SURAT PAULOS TE KEDUA KE JEMAT
TESALONIKA
PENULAU BECAKAP
Bedau lamaꞌ udah Paulos nules surat 1 Tesalonika, ya nrimaꞌ rita jemat de Tesalonika mayoh ngasa pemedeh abaꞌ sidaꞌ ampal ke rita penatai Al Maseh te kedua kaleꞌ abaꞌ takot ke penatai Al Maseh. Surat Paulos te kedua ke jemat de Tesalonika datules ngau ngudah masalah nyaꞌ. Sidaꞌ miker enteꞌ penatai Al Maseh nyau kaꞌ datai. Uleh Paulos madah te dapiker sidaꞌ nyaꞌ salah. Nema, sebedau Al Maseh datai ageꞌ ke dunia, kaꞌ datai dulau sikoꞌ urang pemimpen te dasebot “Ensia te Jat” abaꞌ te kaꞌ nentang Al Maseh.
Paulos nekan ke kebala urang te maca surat toꞌ enteꞌ sidaꞌ alah bamat betan pecayaꞌ ke Al Maseh amat mah idop sidaꞌ pedeh abaꞌ sidaꞌ alah ngasa pemedeh. Paulos ngajar isaꞌ sidaꞌ mansen kreja ngau ngidop direꞌ, sama abaꞌ Paulos abaꞌ kebala kawan ya. Abaꞌ isaꞌ sidaꞌ tekon mulah te bayek.