SURAT PAULOS TE SEMARU KE
TIMUTIOS
PENULAU BECAKAP
Timutios toꞌ urang Kristen te ageꞌ biyak de Asia met, ya jadi kawan Paulos abaꞌ mantoꞌ kreja Paulos. Apai ya sidaꞌ Yunani abaꞌ inai ya sidaꞌ Yahudi.
Alam surat Paulos te semaru ke Timutios, depadah adai tiga utai te penteng. Semaru, ngingat ke Timutios adai mayoh pengajar te salah alam jemat. Kebala pengajar nyaꞌ pengajar Yahudi udah bekamoh abaꞌ pengajar te ukai Yahudi te udah deajar de alam jemat. Pengajar sidaꞌ madah urang tauꞌ daslamat enteꞌ urang adai pemenauꞌ te kusos, abaꞌ alah patoh ke prator te kebukai. Cuntoh: nitauꞌ belaki bini, nitauꞌ makai utai sebarang te dabreꞌ Tuhan Allah ke kita abaꞌ adai mayoh ageꞌ utai te ke bukai. Te kedua, ngingat ke Timutios kati mileh urang te mimpen jemat abaꞌ upa kati urang te tauꞌ mimpen jemat. Te ketiga, Timutios deajar kati ya tauꞌ jadi playan Tuhan te bayek abaꞌ tangong jawab ya ke ngenap urang te jadi jemat.