Yudia abaꞌ Galalia. Sidaꞌ Samaria gah kawin abaꞌ urang ari bansa bukai nyaꞌ nyuroh sidaꞌ Yahudi areh amat ke sidaꞌ. Sidaꞌ Samaria patoh ke Printah Tuhan Allah te datules Musa abaꞌ patoh gaꞌ ke adat basa sidaꞌ. Cara sidaꞌ nyemah Tuhan Allah lain ari cara sidaꞌ Yahudi, kebaꞌ nyaꞌ nyuroh sidaꞌ Yahudi bemunsoh abaꞌ sidaꞌ Samaria.
Selamat toꞌ apa te udah dapulah Tuhan Allah ke ensia, Ya ngutos Isa mati nganti ensia te dusa abaꞌ ensia tauꞌ jong idop abaꞌ Tuhan Allah. Abaꞌ ngelepas ensia ari pemedeh, ari pemati, ari kuasa Ibles Kepalaꞌ bala sitan. sidaꞌ Samaria Sidaꞌ Samaria diyau da entara wilayah Yudia abaꞌ Galalia. Sidaꞌ Samaria gah kawin abaꞌ urang ari bansa bukai nyaꞌ nyuroh sidaꞌ Yahudi areh amat ke sidaꞌ. Sidaꞌ Samaria patoh ke Printah Tuhan Allah te datules Musa abaꞌ patoh gaꞌ ke adat basa sidaꞌ. Cara sidaꞌ nyemah Tuhan Allah lain ari cara sidaꞌ Yahudi, kebaꞌ nyaꞌ nyuroh sidaꞌ Yahudi bemunsoh abaꞌ sidaꞌ Samaria.
Sitan toꞌ Roh te jaiꞌ. Sitan nyaꞌ anak buah Kepalaꞌ bala sitan. Jaman Isa urang madah penyaket adai tegal kebala sitan.
Sruga toꞌ teban te lampar bayek abaꞌ nyamai te deageh Tuhan Allah ngau urang te nunaꞌ jakoꞌ Ya abaꞌ te pecayaꞌ ke Ya. Sruga toꞌ teban jalai Tuhan Allah diyau. Isa madah Tuhan Allah toꞌ Apai Ya te de sruga (Mat. 6:1-9). Isa kedireꞌ datai ari sruga (Yoh. 6:38-42) abaꞌ udah pulai ken (Luk. 4:51). Jemah lah Ya kaꞌ datai ageꞌ ari sruga ( Luk. 21:27). Suci Tuhan Allah kudos, nyaꞌ bereti Ya nadai sama abaꞌ kebala utai te dapulah Ya, abaꞌ Ya bekuasa ke ugaꞌ utai te dapulah Ya. Abaꞌ Ya bekuasa gaꞌ de atau kebala roh abaꞌ kebala te idop de sruga. Ya selareh kenaꞌ niseꞌ dusa. Enteꞌ ensia abaꞌ kebala barang dasebot kudos, reti nyaꞌ urang atau barang nyaꞌ dapileh abaꞌ dakenoh-noh ngau ngelayan Tuhan Allah. Barang te kudos nitauꞌ dengau sebarang.
Suci Tuhan Allah kudos, nyaꞌ breti Ya nadai sama abaꞌ kebala utai te dapulah Ya, abaꞌ Ya bekuasa ke ugaꞌ utai te dapulah Ya. Abaꞌ Ya bekuasa gaꞌ de atau kebala roh abaꞌ kebala te idop de sruga. Ya slareh kenaꞌ niseꞌ dusa. Enteꞌ ensia abaꞌ kebala barang dasebot kudos, reti nyaꞌ urang atau barang nyaꞌ dapileh abaꞌ dakenoh-noh ngau ngelayan Tuhan Allah. Barang te kudos nitauꞌ dengau sebarang.
Sunat alam budaya Yahudi miyak laki te nyau umor lapan ari alah dasunat. Tuhan Allah mrintah isaꞌ ugaꞌ miyak laki Israel alah dasunat ngau tana sidaꞌ empu Ya (Kej. 17:9-14). Sunat nyaꞌ muai kulet ujong pemalu urang laki (peler).
Sungai Yordan nyaꞌ sungai de tanah Israel. Mata aiꞌ nyaꞌ ari buket Hermon, anyot mansang ke danau Galelia, terjon ke Laot Mati.
Tanah luah te baengkerangan Padang gurun toꞌ daerah te rangkai abaꞌ bebuket. Aiꞌ abaꞌ utai te tumoh diyaꞌ ma siket. Niseꞌ urang te entap diyau diyaꞌ, uleh kebala urang te gah de kisah alam Alkitab adai te udah idop den setegal. Bansa Israel beputar anar diyaꞌ slamaꞌ 40 taon jalai sidaꞌ kaꞌ mansang ke tanah te udah dedanyi Tuhan Allah ke sidaꞌ.
Ulon toꞌ urang te bekreja jadi kuli ke urang bukai. Sidaꞌ bekreja ke urang te jalai sidaꞌ kreja nadai degajeh nema sidaꞌ udah daempu urang te meli sidaꞌ. Sidaꞌ toꞌ urang te kalah perang, urang te depaksa abaꞌ urang misken.
Urang te ahli alam Prator Musa nyaꞌ klumpok agama Yahudi toꞌ kreja sidaꞌ proꞌ nyalen kitab te datules Musa. De jaman Isa, adai tiga tugas te dakreja sidaꞌ:
1. Nyalen kitab te datules Musa.
2. Ngajar kitab te datules Musa.
3. Mereꞌ nasihat ke urang isaꞌ nunaꞌ prator Tuhan Allah te datules Musa alam idop sidaꞌ ngenap ari.
Urang te ngintu dumba/
Urang tuai bansa Yahudi kebala pemimpen Yahudi te ma depanang urang, sidaꞌ betugas mereꞌ kebala nasihat ke sidaꞌ Yahudi, abaꞌ apa te depadah sidaꞌ dadinga kebala sidaꞌ Yahudi.
Utai te nyaroh ari Tuhan Allah Mujizat utai te proꞌ tauꞌ dapulah Tuhan Allah. Selamaꞌ Isa ngajar de dunia toꞌ Ya mayoh mulah utai te nyaroh ari Tuhan Allah. Cuntoh: Ngidop urang te nyau mati, bejalai de atau aiꞌ, nyemoh urang te pedeh abaꞌ mayoh ageꞌ cuntoh te kebukai.
Yerosalem toꞌ ibu kuta sidaꞌ Yahudi blaboh ari jaman raja Daod. Bukai ari pusat pemrintah, kuta nyaꞌ gaꞌ pusat te jalai sidaꞌ Yahudi nyemah Tuhan Allah. De jaman nyaꞌ adai Rumah Kudos Tuhan Allah te kusos teban ngau mereꞌ pesemah abaꞌ kurban ke Tuhan Allah.
Yohanes Pemaneꞌ toꞌ anak Elisabet abaꞌ Sakaria. Beratos-ratos taon sebedau ya adai, Tuhan Allah udah madah: Enteꞌ Ya kaꞌ ngutos sikoꞌ urang sebedau Al Maseh, ngau ngageh jalai ke Ya isaꞌ urang nrimaꞌ Ya ngau Tuhan abaꞌ Penyelamat sidaꞌ (Luk. 1:13-17; 57-56). Yohanes nyaꞌ mah te dautos.