SURAT PAULOS TE KEDUA KE
TIMUTIOS
PENULAU BECAKAP
Surat Paulos te kedua ke Timutios luba briseꞌ pengajar kusos ke Timutios. Timutios toꞌ kawan suteꞌ playan Paulos te ageꞌ mudaꞌ. Te ma penteng dapengajar toꞌ isaꞌ Timutios kuat. Ya deajar abaꞌ deransak isaꞌ setia sengabot nusoi Brita Bayek tentang Tuhan Isa Al Maseh abaꞌ bapegai ke Perjanjian Lamaꞌ abaꞌ pengajar tentang Brita Bayek ari Tuhan Allah; piyaꞌ gaꞌ isaꞌ Timutios betugas ngau guru sengabot abaꞌ nusoi Brita Bayek ari Tuhan Allah, amat mah ngasa pemedeh abaꞌ datentang.
Timutios kusos dakingat isaꞌ nadai abaꞌ campor alam kebala tengek te budu abaꞌ niseꞌ reti. Kebala tengek te upa piyaꞌ niseꞌ asel, bukai ari proꞌ ngrusak piker urang te ninga.
Ugaꞌ pengajar toꞌ dakingat ke Timutios isaꞌ ya nunaꞌ cuntoh ari pengidop Paulos. Paulos toꞌ urang te pecayaꞌ ke Al Maseh, sabar, kaseh ke urang bukai, abaꞌ ya tan ngadap kebala utai te medeh ya.