SURAT PAULOS TE KEDUA KE JEMAT
TESALONIKA
PENULAU BECAKAP
Bedau lamaꞌ udah Paulos nules surat 1 Tesalonika, ya nerimaꞌ brita jemat de Tesalonika mayoh ngasa pemedeh abaꞌ sidaꞌ ampal ke brita penatai Al Maseh te kedua kaleꞌ abaꞌ takot ke penatai Al Maseh. Surat Paulos te kedua ke jemat de Tesalonika detules ngau ngudah masalah nyaꞌ. Sidaꞌ miker enteꞌ Al Maseh nyau kaꞌ datai. Uleh Paulos madah te depiker sidaꞌ nyaꞌ salah. Nema sebedau Al Maseh datai ageꞌ ke dunia, kaꞌ datai dulau sikoꞌ urang pemimpen te desebot “Ensia te Jat” abaꞌ te kaꞌ ngelawan Al Maseh.
Paulos nekan ke kebala urang te maca surat toꞌ, enteꞌ sidaꞌ alah bamat betan pecayaꞌ ke Al Maseh amat mah idop sidaꞌ pedeh abaꞌ sidaꞌ alah ngasa pemedeh. Paulos ngajar isaꞌ sidaꞌ mansen kreja ngau ngidop direꞌ, sama upa Paulos abaꞌ kebala kawan ya. Abaꞌ isaꞌ sidaꞌ tekon mulah te bayek.