SURAT PAULOS KE
TITOS
PENULAU BECAKAP
Titos toꞌ bukai sidaꞌ Yahudi uleh ya udah jadi agama Kristen, abaꞌ ya toꞌ kawan kreja Paulos. Surat toꞌ detuju ngusong Titos te tengan nyaꞌ adai de pulau Kreta nema ya udah dedudi Paulos den, isaꞌ nguros jemat den. Adai tiga utai te depadah alam surat toꞌ.
Te semaru, Titos de kingat upa kati kebala sipat urang te tauꞌ mimpen jemat. Utai nyaꞌ de padah semaru nema gaya idop urang te de Kreta mayoh te jat. Te kedua, Titos de kingat kati ya alah ngajar ngenap kelumpok urang te jadi anggota jemat nyaꞌ. Diyaꞌ adai kelumpok urang laki abaꞌ kelumpok urang inoꞌ te nyau tuai. Kelumpok te nyau tuai alah ngajar kebala urang te ageꞌ mudaꞌ ari sidaꞌ, abaꞌ adai kelumpok urang mudaꞌ abaꞌ kebala pemantoꞌ. Te ketiga, Titos deajar urang enteꞌ urang Kristen alah ritak abaꞌ gaga bedamai, nang areh ke urang, nang gah belayaꞌ, abaꞌ nang nimol utai te nyuroh pecah belah.