Pradua urang pecayaꞌ
2
Timutios, te paleng penteng ku mintaꞌ isaꞌ meh bradua ke ugaꞌ urang. Pintaꞌ ke Tuhan Allah isaꞌ Ya nyukop te deperlu sidaꞌ. Abaꞌ besukor ke sidaꞌ. 2 Meh alah bradua ke kebala raja abaꞌ sidaꞌ te mrintah, isaꞌ kita tauꞌ idop tenang abaꞌ damai, abaꞌ isaꞌ kita idop nunaꞌ kedekaꞌ Tuhan Allah abaꞌ cara idop kita patot dahormat urang. 3 Nyaꞌ mah te bayek te nyuroh ati Tuhan Allah, Penyelamat kita gaga. 4 Ya kaꞌ isaꞌ ugaꞌ urang deselamat abaꞌ tauꞌ badaꞌ upa kati pengajar Isa Al Maseh te kenaꞌ. 5 Nema peroꞌ sikoꞌ mah Allah abaꞌ peroꞌ sikoꞌ mah penengah Tuhan Allah abaꞌ ensia. Penengaha nyaꞌ Isa Al Maseh te jadi ensia. 6 Ya te udah nyerah direꞌ ngelepas ugaꞌ urang ari dusa sidaꞌ. Ngau cara nyaꞌ Tuhan Allah nunyok de senta te pas enteꞌ Ya kaꞌ nyelamat ugaꞌ urang. 7 Nyaꞌ mah te nyuroh Tuhan Allah mileh ku jadi rasol Ya ngau madah Brita Bayek ke bansa te bukai Yahudi abaꞌ ngajar Isa ke sidaꞌ. Apa te ku padah ke toꞌ amat mah! Nadai ku bulaꞌ.Gaya urang laki abaꞌ urang inoꞌ bradua alam jemat
8 Kebaꞌ nyaꞌ ku kaꞌ isaꞌ dini jaꞌ urang laki bradua alah ngangkat jari ngau ati te suci, nadai ranseng abaꞌ niseꞌ belayaꞌ abaꞌ pangan.
9 Upa piyaꞌ gaꞌ kebala urang inoꞌ. Sidaꞌ alah belagaꞌ te patot, sederhana abaꞌ bok nang depet, nang ngau mas abaꞌ mutiara, abaꞌ kebala kayen baju te mahal. 10 Uleh kebala urang inoꞌ te nyemah Tuhan Allah alah mulah kebala utai te bayek ke urang bukai, nema nyaꞌ te nyuroh sidaꞌ bamat-amat panci.
11 Urang inoꞌ alah sunyeꞌ abaꞌ nerimaꞌ apa te deajar ngau patoh. 12 Ku nadai nyadi kebala urang inoꞌ ngajar abaꞌ mrintah laki, ya alah sunyeꞌ. 13 Nema Adam te semaru depulah udah nyaꞌ baroꞌ Hawa. 14 Abaꞌ ukai Adam te detipu Ibles uleh Hawa, abaꞌ Hawa laboh ke alam dusa.b 15 Amat piyaꞌ urang inoꞌ tauꞌ deselamat enteꞌ ngadai miyak, pukoꞌ ya ngau renah ati alah selareh pecayaꞌ ke Al Maseh abaꞌ selareh ngaseh urang bukai abaꞌ idop kudos ngau Tuhan Allah.