SURAT PAULOS TE KEDUA KE
TIMUTIOS
PENULAU BECAKAP
Surat Paulos te kedua ke Timutios, luba biseꞌ pengajar kusos ke Timutios. Timutios toꞌ kawan suteꞌ pelayan Paulos te ageꞌ mudaꞌ. Te ma penteng depengajar toꞌ, isaꞌ Timutios kuat. Ya deajar abaꞌ deansak isaꞌ setia sengabot nusoi Brita Bayek sapa Tuhan Isa Al Maseh nyaꞌ, abaꞌ de suroh bapegai ke Perjanjian Lamaꞌ abaꞌ pengajar Brita Bayek ari Tuhan Allah. Timutios betugas ngau guru sengabot abaꞌ nusoi Brita Bayek ari Tuhan Allah, amat ya ngasa pemedeh abaꞌ delawan.
Timutios dekingat isaꞌ nadai abaꞌ campor alam kebala tengek te budu abaꞌ niseꞌ reti. Kebala tengek te upa piyaꞌ niseꞌ asel, bukai ari peroꞌ ngrusak piker urang te ninga.
Ugaꞌ pengajar toꞌ dekingat ke Timutios isaꞌ ya nunaꞌ cuntoh idop Paulos. Paulos toꞌ urang te pecayaꞌ ke Al Maseh, sabar, kaseh ke urang bukai, abaꞌ ya tan ngadap kebala utai te medeh ya.