SURAT PAULOS KE
TITOS
PENULAU BECAKAP
Titos toꞌ sikoꞌ urang te ukai sidaꞌ Yahudi te udah jadi agama Kristen, baroꞌ ya ngau kawan kreja mantoꞌ Paulos. Surat toꞌ datuju ngusong Titos te tengan nyaꞌ adai de pulau Kreta nema ya udah dedudi den uleh Paulos, isaꞌ nguros jemat den. Adai tiga utai te depadah alam surat toꞌ.
Te semaru, Titos de kingat upa kati sifat-sifat urang te tauꞌ mimpen jemat. Utai nyaꞌ de padah semaru nema gaya urang te de Kreta mayoh te jat. Te kedua, Titos de kingat kati ya alah ngajar ngenap klumpok urang te jadi anggota jemat nyaꞌ. Diyaꞌ adai klumpok urang laki abaꞌ klumpok urang inok te udah tuwai te alah ngajar kebala urang te ageꞌ mudaꞌ ari sidaꞌ abaꞌ adai klumpok urang mudaꞌ abaꞌ kebala pemantoꞌ. Te ketiga, Titos de ajar urang enteꞌ urang Kristen alah ramah abaꞌ gaga bedamai, nang areh ke urang, nang gah blayaꞌ, abaꞌ nang nimol utai te nyuroh pecah belah.