Pengidop urang de jaman pemadoꞌ
3
Ingat kah toꞌ: De jaman pemadoꞌ toꞌ kita pesti mayoh ngasa pemedeh. 2 Nema mayoh urang kaꞌ idop ngaseh direꞌ kedireꞌ, sayang ke duet, mangah ngepah ngemah direꞌ, sumong, mangah mejaiꞌ urang bukai, meruntak ke apai inai, nadai nyarok betrimaꞌ kaseh, abaꞌ nadai iboh ke Tuhan Allah. 3 Sidaꞌ nadai nyarok kaseh ke urang bukai, nadai kaꞌ ngampon, mangah mejaiꞌ nama urang bukai, nadai tetan kedireꞌ, garang, abaꞌ areh ke utai te bayek. 4 Sidaꞌ ngemunsoh kebala kawan direꞌ, nadai bepiker panyai, tingeꞌ ati abaꞌ ngangap direꞌ lebeh penteng ari urang bukai, lebeh gaga nunaꞌ penekaꞌ direꞌ ari pada nunaꞌ kedekaꞌ Tuhan Allah. 5 Amat mah de mua urang sidaꞌ depedaꞌ patoh ke Tuhan Allah, uleh sidaꞌ nadai bamat-amat pecayaꞌ ke kuasa Tuhan Allah tauꞌ ngubah urang. Jaoh ke urang te upa nyaꞌ. 6 Nema kebala urang te piyaꞌ ngakoꞌ direꞌ guru agama, baroꞌ sidaꞌ tamaꞌ ke rumah urang bukai ngumok inoꞌ te budu te detamet kebala penekaꞌ te jat. 7 Kebala urang inoꞌ nyaꞌ mintaꞌ deajar sengabot, uleh sidaꞌ nadai ngamoꞌ nyarok. 8 Upa medaꞌ Yanis abaꞌ Yamres ngelawan Musa meliyaꞌ, upa piyaꞌ mah gaꞌ sidaꞌ te ngakoꞌ direꞌ guru agama ngelawan pengajar Tuhan Allah. Pemiker sidaꞌ nyau nadai ketauꞌ nauꞌ, abaꞌ sidaꞌ nadai bamat-amat pecayaꞌ ke Isa Al Maseh. 9 Uleh kebala sidaꞌ te ngakoꞌ direꞌ guru agama nadai tauꞌ nesat urang sengabot, nema ugaꞌ urang pesti tauꞌ badaꞌ pemudu sidaꞌ upa Yanis abaꞌ Yambres.Pengajar Paulos ke Timutios
10 Meh udah nunaꞌ pengajar ku, cara idop ku, abaꞌ pemansang idop ku. Meh kedireꞌ udah medaꞌ ku bamat-amat pecayaꞌ ke Isa Al Maseh abaꞌ ngaseh urang bukai. Meh sigeꞌ tauꞌ badaꞌ kati penyabar ku abaꞌ penekon ku. 11 Meh udah medaꞌ pemedeh ku jalai ku daprisa abaꞌ ku ngasa pemedeh, upa te udah ku asa ke de kuta Antiokia, Ikoniom, abaꞌ Listra.a Ugaꞌ pemedeh nyaꞌ udah ku asa uleh Tuhan Allah nyelamat ku ari ugaꞌ pemedeh nyaꞌ. 12 Amat mah, ngenap urang te kaꞌ idop kenaꞌ abaꞌ pecayaꞌ ke Isa Al Maseh alah ngasa pemedeh nyaꞌ, 13 uleh kebala urang te idop jat abaꞌ te mangah nipu, sidaꞌ empala jat. Sidaꞌ nipu urang abaꞌ sidaꞌ sigeꞌ datipu urang. 14 Uleh meh Timutios, meh alah bepegai sengabot ke kebala pengajar te kenaꞌ te udah deajar ke meh. Meh pecayaꞌ ke pengajar nyaꞌ nema meh tauꞌ badaꞌ sapa kami te ngajar ke meh. 15 Blaboh ari ageꞌ met meh lamaꞌ nyau nglala Kitab Suci. Kitab nyaꞌ mah te nyuroh meh nyarok, enteꞌ meh pecayaꞌ ke Isa Al Maseh meh tauꞌ slamat. 16 Ugaꞌ Kitab Suci datules nunaꞌ pemadah Tuhan Allah kedireꞌ. Ugaꞌ te datules de alam Kitab Suci beguna ngau ngajar, ngau negor penyalah urang, ngau ngapes penyalah urang, abaꞌ ngau nidek isaꞌ kita idop kenaꞌ de mua Tuhan Allah. 17 Ari te datules de alam Kitab Suci nyaꞌ, Tuhan Allah nyuroh urang te daempu ya talah abaꞌ dalengkapi ngau ngreja tugas te bayek.